ಜೀವನಶೈಲಿ ರೋಗಗಳ ವಿರುದ್ಧ ತಿಳುವಳಿಕಾ ಓಟ

ಕಾಸರಗೋಡು: ಪಡನ್ನಕ್ಕಾಡು ನೆಹರೂ ಕಲಾ ಮತ್ತು ವಿಜ್ಞಾನ ಕಾಲೇಜಿನ ಎನ್‌ಸಿಸಿ ಘಟಕದ ಆಶ್ರಯದಲ್ಲಿ ಜೀವನ ಶೈಲಿ ರೋಗಗಳ ವಿರುದ್ಧ ತಿಳುವಳಿಕಾ ಸಾಮೂಹಿಕ ಓಟ ನಡೆಯಿತು.

ಪಡನ್ನಕ್ಕಾಡು, ಕರುವಳಂ, ತೀರ್ಥಾಂಕರ ಪ್ರದೇಶಗಳ ಮೂಲಕ ನಡೆಸಿದ ಸಾಮೂಹಿಕ ಓಟದಲ್ಲಿ ನೂರು ಎನ್‌ಸಿಸಿ ಕೆಡೆಟ್‌ಗಳು ಭಾಗವಹಿಸಿದ್ದರು. ಎನ್‌ಸಿಸಿ ಅಧಿಕಾರಿ ಲೆಫ್ಟ್‌ನೆಂಟ್‌ ನಂದಕುಮಾರ್‌ ಕೋರೋತ್‌ ಧ್ವಜಾರೋಹಣ ಮಾಡಿದರು. ಅಂಡರ್‌ ಅಧಿಕಾರಿಗಳಾದ ಕೆ.ಪಿ. ವಿನೀತ್‌, ರಿಯ ಪಿ. ರಾಜು, ಟಿ. ಎಸ್‌. ಶ್ರೀವಿದ್ಯಾ ನೇತೃತ್ವ ನೀಡಿದರು.

ಜೀವನಶೈಲಿ ರೋಗಗಳನ್ನು ತಡೆಗಟ್ಟುವಲ್ಲಿ ವ್ಯಾಯಾಮದ ಪ್ರಾಶಸ್ತ್ಯ ಎಂಬ ವಿಷಯದಲ್ಲಿ ಚರ್ಚೆಯಾಯಿತು.