ಎಂಡೋಸಲ್ಫಾನ್‌ ಸಂತ್ರಸ್ತ ವಲಯದಲ್ಲಿ ಸಾಂತ್ವನ ಸ್ಪರ್ಶ

ಕಾಸರಗೋಡು: ಎಂಡೋಸಲ್ಫಾನ್‌ ಸಂತ್ರಸ್ತ ವಲಯದ ಬಡ್ಸ್‌ ಶಾಲೆಯ ಪುಟಾಣಿಗಳಿಗೆ ಕಲಿಕೋಪಕರಣ ವಿತರಣೆಯೊಂದಿಗೆ ರಾಜ್ಯದ ನಾನಾ ಜಿಲ್ಲೆಗಳ ಯುವಕರು ಈ ಬಾರಿಯೂ ಕಾಸರಗೋಡು ಜಿಲ್ಲೆಗೆ ಬಂದಿದ್ದಾರೆ.

ಕೇರಳ ಯುವ ಭಡ್ತಿ ಸಮಿತಿಯ ನೇತೃತ್ವದಲ್ಲಿ ಕಳೆದ ಎಂಟು ವರ್ಷಗಳಿಂದ ನಡೆಸುವ ಸಾಂತ್ವನ ಯೋಜನೆಯ ಅಂಗವಾಗಿ ಕಾರಡ್ಕ ಸ್ನೇಹ ಬಡ್ಸ್‌ ಶಾಲೆಯ ವಿದ್ಯಾರ್ಥಿಗಳಿಗೆ ಕಲಿಕೋಪಕರಣ ವಿತರಿಸಲಾಯಿತು.

ಮಕ್ಕಳಿಗೆ ಅಗತ್ಯವಿರುವ ಕಲಿಕೋಪಕರಣಗಳು, ನಾನಾ ಉದ್ಯೋಗ ವಲಯಗಳಲ್ಲಿ ತರಬೇತಿ ಯುವ ಭಡ್ತಿ ಸಮಿತಿ ಒಂದು ವರ್ಷಕ್ಕೆ ನಡೆಸಲಿದೆ. ಪ್ಲಸ್‌ವನ್‌ ಕಲಿಕೆಯಲ್ಲಿ ಆಸಕ್ತಿ ತೋರಿಸಿದ ವಿದ್ಯಾರ್ಥಿನಿಯೊಬ್ಬರ ವಿದ್ಯಾಭ್ಯಾಸ ಖರ್ಚನ್ನು ಪ್ರಸ್ತುತ ಸಮಿತಿ ವಹಿಸುತ್ತಿದೆ.

ರಾಜ್ಯ ಅಧ್ಯಕ್ಷ ಡಾ. ಸುಮನ್‌ಜಿತ್‌ ಮಿಷ ಅಧ್ಯಕ್ಷ ತೆ ವಹಿಸಿದ್ದರು. ಕಾರಡ್ಕ ಪಂಚಾಯಿತಿ ಅಧ್ಯಕ್ಷೆ ಅನುಸೂಯ ರೈ ಉದ್ಘಾಟಿಸಿದರು. ಉಪಾಧ್ಯಕ್ಷ ವಿನೋದ್‌ ನಂಬಿಯಾರ್‌, ಸ್ಥಾಯಿ ಸಮಿತಿ ಅಧ್ಯಕ್ಷ Ü ವಿಜಯಕುಮಾರ್‌, ರೇಣುಕಾ ದೇವಿ, ಜನಿ, ಪಂಚಾಯಿತಿ ಕಾರ್ಯದರ್ಶಿ ನಂದಗೋಪಾಲ್‌, ಸಮಿತಿ ಪದಾಧಿಕಾರಿಗಳಾದ ಸುನಿಲ್‌ ಸುರೇಂದ್ರನ್‌, ಎಂ.ಎ. ಸಜ್ಜಾದ್‌, ಸಾದಿಖ್‌, ಮನ್ಸೂರ್‌, ಹರಿಕುಟ್ಟನ್‌, ಕಿರಣ್‌ ಶಾನಿಫ್‌ ನೆಲ್ಲಿಕಟ್ಟೆ, ಸಫ್ವಾನ್‌ ಚೆಡೇಕ್ಕಾಲ್‌, ಶಾಲಾ ಪ್ರತಿನಿಧಿ ಭಾರತಿ ಮಾತನಾಡಿದರು.