ಬೇಸಿಗೆ ಆರಂಭ: ಕೇರಳದಲ್ಲಿಹಾಲು ಉತ್ಪಾದನೆಯಲ್ಲಿಕುಸಿತ

ಕೆ. ಗಂಗಾಧರ್‌ ಯಾದವ್‌ ಕಾಸರಗೋಡು

ಬೇಸಿಗೆ ಕಾಲ ಸಮೀಪಿಸುತ್ತಿದ್ದಂತೆಯೇ ಕೇರಳದಲ್ಲಿಹಾಲು ಉತ್ಪಾದನೆಯಲ್ಲಿಭಾರಿ ಕುಸಿತ ಉಂಟಾಗಿದೆ.

ಮಲಬಾರ್‌ ವಲಯದಲ್ಲಿಹಾಲು ಉತ್ಪಾದನೆಯಲ್ಲಿಕುಸಿತವಾಗಿದ್ದಲ್ಲದೆ ಕರ್ನಾಟಕ ಹಾಗೂ ತಮಿಳುನಾಡಿನಿಂದ ಆಮದು ಮಾಡುತ್ತಿದ್ದ ಹಾಲಿನ ಪ್ರಮಾಣ ಕಡಿಮೆಯಾಗಿರುವುದು ಇನ್ನಷ್ಟು ಸಂದಿಗ್ಧಾವಸ್ಥೆಗೆ ಕಾರಣವಾಗಿದೆ.

ಕೇರಳದಲ್ಲಿಪ್ಯಾಕೆಟ್‌ ಹಾಲು ವಿತರಿಸುವ ಮಿಲ್ಮಾ 12 ಲಕ್ಷ ಲೀ. ಹಾಲನ್ನು ಪ್ರತಿದಿನ ಸಂಗ್ರಹಿಸುತ್ತಿದೆ. ಇದಲ್ಲದೆ ಕರ್ನಾಟಕ ಮಿಲ್‌್ಕ ಫೆಡರೇಶನ್‌(ಕೆಎಂಎಫ್‌)ನಿಂದ 2.5 ಲಕ್ಷ ಲೀಟರ್‌ ಹಾಲು ಖರೀದಿಸುತ್ತಿದೆ. ಫೆಬ್ರವರಿ 1ರಿಂದ ಕೆಎಂಎಫ್‌ನಿಂದ ಸರಬರಾಜು ಮಾಡುತ್ತಿದ್ದ ಹಾಲಿನಲ್ಲಿಒಂದು ಲಕ್ಷ ಲೀಟರ್‌ ಕಡಿಮೆ ಮಾಡಲಾಗಿದೆ. ಕೇರಳದಲ್ಲಿಪ್ರತಿದಿನ ಹಾಲು ಉತ್ಪಾದನೆ ಸರಾಸರಿ 12 ಲಕ್ಷ ಲೀಟರ್‌ ಆಗಿದೆ. ಆದರೆ ಬಳಕೆ 13.5 ಲಕ್ಷ ಲೀಟರ್‌ ಆಗಿದೆ. ಉತ್ಪಾದನೆ ಮತ್ತು ಬಳಕೆಯ ಅಂತರ 1.5 ಲಕ್ಷ ಲೀಟರ್‌ ಆಗಿದೆ.

ಬೇಸಿಗೆ ಕಾಲ ಆರಂಭವಾಗುತ್ತಿದ್ದಂತೆ ಕರ್ನಾಟಕ, ತಮಿಳುನಾಡು ರಾಜ್ಯಗಳಲ್ಲಿಹಾಲು ಉತ್ಪಾದನೆ ಕಡಿಮೆಯಾಗಿದ್ದು, ನೆರೆ ರಾಜ್ಯಗಳ ಹಾಲು ಸಹಕಾರಿ ಫೆಡರೇಶನ್‌ಗಳಿಂದ ಆಮದಾಗುವ ಹಾಲು ಕಡಿಮೆಯಾಗಿದೆ. ಇದು ಕೇರಳ ರಾಜ್ಯದಲ್ಲಿಹಾಲು ವಿತರಣೆಯಲ್ಲಿಸಂಕಷ್ಟ ತಂದೊಡ್ಡಿದೆ.

ಮುಂದಿನ ತಿಂಗಳಿನಿಂದ ಹಾಲು ಉತ್ಪಾದನೆ ಇನ್ನಷ್ಟು ಕಡಿಮೆಯಾಗುವುದರಿಂದ ಮಿಲ್ಮಾ ಮ್ಯಾನೇಜ್‌ಮೆಂಟ್‌ ಆತಂಕ ವ್ಯಕ್ತಪಡಿಸಿದೆ. ಪ್ರಸ್ತುತ ಕರ್ನಾಟಕದಿಂದ ಆಮದು ಮಾಡುವ ಹಾಲಿಗೆ ಲೀಟರ್‌ಗೆ 36 ರೂ. ಮತ್ತು ಸಾಗಾಟ ವೆಚ್ಚ ಸೇರಿದಂತೆ 39 ರೂ. ನೀಡಬೇಕಾಗಿದೆ.

ಮಲಬಾರ್‌ನಲ್ಲಿಮಿಲ್ಮಾದ ಮಾರಾಟ ದರ ಲೀಟರ್‌ಗೆ 46 ರೂ. ಆಗಿದೆ. ಹಾಲು ಕೊರತೆ ನೀಗಿಸಲು ಲಾಭ ನಷ್ಟ ಲೆಕ್ಕ ಹಾಕದೆ ಮಿಲ್ಮಾ ಅಗತ್ಯ ಹಾಲು ಖರೀದಿಗೆ ಸಿದ್ಧವಾದರೂ ಕರ್ನಾಟಕದ ಸಹಕಾರಿ ಫೆಡರೇಶನ್‌ನಿಂದ ಸಾಕಷ್ಟು ಹಾಲು ವಿತರಣೆಯಾಗುವುದಿಲ್ಲ. ಕರ್ನಾಟಕದಲ್ಲೂಅಗತ್ಯಕ್ಕೆ ಬೇಕಾದ ಹಾಲಿನ ಕೊರತೆ ಇದೆ ಎನ್ನಲಾಗಿದೆ. ಇದೇ ರೀತಿ 2007ರಲ್ಲಿಹಾಲು ಖರೀದಿಯಲ್ಲಿಸಂಕಷ್ಟ ಉಂಟಾದಾಗ ಮಹಾರಾಷ್ಟ್ರದಿಂದ ಹಾಲು ತರಲಾಗಿತ್ತು.

ಜಾನುವಾರುಗಳಿಗೆ ಬಾಧಿಸುವ ಲಂಫಿ ಸ್ಕಿನ್‌ ರೋಗದಿಂದಾಗಿ ಎರ್ನಾಕುಳಂ ವಲಯದಲ್ಲಿಹಾಲು ಉತ್ಪಾದನೆಯಲ್ಲಿ25ರಿಂದ 50 ಸಾವಿರ ಲೀ.ನಷ್ಟು ಹಾಲಿನ ಕೊರತೆ ಉಂಟಾಗಿದೆ. ರಾಜ್ಯದಲ್ಲಿಏಪ್ರಿಲ್‌, ಮೇ ತಿಂಗಳಲ್ಲಿಹಾಲು ಉತ್ಪಾದನೆಯಲ್ಲಿಇನ್ನಷ್ಟು ಕೊರತೆಯಾಗುವ ಸಾಧ್ಯತೆ ಇದ್ದು, ಇದು ಹಾಲು ವಿತರಣೆಗೆ ಸಮಸ್ಯೆಯಾಗಲಿದೆ. ಇದೀಗ ಕೇರಳದಲ್ಲಿಉಷ್ಣಾಂಶ ಹೆಚ್ಚಾಗುತ್ತಿರುವುದು ಸಹ ಆತಂಕಕ್ಕೆ ಕಾರಣವಾಗಿದೆ.

ಕೇರಳ ರಾಜ್ಯದಲ್ಲಿಹಾಲು ಸಂಗ್ರಹ ಕಾರ್ಯ ಸಹಕಾರಿ ಸಂಘಗಳ ಮೂಲಕ ಮಾತ್ರ ನಡೆಯುತ್ತಿದೆ. ಉತ್ಪಾದನೆ ಕಡಿಮೆಯಾಗಿ, ಕರ್ನಾಟಕದಿಂದ ಆಮದು ಮಾಡುವ ಹಾಲಿನ ಪ್ರಮಾಣ ಕಡಿಮೆಯಾದ ಹಿನ್ನೆಲೆಯಲ್ಲಿಸಂಕಷ್ಟ ಉಂಟಾಗಿರುವುದರಿಂದ ಅದಕ್ಕೆ ಪರಿಹಾರ ಕಾಣುವುದಕ್ಕಾಗಿ ಗುಣಮಟ್ಟವನ್ನು ಖಾತರಿಪಡಿಸಿಕೊಂಡು ಖಾಸಗಿ ಡೈರಿಗಳಿಂದ ಹಾಲು ಖರೀದಿಸಲು ಚಿಂತನೆ ನಡೆಸುತ್ತಿರುವುದಾಗಿ ಮಿಲ್ಮಾ ಮ್ಯಾನೇಜ್‌ಮೆಂಟ್‌ ತಿಳಿಸಿದೆ.