ತ್ರಿವಳಿ ತಲಾಕ್‌: ಕಾಸರಗೋಡಿನಲ್ಲಿಮೊದಲ ಕೇಸು

ಕಾಸರಗೋಡು: ತ್ರಿವಳಿ ತಲಾಕ್‌ ನಿಷೇಧ ಕಾನೂನು ಜಾರಿಗೊಂಡ ಬಳಿಕ ಕಾಸರಗೋಡು ಜಿಲ್ಲೆಯಲ್ಲಿಮೊದಲ ಕೇಸು ದಾಖಲಿಸಲಾಗಿದೆ.

ಶಿರಿಬಾಗಿಲು ಪುಳ್ಕೂರು ನಿವಾಸಿ ಮೈಮೂನಾ(29) ಎಂಬವರು ನೀಡಿದ ದೂರಿನಂತೆ ಆಕೆಯ ಪತಿ ಕೂಡ್ಲುನಿವಾಸಿ ಆಶ್ರಫ್‌ ವಿರುದ್ಧ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದಾರೆ.

ಮೈಮೂನಾ ಮತ್ತು ಆಶ್ರಫ್‌ ವಿವಾಹ 2007ರ ಜು.15ರಂದು ನಡೆದಿತ್ತು. 2019ರ ಮಾ.15ರಂದು ಪತಿ ಆಶ್ರಫ್‌ ಮೈಮೂನಾ ಅವರಿಗೆ ಸಹೋದರನ ಮೊಬೈಲ್‌ ಫೋನ್‌ಗೆ ವಾಟ್ಸ್ಯಾಪ್‌ ಸಂದೇಶ ಕಳುಹಿಸುವ ಮೂಲಕ ತಲಾಕ್‌ ನೀಡಿರುವುದಾಗಿ ಪೊಲೀಸರಿಗೆ ನೀಡಿದ ದೂರಿನಲ್ಲಿತಿಳಿಸಲಾಗಿದೆ. ಈ ಬಗ್ಗೆ ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.