ಯೋಗ ದಿನಾಚರಣೆ

ಕಾಸರಗೋಡು: ಪೆರಿಯಾ ಕೇರಳ ಕೇಂದ್ರ ವಿಶ್ವವಿದ್ಯಾಲಯದಲ್ಲಿ ಐದನೇ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ನಡೆಯಿತು. ವಿವಿ ಉಪಕುಲಪತಿ ಡಾ. ಜಿ. ಗೋಪ ಕುಮಾರ್‌ ಅಧ್ಯಕ್ಷ ತೆ ವಹಿಸಿದ್ದರು. ಉದ್ಘಾಟನೆಯನ್ನು ನಿರ್ವಹಿಸಿದ ಕೇರಳ ಚಿನ್ಮಯಾ ಮಿಷನ್‌ ಅಧ್ಯಕ್ಷ ಸ್ವಾಮಿ ವಿವಿಕ್ತಾನಂದ ಮಾತನಾಡಿ, ಯೋಗದ ಪ್ರಾಧಾನ್ಯತೆ, ಭಾರತದ ಆಯುರ್ವೇದ ಯೋಗ ಸಂಸ್ಕಾರದ ಕುರಿತಾದ ಅರಿವು ಮಕ್ಕಳಲ್ಲಿ ಮೂಡಿಸುವಂತಾಗಬೇಕು ಎಂದು ಹೇಳಿದರು.

ಸಹ ಉಪಕುಲಪತಿ ಪ್ರೊ. ಕೆ. ಜಯಪ್ರಸಾದ್‌, ವಿವಿ ರಿಜಿಸ್ಟ್ರಾರ್‌ ಡಾ. ಎ. ರಾಧಾಕೃಷ್ಣನ್‌ ನಾಯರ್‌, ಪರೀಕ್ಷಾ ಕಂಟ್ರೋಲರ್‌ ಡಾ. ಎಂ. ಮುರಳೀಧರನ್‌ ನಂಬ್ಯಾರ್‌ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಸ್ಕೂಲ್‌ ಆಫ್‌ ಮೆಡಿಸಿನ್‌ ಆ್ಯಂಡ್‌ ಪಬ್ಲಿಕ್‌ ಹೆಲ್ತ್‌ ವಿಭಾಗ ಡೀನ್‌ ಡಾ. ರಾಜೇಂದ್ರ ಪಿಲಿಂಕಟ್ಟೆ ಸ್ವಾಗತಿಸಿದರು. ಕೇಂದ್ರ ಆಯುಷ್‌ ಸಚಿವಾಲಯದ ನಿರ್ದೇಶ ಪ್ರಕಾರ ಕೇಂದ್ರ ವಿವಿಯ ಯೋಗ ವಿಭಾಗದ ವಿದ್ಯಾರ್ಥಿಗಳ ಕೇಂದ್ರ ವಿವಿ ಯೋಗ ವಿಭಾಗದ ವಿದ್ಯಾರ್ಥಿಗಳು, ತರಬೇತಿ ನೀಡಿದ ನಾನಾ ಶಾಲೆಗಳ 450 ವಿದ್ಯಾರ್ಥಿಗಳು ಯೋಗ ಪ್ರದರ್ಶನ ನೀಡಿದರು. ಸಾಂಸ್ಕೃತಿ ಕಾರ್ಯಕ್ರಮ ನಡೆಯಿತು. ಕೇಂದ್ರ ವಿವಿ ಯೋಗ ವಿಭಾಗ ವಿದ್ಯಾರ್ಥಿಗಳು ಯೋಗಾಸನಗಳನ್ನು ಪ್ರದರ್ಶಿಸಿದರು. ವಿವಿ ಯೋಗ ಇಲಾಖೆ ಅಕಾಡೆಮಿಕ್‌ ಸಂಯೋಜಕ, ಯೋಗ ದಿನದ ಸಂಯೋಜಕ ಡಾ. ಸುಬ್ರಹ್ಮಣ್ಯ ಪೈಲೂರು ವಂದಿಸಿದರು.