7.25 ಕೆಜಿ ಗಾಂಜಾ ವಶ, ಆರೋಪಿ ಬಂಧನ

ಕುಶಾಲನಗರ: ಮನೆ ಹಿಂಭಾಗ ಗಾಂಜಾ ಗಿಡ ಬೆಳೆದಿದ್ದ ಯುವಕನನ್ನು ಪೊಲೀಸರು ಬಂಧಿಸಿದ್ದು, 7.25 ಕೆಜಿಯಷ್ಟು ಗಾಂಜಾ ವಶಪಡಿಸಿಕೊಂಡಿದ್ದಾರೆ.

ಕುಶಾಲನಗರದ ಬೈಚನಹಳ್ಳಿಯ 1ನೇ ಬ್ಲಾಕ್‌ ನಿವಾಸಿ ಪೈಟಿಂಗ್‌ ಕೆಲಸಗಾರ ಮಹಮ್ಮದ್‌ ಅನೀಸ್‌ ಬಂಧಿತ ಆರೋಪಿ. ಖಚಿತ ಮಾಹಿತಿ ಆಧರಿಸಿ ಪೊಲೀಸರು ದಾಳಿ ನಡೆಸಿದ್ದಾರೆ. ಕೊಡಗು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಡಾ.ಡಿ.ಪಿ.ಸುಮನ್‌ ಮಾರ್ಗದರ್ಶನದಲ್ಲಿ ಡಿವೈಎಸ್ಪಿ ದಿನಕರ ಶೆಟ್ಟಿ, ವೃತ್ತ ನಿರೀಕ್ಷ ಕ ದಿನೇಶ್‌ ಕುಮಾರ್‌ ನೇತೃತ್ವದಲ್ಲಿ ಕುಶಾಲನಗರ ಪೊಲೀಸ್‌ ಠಾಣಾಧಿಕಾರಿ ಜಗದೀಶ್‌, ಅಪರಾಧ ಪತ್ತೆದಳದ ಸಜಿ, ದಯಾನಂದ, ರವೀಂದ್ರ, ಉಮೇಶ್‌, ಚಂದ್ರಶೇಖರ್‌, ಸುಧೀಶ್‌ ಕುಮಾರ್‌, ಜೋಸೆಫ್‌, ಪ್ರಕಾಶ್‌, ಚಾಲಕರಾದ ಅರುಣ್‌, ಗಣೇಶ್‌, ಪ್ರವೀಣ್‌ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.