ಹುಲಿ ದಾಳಿಗೆ ಮತ್ತೊಂದು ಹಸು ಬಲಿ

ಸಿದ್ದಾಪುರ: ಗ್ರಾಮದಲ್ಲಿ ಕಳೆದ ಎರಡು ದಿನಗಳಿಂದ ಹುಲಿ ದಾಳಿ ಭೀತಿ ಹೆಚ್ಚಾಗಿದೆ. ಈಚೆಗಷ್ಟೆ ಹಸುವೊಂದರ ಮೇಲೆ ದಾಳಿ ನಡೆಸಿ ಕೊಂದುಹಾಕಿದ್ದ ಹುಲಿರಾಯ, ಬಾಡಗ ಬಾಣಂಗಲದ ಕಾಫಿ ತೋಟವೊಂದರಲ್ಲಿ ಮತ್ತೊಂದು ಹಸುವನ್ನು ಕೊಂದ್ದಿದಾನೆ.

ಕಳೆದ ಮೂರು ತಿಂಗಳಲಿ ಬಲಿಯಾಗಿರುವ 36ನೇ ಜಾನುವಾರು ಇದಾಗಿದೆ. ಹುಲಿ ಹಾವಳಿಯಿಂದ ಕಾರ್ಮಿಕರು,ಶಾಲಾ ವಿದ್ಯಾರ್ಥಿಗಳು, ಸಾರ್ವಜನಿಕರು ಭಯಭೀತರಾಗಿದ್ದಾರೆ.

ಇತ್ತಿಚೆಗೆ ಅರಣ್ಯ ಇಲಾಖೆ ಅಳವಡಿಸಿದ ಕ್ಯಾಮೆರಾದಲ್ಲಿ ಪತ್ತ್ತೆಯಾಗಿರುವ ಹುಲಿ ಇದೀಗ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಿದೆ. ಕೂಡಲೆ ಹುಲಿಯನ್ನು ಸೆರೆಹಿಡಿಯಬೇಕೆಂದು ಮಾಜಿ ತಾಲೂಕು ಪಂಚಾಯತಿ ಸದಸ್ಯ ಸಿ ಎ ಹಂಸ ಅರಣ್ಯ ಇಲಾಖೆಯನ್ನು ಒತ್ತಾಯಿಸಿದ್ದಾರೆ