ಅಧಿಕಾರಿಗಳಿಗೆ ‘ಮಾಸ್ಟರ್’ ತರಬೇತಿ

ಮಡಿಕೇರಿ: ಮಡಿಕೇರಿಯ ಸಾಂಬಾರ ಬೆಳೆಗಳ ಸಂಶೋಧನಾ ಕೇಂದ್ರ ಅಪ್ಪಂಗಳದಲ್ಲಿ ಕೃಷಿ, ತೋಟಗಾರಿಕೆ, ಕಾಫಿ ಮಂಡಳಿ ಹಾಗೂ ಕೃಷಿ ವಿಜ್ಞಾನ ಕೇಂದ್ರದ ವಿಸ್ತರಣಾ ಅಧಿಕಾರಿಗಳಿಗೆ ಮಾಸ್ಟರ್ ತರಬೇತಿ ಕಾರ್ಯಕ್ರಮ ನಡೆಸಲಾಯಿತು.
ಅಪ್ಪಂಗಳ ಪ್ರಾದೇಶಿಕ ಕೇಂದ್ರದ ಪ್ರಧಾನ ವಿಜ್ಞಾನಿ ಮತ್ತು ಮುಖ್ಯಸ್ಧ ಡಾ.ಎಸ್.ಜೆ.ಅಂಕೇಗೌಡ ಮೆಣಸಿನ ಬಳ್ಳಿಗೆ ನೀರನ್ನು ಹಾಕುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.
ಕಾರ್ಯಕ್ರಮದಲ್ಲಿ ಉತ್ಪಾದನೆ ಮತ್ತು ಸಾಂಬಾರ ಬೆಳೆಗಳ ಪೂರ್ವ ಕೊಯ್ಲು ಬಗೆಗಿನ ತರಬೇತಿ ನೀಡಲಾಯಿತು. ಕಾರ್ಯಕ್ರಮದಲ್ಲಿ ಮಡಿಕೇರಿ ಕಾಫಿ ಮಂಡಳಿಯ ಜಂಟಿ ನಿರ್ದೇಶಕ ಎ.ಪಿ ಅನಂತಕುಮಾರ್, ಡಾ.ಕೆ.ಸಾಜು ಸಾರ್ವಜನಿಕರನ್ನು ಉದ್ದೇಶಿಸಿ ಮಾತನಾಡಿದರು.
ವಿಜ್ಞಾನಿ ಡಾ.ಶರಣ್ ಅರವಿಂದ್ ವಿವಿಧ ಸಂಬಾರ ಬೆಳೆಗಳ ಸಂಪತ್ತಿನ ಬಗ್ಗೆ, ಪ್ರಧಾನ ವಿಜ್ಞಾನಿ ಡಾ.ಎಸ್.ಜೆ.ಅಂಕೆಗೌಡ ಸಂಬಾರ ಬೆಳೆಗಳ ಸಸ್ಯಪಾಲಿಕೆ ಮತ್ತು ನಿರ್ವಹಣೆ ಬಗ್ಗೆ, ಕಲ್ಲಿಕೋಟೆ ಐ.ಸಿ.ಎ.ಆರ್-ಐ.ಐ.ಎಸ್.ಆರ್ ವಿಜ್ಞಾನಿ, ಡಾ.ಬಿಜು ಸಿ.ಎನ್, ಸಂಬಾರ ಬೆಳೆಗಳ ರೋಗಭಾದೆ ಮತ್ತು ಕೀಟಗಳ ನಿರ್ವಹಣೆ ಬಗ್ಗೆ ಮಾಹಿತಿ ನೀಡಿದರು. ಕಾರ್ಯಕ್ರಮದಲ್ಲಿ ನಾನಾ ಇಲಾಖೆಗಳಿಂದ 60 ವಿಸ್ತರಣಾ ಅಧಿಕಾರಿಗಳು ಭಾಗವಹಿಸಿದ್ದರು.