ಪ್ರಾಣಿ ಬೇಟೆಗೆ ಯತ್ನಿಸುತ್ತಿದ್ದ ಮೂವರ ಸೆರೆ

ಸೋಮವಾರಪೇಟೆ: ತಾಲೂಕಿನ ನಿಡ್ತ ಮೀಸಲು ಅರಣ್ಯದಲ್ಲಿ ಉರುಳು ಹಾಕಿ ವನ್ಯಪ್ರಾಣಿಗಳನ್ನು ಬೇಟೆಯಾಡಲು ಯತ್ನಿಸುತ್ತಿದ್ದ ಮೂವರು ಆರೋಪಿಗಳನ್ನು ಅರಣ್ಯ ಇಲಾಖೆಯ ಅಧಿಕಾರಿಗಳು ಬಂಧಿಸಿದ್ದಾರೆ.

ಅಳಿಲುಗುಪ್ಟೆ ಗ್ರಾಮದ ಎ.ಕೆ.ಪ್ರಸನ್ನ, ಎ.ಎನ್‌.ಮಲ್ಲೇಶ್‌, ಅರಗಲ್ಲುಗ್ರಾಮದ ಎ.ಎನ್‌.ಪುಷ್ಪರಾಜು ಬಂಧಿತರು. ಒಂದು ಬೈಕ್‌, ಉರುಳು, ಟಾರ್ಚ್ಗಳು ಹಾಗೂ ಮೊಬೈಲ್‌ ಫೋನ್‌ಗಳನ್ನು ವಶಪಡಿಸಿಕೊಂಡು ಮೊಕದ್ದಮೆ ದಾಖಲಿಸಲಾಗಿದೆ.

ಎಸಿಎಫ್‌ ನೆಹರು ಮಾರ್ಗದರ್ಶನದಲ್ಲಿ ಸೋಮವಾರಪೇಟೆ ಆರ್‌ಎಫ್‌ಒ ಶಮಾ, ಡಿಆರ್‌ಎಫ್‌ಒ ಪುನೀತ್‌, ಸಿಬ್ಬಂದಿ ರಾಜಣ್ಣ, ಯೋಗೇಶ್‌, ಸಂದೀಪ್‌, ಅಂಥೋಣಿ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.