ಮಡಿಕೇರಿ: ಬೇಸಿಗೆ ಆರಂಭ ಆಗುತ್ತಿದ್ದಂತೆಯೇ ಜೀವನದಿ ಕಾವೇರಿ ನದಿಯ ಹರಿವು ಕುಶಾಲನಗರದ ಭಾಗದಲ್ಲಿ ಕಡಿಮೆಯಾಗುತ್ತಿದೆ. ಹೀಗಾಗಿ ಈ ವರ್ಷ ಫೆಬ್ರವರಿ ಅಂತ್ಯಕ್ಕೆ ನೀರಿನ ಪ್ರಮಾಣ ಸಂಪೂರ್ಣ ಕಡಿಮೆಯಾಗಿ, ಸುತ್ತಲಿನ ಹಳ್ಳಿಗಳಿಗೆ ಹಾಗೂ ಕುಶಾಲನಗರ ಪೇಟೆಗೆ ಕುಡಿಯುವ ನೀರಿನ ಅಭಾವ ಉಂಟಾಗುವ ಸಾಧ್ಯತೆ ಇದೆ.
ಆದ್ರೆ ಈಗ ಕುಶಾಲನಗರವೊಂದಕ್ಕೆಯೇ ಪ್ರತಿನಿತ್ಯ 28 ಲಕ್ಷ ಲೀಟರ್ ನೀರಿನ ಅಗತ್ಯವಿದೆ. ಬೈಚೇನಹಳ್ಳಿ ಪಟ್ಟಣದ ಬಳಿ ನದಿಯಿಂದ ನೀರನ್ನು ಪಂಪ್ ಮಾಡುವ ಕಾಮಗಾರಿ ಚಾಲನೆಯಲ್ಲಿದೆ. ಕುಶಾಲನಗರದ ಕೆಲ ಪ್ರದೇಶಗಳಿಗೆ ಖಾಸಗಿ ಬೋರ್‌ವೆಲ್ ನಿಂದ ನೀರು ಒದಗಿಸಲಾಗುತ್ತಿದೆ. ಬೈಚೆನಹಳ್ಳಿ ಬಳಿ ನಿತ್ಯವೂ ಎರಡು 60 ಎಚ್‌ಪಿ ಪವರ್‌ನ ಪಂಪ್ ಮೂಲಕ 9 ಲಕ್ಷ ಲೀಟರ್ ಸಾಮರ್ಥ್ಯದ ಟ್ಯಾಂಕ್ ತುಂಬಿಸುವ ಕೆಲಸ ನಿರಂತರವಾಗಿ ನಡೆಯುತ್ತಿದೆ. ಮಂಡಳಿಯ ಇಂಜಿನಿಯರ್ ಆನಂದ್ ಮಾತನಾಡಿ, ಪ್ರತೀ ಮೂರು ದಿನಕ್ಕೊಮ್ಮೆ, ಎರಡು ಗಂಟೆಯ ಕಾಲ ನದಿಯಿಂದ ನೀರು ಪಂಪ್ ಮಾಡಲಾಗುತ್ತಿದೆ ಎಂದಿದ್ದಾರೆ.
ಜೊತೆಗೆ, ಮುಂದಿನ 10 ದಿನದಲ್ಲಿ ನದಿಯಲ್ಲಿ ನೀರಿನ ಮಟ್ಟ ಕಡಿಮೆ ಆದರೆ, ತಕ್ಷಣ ಪರ್ಯಾಯ ಮಾರ್ಗ ಕಂಡುಕೊಳ್ಳುವುದಾಗಿ ಆನಂದ್ ಹೇಳಿದ್ದಾರೆ. ಅಲ್ಲದೆ ನದಿಯಲ್ಲಿ ನೀರಿನ ಹರಿವು ನಿಧಾನವಾದರೆ , ನದಿಯ ಎತ್ತರದ ಜಲಾನಯನ ಪ್ರದೇಶದಲ್ಲಿ ಬೆಳೆಗಳಿಗೆ ಪಂಪ್ ಮೂಲಕ ನೀರು ಹರಿಸುವುದನ್ನು ನಿಲ್ಲಿಸುವಂತೆ ಕೊಡಗು ಉಪ ಆಯುಕ್ತರಿಗೆ ಮನವಿ ಮಾಡುವುದಾಗಿ ತಿಳಿಸಿದರು. ಅಲ್ಲದೆ ನದಿಗೆ ಸುತ್ತಲೂ ದಂಡೆ ನಿರ್ಮಾಣ ಮಾಡಿ, ನೀರು ನದಿಯಲ್ಲಿ ಶೇಖರಣೆ ಆಗಲು ಕ್ರಮ ಕೈಗೊಳ್ಳಲಾಗುವುದು ಎಂದರು.
ಅಲ್ಲದೆ ಕುಶಾಲನಗರದ ಬಹುತೇಕ ವಾರ್ಡ್‌ಗಳಿಗೆ ಬೋರ್‌ವೆಲ್ ನೀರು ಸರಬರಾಜಿಗೆ ಕ್ರಮ ಕೈಗೊಳ್ಳಲಾಗುತ್ತದೆ. ಅಷ್ಟೇ ಅಲ್ಲದೆ ಜನರಿಗೂ ನೀರಿನ ಮಿತಬಳಕೆ ಮಾಡುವಂತೆ ಪುರಸಭೆ ಕಡೆಯಿಂದ ಜನಜಾಗೃತಿಯನ್ನೂ ಮೂಡಿಸಲಾಗುತ್ತಿದೆ ಎಂದು ಪುರಸಭೆಯ ಅಧಿಕಾರಿಗಳು ತಿಳಿಸಿದ್ದಾರೆ.
ಇದರೊಂದಿಗೆ ನಗರದ ಕಲುಷಿತ ನೀರು ನೇರವಾಗಿ ನದಿ ದಡಕ್ಕೆ ಬಂದು ಸೇರುತ್ತಿದ್ದು, ನದಿಯ ನೀರೂ ಕಲುಷಿತವಾಗಿ ನೇರವಾಗಿ ಉಪಯೋಗಿಸಲು ಯೋಗ್ಯವಲ್ಲದಂತಾಗಿದೆ. ಒಂದು ವೇಳೆ ಬಳಸಿದರೂ ಸಾಂಕ್ರಾಮಿಕ ಖಾಯಿಲೆ ಹಬ್ಬುವ ಭೀತಿ ಎದುರಾಗಿದೆ. ಇನ್ನಾದರೂ ಸ್ಥಳೀಯ ಆಡಳಿತ ಎಚ್ಚೆತ್ತುಕೊಂಡು ನದಿಯ ಸ್ವಚ್ಛತೆ ಕಾಪಾಡಲು ಹಾಗೂ ನದಿ ನೀರಿನ ಅತಿ ಬಳಕೆಯನ್ನು ತಡೆಯಲು ಸೂಕ್ತ ಯೋಜನೆ ರೂಪಿಸಬೇಕಿದೆ. ಅಲ್ಲದೆ ಈ ಬೇಸಿಗೆಯಲ್ಲಿ ಅಗತ್ಯಕ್ಕೆ ಬೇಕಾದ ನೀರಿನ ಕೊರತೆಯಾಗದಂತೆ ನೋಡಿಕೊಳ್ಳಬೇಕಿದೆ.
ಆದ್ರೆ ಈಗ ಕುಶಾಲನಗರವೊಂದಕ್ಕೆಯೇ ಪ್ರತಿನಿತ್ಯ 28 ಲಕ್ಷ ಲೀಟರ್ ನೀರಿನ ಅಗತ್ಯವಿದೆ. ಬೈಚೇನಹಳ್ಳಿ ಪಟ್ಟಣದ ಬಳಿ ನದಿಯಿಂದ ನೀರನ್ನು ಪಂಪ್ ಮಾಡುವ ಕಾಮಗಾರಿ ಚಾಲನೆಯಲ್ಲಿದೆ. ಕುಶಾಲನಗರದ ಕೆಲ ಪ್ರದೇಶಗಳಿಗೆ ಖಾಸಗಿ ಬೋರ್‌ವೆಲ್ ನಿಂದ ನೀರು ಒದಗಿಸಲಾಗುತ್ತಿದೆ. ಬೈಚೆನಹಳ್ಳಿ ಬಳಿ ನಿತ್ಯವೂ ಎರಡು 60 ಎಚ್‌ಪಿ ಪವರ್‌ನ ಪಂಪ್ ಮೂಲಕ 9 ಲಕ್ಷ ಲೀಟರ್ ಸಾಮರ್ಥ್ಯದ ಟ್ಯಾಂಕ್ ತುಂಬಿಸುವ ಕೆಲಸ ನಿರಂತರವಾಗಿ ನಡೆಯುತ್ತಿದೆ. ಮಂಡಳಿಯ ಇಂಜಿನಿಯರ್ ಆನಂದ್ ಮಾತನಾಡಿ, ಪ್ರತೀ ಮೂರು ದಿನಕ್ಕೊಮ್ಮೆ, ಎರಡು ಗಂಟೆಯ ಕಾಲ ನದಿಯಿಂದ ನೀರು ಪಂಪ್ ಮಾಡಲಾಗುತ್ತಿದೆ ಎಂದಿದ್ದಾರೆ.
ಜೊತೆಗೆ, ಮುಂದಿನ 10 ದಿನದಲ್ಲಿ ನದಿಯಲ್ಲಿ ನೀರಿನ ಮಟ್ಟ ಕಡಿಮೆ ಆದರೆ, ತಕ್ಷಣ ಪರ್ಯಾಯ ಮಾರ್ಗ ಕಂಡುಕೊಳ್ಳುವುದಾಗಿ ಆನಂದ್ ಹೇಳಿದ್ದಾರೆ. ಅಲ್ಲದೆ ನದಿಯಲ್ಲಿ ನೀರಿನ ಹರಿವು ನಿಧಾನವಾದರೆ , ನದಿಯ ಎತ್ತರದ ಜಲಾನಯನ ಪ್ರದೇಶದಲ್ಲಿ ಬೆಳೆಗಳಿಗೆ ಪಂಪ್ ಮೂಲಕ ನೀರು ಹರಿಸುವುದನ್ನು ನಿಲ್ಲಿಸುವಂತೆ ಕೊಡಗು ಉಪ ಆಯುಕ್ತರಿಗೆ ಮನವಿ ಮಾಡುವುದಾಗಿ ತಿಳಿಸಿದರು. ಅಲ್ಲದೆ ನದಿಗೆ ಸುತ್ತಲೂ ದಂಡೆ ನಿರ್ಮಾಣ ಮಾಡಿ, ನೀರು ನದಿಯಲ್ಲಿ ಶೇಖರಣೆ ಆಗಲು ಕ್ರಮ ಕೈಗೊಳ್ಳಲಾಗುವುದು ಎಂದರು.
ಅಲ್ಲದೆ ಕುಶಾಲನಗರದ ಬಹುತೇಕ ವಾರ್ಡ್‌ಗಳಿಗೆ ಬೋರ್‌ವೆಲ್ ನೀರು ಸರಬರಾಜಿಗೆ ಕ್ರಮ ಕೈಗೊಳ್ಳಲಾಗುತ್ತದೆ. ಅಷ್ಟೇ ಅಲ್ಲದೆ ಜನರಿಗೂ ನೀರಿನ ಮಿತಬಳಕೆ ಮಾಡುವಂತೆ ಪುರಸಭೆ ಕಡೆಯಿಂದ ಜನಜಾಗೃತಿಯನ್ನೂ ಮೂಡಿಸಲಾಗುತ್ತಿದೆ ಎಂದು ಪುರಸಭೆಯ ಅಧಿಕಾರಿಗಳು ತಿಳಿಸಿದ್ದಾರೆ.
ಇದರೊಂದಿಗೆ ನಗರದ ಕಲುಷಿತ ನೀರು ನೇರವಾಗಿ ನದಿ ದಡಕ್ಕೆ ಬಂದು ಸೇರುತ್ತಿದ್ದು, ನದಿಯ ನೀರೂ ಕಲುಷಿತವಾಗಿ ನೇರವಾಗಿ ಉಪಯೋಗಿಸಲು ಯೋಗ್ಯವಲ್ಲದಂತಾಗಿದೆ. ಒಂದು ವೇಳೆ ಬಳಸಿದರೂ ಸಾಂಕ್ರಾಮಿಕ ಖಾಯಿಲೆ ಹಬ್ಬುವ ಭೀತಿ ಎದುರಾಗಿದೆ. ಇನ್ನಾದರೂ ಸ್ಥಳೀಯ ಆಡಳಿತ ಎಚ್ಚೆತ್ತುಕೊಂಡು ನದಿಯ ಸ್ವಚ್ಛತೆ ಕಾಪಾಡಲು ಹಾಗೂ ನದಿ ನೀರಿನ ಅತಿ ಬಳಕೆಯನ್ನು ತಡೆಯಲು ಸೂಕ್ತ ಯೋಜನೆ ರೂಪಿಸಬೇಕಿದೆ. ಅಲ್ಲದೆ ಈ ಬೇಸಿಗೆಯಲ್ಲಿ ಅಗತ್ಯಕ್ಕೆ ಬೇಕಾದ ನೀರಿನ ಕೊರತೆಯಾಗದಂತೆ ನೋಡಿಕೊಳ್ಳಬೇಕಿದೆ.