ಸಿಐಟಿ ಗ್ಲಾಮರ್‌ ಡೇ: ಪ್ರತ್ಯುಸ್‌, ನಸಿಯಾಗೆ ಪ್ರಶಸ್ತಿ

ವಿರಾಜಪೇಟೆ: ಪೊನ್ನಂಪೇಟೆಯ ಹಳ್ಳಿಗಟ್ಟು ಕೂರ್ಗ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಟೆಕ್ನಾಲಜಿ ಕಾಲೇಜಿನಲ್ಲಿ ನಡೆದ ಸಿಐಟಿ ಗ್ಲಾಮರ್‌ ಡೇ ಅಂಗವಾಗಿ ವಿದ್ಯಾರ್ಥಿಗಳಿಗೆ ಏರ್ಪಡಿಸಿದ್ದ ಮಿಸ್ಟರ್‌ ಅಂಡ್‌ ಮಿಸ್‌ ಹಂಟ್‌ ಕಾರ್ಯಕ್ರಮದಲ್ಲಿ ಮಿಸ್ಟರ್‌ ಸಿಐಟಿ ಪ್ರಶಸ್ತಿಯನ್ನು ಪ್ರತ್ಯುಸ್‌ ಪಡೆದರೆ, ವಿದ್ಯಾರ್ಥಿನಿ ನಸಿಯಾ ಮಿಸ್‌ ಸಿಐಟಿ ಪ್ರಶಸ್ತಿ ಪಡೆದುಕೊಂಡರು.

ವಿಜೇತರು: ಉಳಿದಂತೆ ವಿದ್ಯಾರ್ಥಿನಿ ಕಾವ್ಯಾ ಬೆಸ್ಟ್‌ ರಾರ‍ಯಂಪ್‌ ವಾಕ್‌ ಬಹುಮಾನ ಪಡೆದರು. ಚೋಂದಮ್ಮಗೆ ಫ್ಯಾಷನೇಟ್‌ ಬಹುಮಾನ, ಅಕ್ಷ ಯ್‌ ಪೇಟೆಂಟ್‌ ಕಿಂಗ್‌ ಬಹುಮಾನ ಪಡೆದರೆ ಬ್ಯೂಟಿ ಕ್ವೀನ್‌ ಬಹುಮಾನವನ್ನು ಶಿಲ್ಪಾ, ಬೆಸ್ಟ್‌ ಎತ್ನಿಕ್‌ ಡ್ರೆಸ್‌ ಬಹುಮಾನವನ್ನು ಅಮೂಲ್ಯ ಪಡೆದುಕೊಂಡರು. ಚಿತ್ರನಟಿಯರು ತೀರ್ಪುಗಾರರಾಗಿ ಕೂಡ ಕಾರ್ಯನಿರ್ವಹಿಸಿದರು.

ಸುಮಾರು 30ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದರು. ಕೊಡವ ಸಾಂಪ್ರದಾಯಿಕ ಉಡುಪು, ಕರ್ನಾಟಕದ, ಕೇರಳ ರಾಜ್ಯದ ಸಂಸ್ಕೃತಿ ಬಿಂಬಿಸುವ ಸೀರೆ ಸೇರಿದಂತೆ ನಾನಾ ಉಡುಗೆ ಧರಿಸಿ ಹೆಜ್ಜೆ ಹಾಕಿದರು. ಅಲ್ಲದೇ, ವಿದ್ಯಾರ್ಥಿಗಳಿಗೆ ಪ್ರಶ್ನೋತ್ತರ ಸ್ಪರ್ಧೆಯನ್ನೂ ಏರ್ಪಡಿಸಲಾಗಿತ್ತು.

ಕಾಲೇಜು ಸಿಬ್ಬಂದಿ ಕೂಡ ರಾರ‍ಯಂಪ್‌ ಮೇಲೆ ಹೆಜ್ಜೆ ಹಾಕಿ ಗಮನ ಸೆಳೆದರು. ಬಹುತೇಕ ಸಿಬ್ಬಂದಿ ಕೊಡವ ಉಡುಪು, ಕೊಡವ ಸೀರೆ, ಕುಪ್ಯ ಚೇಲೆ ತೊಟ್ಟು ಹೆಜ್ಜೆ ಹಾಕಿದರು.
'ಯಾನಾ' ತಂಡದ ಪ್ರಚಾರ: 'ಯಾನಾ' ಕನ್ನಡ ಚಿತ್ರದ ನಟಿಯರಾದ ವೈಭವಿ ಜಗದೀಶ್‌, ವೈಸಿರಿ ಜಗದೀಶ್‌ ಹಾಗೂ ವೈನಿಧಿ ಜಗದೀಶ್‌ ವಿದ್ಯಾರ್ಥಿಗಳೊಂದಿಗೆ ಸಂಭ್ರಮಿಸಿದರು. ಎಂಜಿನಿಯರಿಂಗ್‌ ವಿದ್ಯಾರ್ಥಿಗಳೊಂದಿಗೆ ರಾರ‍ಯಂಪ್‌ ಮೇಲೆ ಹೆಜ್ಜೆ ಹಾಕುವ ಮೂಲಕ ಸ್ಪರ್ಧಿಗಳಲ್ಲಿ ಹುರುಪು ತುಂಬಿದರು. ಇದರೊಂದಿಗೆ ಸಿನಿಮಾದ ಪ್ರಚಾರ ಕೈಗೊಂಡರು.

''ಜೂನ್‌ ತಿಂಗಳಲ್ಲಿ ಚಿತ್ರ ಬಿಡುಗಡೆಯಾಗಲಿದೆ. ನಮ್ಮ ತಂದೆ ಜೈಜಗದೀಶ್‌ ಈ ಚಿತ್ರದ ನಿರ್ಮಾಪಕರಾಗಿದ್ದು, ತಾಯಿ ವಿಜಯಲಕ್ಷ್ಮಿ ನಿರ್ದೇಶಿಸಿದ್ದಾರೆ. ಚಿತ್ರವನ್ನು ಪ್ರೋತ್ಸಾಹಿಸಿ,'' ಎಂದು ವಿದ್ಯಾರ್ಥಿಗಳಲ್ಲಿ ಮನವಿ ಮಾಡಿಕೊಂಡರು.