ಮಡಿಕೇರಿ ಸ್ಟೋನ್‌ ಹಿಲ್‌ ಬೆಂಕಿಗೆ ಆಹುತಿ

ಮಡಿಕೇರಿ: ಮಂಜಿನ ನಗರಿ ಮಡಿಕೇರಿ ಸಿಟಿಯ ಬೆಸ್ಟ್‌ ವ್ಯೂ ಪಾಯಿಂಟ್‌ ಎಂದು ಕರೆಸಿಕೊಳ್ಳುವ ಸ್ಟೋನ್‌ ಹಿಲ್‌ ಬೆಂಕಿಗೆ ಆಹುತಿಯಾಗಿದೆ.

ಬುಧವಾರ ಮಧ್ಯಾಹ್ನ ವ್ಯೂ ಪಾಯಿಂಟ್‌ ಕೆಳಭಾಗದಲ್ಲಿ ಕಾಣಿಸಿಕೊಂಡ ಬೆಂಕಿಯಿಂದ ಸ್ಟೋನ್‌ ಹಿಲ್‌ನ ಹುಲ್ಲುಗಾವಲು ಸುಟ್ಟು ಬೂದಿಯಾಗಿದೆ. ನಗರಕ್ಕೆ ಹೊಂದಿಕೊಂಡಿರುವ ವ್ಯೂ ಪಾಯಿಂಟ್‌ನಲ್ಲಿ ಕಾಣಿಸಿಕೊಂಡ ಬೆಂಕಿಯಿಂದ ನಗರದ ಜನ ಆತಂಕಕ್ಕೊಳಗಾಗಿದ್ದರು. ಬೆಂಕಿಯಿಂದ ದಟ್ಟ ಹೊಗೆ ಹಾಗೂ ಬೂದಿ ಹಾರಿ ಬಂದು ಜನರ ಆತಂಕ ಇನ್ನೂ ಹೆಚ್ಚಾಗುವಂತೆ ಮಾಡಿತು.

ಸುದ್ದಿ ತಿಳಿದ ತಕ್ಷ ಣ ಸ್ಥಳಕ್ಕಾಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿಯನ್ನು ಹತೋಟಿಗೆ ತರುವಲ್ಲಿ ಯಶಸ್ವಿಯಾದರು. ಯಾರೋ ಕಿಡಿಗೇಡಿಗಳು ಸ್ಟೋನ್‌ ಹಿಲ್‌ ಕೆಳಭಾಗದ ಹುಲ್ಲುಗಾವಲಿಗೆ ಬೆಂಕಿ ಹಚ್ಚಿದ್ದರಿಂದ ಈ ಅವಘಡ ಸಂಭವಿಸಿದೆ ಎನ್ನಲಾಗಿದೆ.