ಹಾರಂಗಿ ನೀರಿನ ಮಟ್ಟ ತುಸು ಚೇತರಿಕೆ

ವಿಕ ಸುದ್ದಿಲೋಕ ಕುಶಾಲನಗರ

ಕೊಡಗು ಜಿಲ್ಲೆಯ ಅಲ್ಲಲ್ಲಿ ಕಳೆದ 3 ದಿನಗಳಿಂದ ಭಾರಿ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ರಾಜ್ಯದ ಪ್ರಮುಖ ಜಲಾಶಯಗಳಲ್ಲಿ ಒಂದಾದ ಹಾರಂಗಿ ಜಲಾಶಯದಲ್ಲಿ ನೀರಿನ ಸಂಗ್ರಹ ಮಟ್ಟದಲ್ಲಿ ತುಸು ಚೇತರಿಕೆ ಕಂಡುಬಂದಿದೆ.

ಮಳೆಯಿಂದಾಗಿ ಜಲಾಶಯಕ್ಕೆ ಹರಿದು ಬರುತ್ತಿರುವ ನೀರಿನ ಪ್ರಮಾಣದಲ್ಲಿ ಏರಿಕೆಯಾಗುತ್ತಿದ್ದು, 8.5 ಟಿಎಂಸಿ ಸಂಗ್ರಹ ಸಾಮರ್ಥ್ಯ‌ದ ಹಾರಂಗಿ ಜಲಾಶಯದಲ್ಲಿ ಸೋಮವಾರದ ವೇಳೆಗೆ 1.0991 ಟಿಎಂಸಿ ನೀರಿನ ಸಂಗ್ರಹ ಕಂಡುಬಂದಿದೆ. ಜಲಾಶಯಕ್ಕೆ 162 ಕ್ಯೂಸೆಕ್‌ ಪ್ರಮಾಣದ ನೀರು ಹರಿದು ಬರುತ್ತಿದ್ದು, 2859 ಅಡಿಗಳ ಅಣೆಕಟ್ಟೆಯಲ್ಲಿ 2809.99 ಅಡಿಗಳಷ್ಟು ನೀರು ಶೇಖರಣೆ ಇದೆ.