‘ಹೀಲ್‌ ದಿ ವರ್ಲ್ಡ್’ ಗೀತೆ ಶೀಘ್ರ ಬಿಡುಗಡೆ

ಮಡಿಕೇರಿ: ಕೊಡಗಿನಲ್ಲಿನಡೆದ ಪ್ರಕೃತಿ ವಿಕೋಪಕ್ಕೆ ಸಂಬಂಧಿಸಿದಂತೆ ಪ್ರಕೃತಿ ಉಳಿಸುವ ನಿಟ್ಟಿನಲ್ಲಿಜನರಲ್ಲಿಜಾಗೃತಿ ಮೂಡಿಸುವ ಸಲುವಾಗಿ ಆಸ್ಪ್ರೇಲಿಯಾದ ಸಿಡ್ನಿಯ ಕಲಾವಿದೆ ಸಿಲ್ವಿಯಾ ಕೆಮರೋನ್‌ ನಿರ್ದೇಶಿಸಿ ಅಭಿನಯಿಸಿದ 'ಹೀಲ್‌ ದಿ ವರ್ಲ್ಡ್' ಎಂಬ ಹಾಡು ಶೀಘ್ರದಲ್ಲಿಬಿಡುಗಡೆಗೊಳ್ಳಲಿದೆ ಎಂದು ಸಹನಿರ್ದೇಶಕ ಅಕ್ಷಯ್‌ ರೈ ತಿಳಿಸಿದ್ದಾರೆ.

ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿಮಾತನಾಡಿದ ಅವರು, ''ಕೊಡಗಿನಲ್ಲಿಪ್ರಕೃತಿ ವಿಕೋಪದಿಂದ ಸಾಕಷ್ಟು ಆಸ್ತಿ ಪಾಸ್ತಿ ನಷ್ಟ, ಸಾವು-ನೋವು ಸಂಭವಿಸಿದೆ. ಪರಿಸರ ನಾಶ ಇದಕ್ಕೆ ಮೂಲ ಕಾರಣವಾಗಿದ್ದು, ಪ್ರಕೃತಿಯನ್ನು ಉಳಿಸಿ ಬೆಳೆಸುವ ನಿಟ್ಟಿನಲ್ಲಿಜನರಲ್ಲಿಜಾಗೃತಿ ಮೂಡಿಸುವ ಅವಶ್ಯಕತೆ ಇದೆ. ಈ ಹಿನ್ನೆಲೆ ಆಸ್ಪ್ರೇಲಿಯಾದ ಸಿಡ್ನಿಯ ಕಲಾವಿದೆ ಸಿಲ್ವಿಯಾ ಕೆಮರೋನ್‌ ಆರ್ಕಿನಾ ಎಂಬ ಪಾತ್ರದಲ್ಲಿತಮ್ಮ ಹಾಡಿನ ಮೂಲಕ ಜನರಲ್ಲಿಪರಿಸರ ಉಳಿಸಲು ಕರೆ ನೀಡಿದ್ದು, ಈ ಸಂಬಂಧ ಕೊಡಗಿನಲ್ಲೇ ಹಾಡಿನ ಸಂಪೂರ್ಣ ಚಿತ್ರೀಕರಣ ನಡೆಸಿದ್ದಾರೆ. ಶೀಘ್ರದಲ್ಲಿವೀಡಿಯೋ ವನ್ನು ಬಿಡುಗಡೆ ಮಾಡಲಾಗುತ್ತದೆ,'' ಎಂದು ತಿಳಿಸಿದರು.

''ಕೊಡಗಿನ ಪರಿಸರ, ಪ್ರಾಣಿ ಪಕ್ಷಿ, ಗಿಡ ಇವುಗಳನ್ನು ಉಳಿಸು ವಂತೆ, ಕಸವನ್ನು ಎಲ್ಲೆಂದರಲ್ಲಿಎಸೆಯದೆ ನಾಡಿನ ಸ್ವಚ್ಛತೆ ಕಾಪಾಡುವಂತೆ ವಿಡಿಯೊದಲ್ಲಿಜಾಗೃತಿ ಮೂಡಿಸಲಾಗಿದೆ. ಜೇರಿಯಸ್‌ ಥಾಮಸ್‌ ಅಲೆಕ್ಸಾಂಡರ್‌ ನಿರ್ದೇಶನ ಹಾಗೂ ಅಕ್ಷಯ್‌ ರೈ ಸಹ ನಿರ್ದೇಶನದಲ್ಲಿವಿಡಿಯೋ ಮೂಡಿಬಂದಿದೆ,'' ಎಂದು ಮಾಹಿತಿ ನೀಡಿದರು.
ಕಲಾವಿದೆ ಸಿಲ್ವಿಯಾ ಕೆಮರೋನ್‌ ಮಾತನಾಡಿ, ''ಕೊಡಗು ಒಂದು ಸುಂದರ ಪ್ರದೇಶ. ಆದರೆ, ಪರಿಸರ ನಾಶದಿಂದ ಸುಂದರ ಪ್ರದೇಶಗಳಿಗೆ ಹಾನಿಯಾಗುತ್ತಿದೆ. ಇಂತಹ ಪರಿಸರವನ್ನು ಉಳಿಸಿ ಬೆಳೆಸುವುದು ನಮ್ಮೆಲ್ಲರ ಕರ್ತವ್ಯ'' ಎಂದರು. ಸಿಲ್ವಿಯಾ ಕೆಮರೋನ್‌ ಪತಿ ಇಯಾನ್‌ ಕೆಮರೋನ್‌, ನಿರ್ದೇಶಕ ಜೇರಿಯಸ್‌ ಥಾಮಸ್‌ ಅಲೆಕ್ಸಾಂಡರ್‌, ಆಸೀಫ್‌ ಹಾಜರಿದ್ದರು.