ಅಂತರ್ ಕಾಲೇಜು ಸಿಬ್ಬಂದಿ ಕ್ರಿಕೆಟ್: ಸಿಐಟಿ ಪ್ರಥಮ

ಮಡಿಕೇರಿ: ಫೀಲ್ಡ್ ಮಾರ್ಷಲ್ ಕಾರ್ಯಪ್ಪ ಕಾಲೇಜಿನಿಂದ ಜಿಲ್ಲಾ ಮಟ್ಟದ 2018ರ ಅಂತರ ಕಾಲೇಜು ಸಿಬ್ಬಂದಿ ಕ್ರಿಕೆಟ್ ಮತ್ತು ಥ್ರೋ ಬಾಲ್ ಪಂದ್ಯಾವಳಿ ಕಾಲೇಜು ಮೈದಾನದಲ್ಲಿ ನಡೆಯಿತು.

ಹಾಕಿ ಕ್ಲಬ್‌ನ ಅಧ್ಯಕ್ಷ ಕಲ್ಲುಮದಂಡ ನವೀನ್ ಬೆಳ್ಳಿಯಪ್ಪ ಕ್ರೀಡಾಕೂಟ ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಸಹಕಾರ ಸಂಘದ ನಿರ್ದೇಶಕ ಗಣೇಶ್, ಎಫ್‌ಎಂಕೆಎಂಸಿ ಕಾಲೇಜಿನ ಪ್ರಾಂಶುಪಾಲ ರಾದ ಪಾರ್ವತಿ ಅಪ್ಪಯ್ಯ ಹಾಜರಿದ್ದರು.

ನಂತರ ನಡೆದ ಕ್ರಿಕೆಟ್ ಪಂದ್ಯದಲ್ಲಿ ಸಿಐಟಿ ಕಾಲೇಜು ಪ್ರಥಮ ಸ್ಥಾನ ಪಡೆದರೆ, ಎಫ್‌ಎಂಸಿಸಿ ಕಾಲೇಜು ಸಿಬ್ಬಂದಿ ತಂಡ ದ್ವಿತೀಯ ಸ್ಥಾನ ಪಡೆಯಿತು. ಉತ್ತಮ ಎಸೆತಗಾರ ಪ್ರಶಸ್ತಿಯನ್ನು ಎಫ್‌ಎಂಕೆಎಂಸಿಸಿ ತಂಡದ ಪಿ.ಸಿ.ರಮೇಶ್ ಪಡೆದರೆ, ಉತ್ತಮ ದಾಂಡಿಗ ಪ್ರಶಸ್ತಿ ಯನ್ನು ಎಫ್‌ಎಂಕೆಎಂಸಿಸಿ ತಂಡದ ಎನ್.ಟಿ.ಸಚಿನ್ ಪಡೆದರು.

ಥ್ರೋ ಬಾಲ್ ಪಂದ್ಯದಲ್ಲಿ 3 ತಂಡಗಳು ಪ್ರಶಸ್ತಿಗಾಗಿ ಸೆಣಸಾಟ ನಡೆಸಿದವು. ಬಿವಿವಿಕೆವಿ (ಕೊಡಗು ವಿದ್ಯಾಲಯ) ಮಡಿಕೇರಿ ತಂಡ ಹಾಗೂ ಎಫ್‌ಎಂಕೆಎಂಸಿಸಿ ಮಡಿಕೇರಿ ತಂಡ ಫೈನಲ್ ಪ್ರವೇಶಿಸಿತು. ಪೈನಲ್ ಪಂದ್ಯದಲ್ಲಿ ಕೊಡಗು ವಿದ್ಯಾಲಯ ತಂಡ ಮಡಿಕೇರಿ ತಂಡವನ್ನು ಮೊದಲ ಸೆಟ್‌ನಲ್ಲಿ 21-19 ಮತ್ತು ಎರಡನೇ ಸೆಟ್‌ನಲ್ಲಿ 21-19 ಅಂಕಗಳ ಅಂತರದಲ್ಲಿ ಸೋಲಿಸಿ ಗೆಲುವಿನ ನಗೆ ಬೀರಿತು.

ಕಾವೇರಿ ಕಾಲೇಜು ಗೋಣಿಕೊಪ್ಪಲು ತತೀಯ ಸ್ಥಾನ ಪಡೆದುಕೊಂಡಿತು. ಉತ್ತಮ ಆಟಗಾರ್ತಿಯಾಗಿ ಕೊಡಗು ವಿದ್ಯಾಲಯದ ಶ್ವೇತಾ, ಉತ್ತಮ ಎಸೆತಗಾರ್ತಿಯಾಗಿ ಕಾವೇರಿ ಕಾಲೇಜಿನ ಸೀಮಾ, ಬೆಸ್ಟ್ ರಿಸೀವರ್ ಪ್ರಶಸ್ತಿಯನ್ನು ಎಫ್‌ಎಂಕೆಎಂಸಿಸಿ ತಂಡದ ಸುದರ್ಶಿನಿ ಪಡೆದುಕೊಂಡರು.

ನಂತರ ನಡೆದ ಸಮಾರೋಪ ಸಮಾರಂಭದಲ್ಲಿ ರಾಷ್ಟ್ರೀಯ ಕಬಡ್ಡಿ ಆಟಗಾರ್ತಿ ಜಿ.ಗೀತಾ, ಎಫ್‌ಎಂಕೆಎಂಸಿ ಕಾಲೇಜಿನ ಪ್ರಾಂಶುಪಾಲರಾದ ಪಾರ್ವತಿ ಅಪ್ಪಯ್ಯ, ಉಪನ್ಯಾಸಕರಾದ ರಂಗಪ್ಪ, ಮಾಧವ್, ಕಮಲಾ, ಮಂಜುನಾಥ್, ಪ್ರಭಾವತಿ, ಪ್ರಸನ್ನ ಭಟ್, ಪ್ರದೀಪ್ ಬಾಣೆಗದ್ದೆ ಹಾಜರಿದ್ದರು.