ನೀಲಗಿರಿ ಎಣ್ಣೆ ಕುಡಿದು ಮಗು ಸಾವು

ಕುಶಾಲನಗರ (ಕೊಡಗು): ಆಟವಾಡುತ್ತಿದ್ದ ವೇಳೆ ನೀಲಗಿರಿ ಎಣ್ಣೆ ಕುಡಿದ ನಾಲ್ಕು ವರ್ಷದ ಹೆಣ್ಣು ಮಗುವೊಂದು ಮೃತಪಟ್ಟಿದೆ.

ಕೂಡಿಗೆ ಗ್ರಾಮದ ಪ್ರಸನ್ನ ಹಾಗೂ ಸ್ವಪ್ನಾ ದಂಪತಿ ಪುತ್ರಿ ವರ್ಷಿತಾ ಮೃತ ಮಗು. ಮನೆಯಲ್ಲಿ ಆಟವಾಡುತ್ತಿದ್ದ ಸಂದರ್ಭ ಮಂಚದ ಕೆಳಗೆ ಇಟ್ಟಿದ್ದ ನೀಲಗಿರಿ ಎಣ್ಣೆಯನ್ನು ಮಗು ಸೇವಿಸಿದ ಪರಿಣಾಮ ಅಸ್ವಸ್ಥಗೊಂಡಿತ್ತು. ಕೂಡಲೇ ಕೂಡಿಗೆಯಲ್ಲಿ ಪ್ರಥಮ ಚಿಕಿತ್ಸೆ ಕೊಡಿಸಿ, ಹೆಚ್ಚಿನ ಚಿಕಿತ್ಸೆಗೆ ಮೈಸೂರಿಗೆ ಸಾಗಿಸುತ್ತಿದ್ದ ಮಾರ್ಗಮಧ್ಯೆ ತೀವ್ರ ಉಸಿರಾಟದ ತೊಂದರೆಯಿಂದ ಮಗು ಮೃತಪಟ್ಟಿದೆ. ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.