ಸುಂಟಿಕೊಪ್ಪ: ಬ್ಲೂ ಬಾಯ್ಸ್‌ ಯೂತ್‌ ಕ್ಲಬ್‌ ವತಿಯಿಂದ ಸಂಘದ 37ನೇ ವಾರ್ಷಿಕೋತ್ಸವದ ಮತ್ತು ದಿ.ಡಿ.ಶಿವಪ್ಪ ಅವರ ಜ್ಞಾಪಕಾರ್ಥದ 22 ನೇ ವರ್ಷದ ರಾಜ್ಯ ಮಟ್ಟದ 'ಗೋಲ್ಡ್‌ ಕಪ್‌' ಫುಟ್‌ಬಾಲ್‌ ಟೂರ್ನಿಯ ಶುಕ್ರವಾರ ನಡೆದ ಮೊದಲ ದಿನದ ಪಂದ್ಯದಲ್ಲಿ ಪನ್ಯ ಎಫ್‌ ಸಿ ಪನ್ಯ ಮತ್ತು ಕೂರ್ಗ್‌ ಇಲೆವೆನ್‌ ತಂಡಗಳು ಮುನ್ನಡೆ ಸಾಧಿಸಿವೆ.
ಶುಕ್ರವಾರ ನಡೆದ ಮೊದಲ ಪಂದ್ಯಾಟದಲ್ಲಿ ಆತಿಥೇಯ ಬ್ಲೂ ಬಾಯ್ಸ್‌ ಯೂತ್‌ ಕ್ಲಬ್‌ ತಂಡದ ಕಳಪೆ ಆಟದಿಂದ 7-0 ಗೋಲುಗಳಿಂದ ಪನ್ಯ ಎಫ್‌ಸಿ ಪನ್ಯ ತಂಡವು ಮುಂದಿನ ಹಂತಕ್ಕೆ ಪ್ರವೇಶ ಪಡೆಯಿತು.
ಎರಡನೇ ಪಂದ್ಯವು ಕೂರ್ಗ್‌ ಇಲವೆನ್‌ ಕೊಡಗು ಮತ್ತು ಚೇತನ ಎಫ್‌ ಸಿ ಚೆಟ್ಟಳ್ಳಿ ತಂಡಗಳ ನಡುವೆ ನಡೆದ ಪಂದ್ಯವು ರೋಚಕತೆಯಿಂದ ಕೂಡಿತ್ತು. ಪಂದ್ಯದ ಮೊದಲಾರ್ಧದಲ್ಲಿ ಚೆಟ್ಟಳ್ಳಿ ತಂಡವು 1 ಗೋಲುಗಳನ್ನು ಬಾರಿಸುವುದರ ಮೂಲಕ ಮುನ್ನಡೆಯನ್ನು ಕಂಡಿತು. ಪಂದ್ಯದ ದ್ವಿತೀಯಾರ್ಧದಲ್ಲಿ ರಭಸದ ಆಟಕ್ಕೀಳಿದ 2 ತಂಡಗಳು ಕ್ರೀಡಾಭಿಮಾನಿಗಳನ್ನು ತುದಿಗಾಲಿನಲ್ಲಿ ನಿಲ್ಲಿಸಿತು. ಇನ್ನೇನು ಆಟ ಮುಗಿಯುವ ಹಂತದ ಕೊನೆಯ ಕ್ಷ ಣದಲ್ಲಿ ಕೊಡಗು ತಂಡ ಗೋಲನ್ನು ಹೊಡೆಯುವುದರ ಮೂಲಕ ಸಮಬಲ ಸಾಧಿಸಿತು. ನಂತರ ನಡೆದ ಟ್ರೈ ಬ್ರೇಕರ್‌ ನಲ್ಲಿ ಕೂರ್ಗ್‌ ಇಲವನ್‌ ಕೊಡಗು ತಂಡವು ಚೇತನ ಚೆಟ್ಟಳ್ಳಿ ತಂಡದ ಮೇಲೆ 5-3 ಗೋಲುಗಳಿಂದ ಜಯ ಸಾಧಿಸಿಮುಂದಿನ ಹಂತಕ್ಕೆ ಪ್ರವೇಶ ಪಡೆದುಕೊಂತು.
ಶನಿವಾರ ನಡೆದ ಮೊದಲ ಪಂದ್ಯವು ಶೀತಲ್‌ ಎಫ್‌ಸಿ ಮೈಸೂರು ಮತ್ತು ಅಮಿಟಿ ಎಫ್‌ ಸಿ ಗದ್ದೆಹಳ್ಳ ತಂಡಗಳ ನಡುವೆ ನಡೆಯಿತು.
ಆರಂಭದಿಂದಲೂ ಚೆಂಡಿನ ಮೇಲೆ ಹಿಡಿತ ಸಾಧಿಸಿದ ಮೈಸೂರು ತಂಡ ಪಂದ್ಯದ ಮೊದಲಾರ್ಧದ 5ನೇ ನಿಮಿಷದಲ್ಲಿ ದರ್ಶನ್‌ ಹೊಡೆದ ಗೋಲು ಗದ್ದೆಹಳ್ಳ ತಂಡಕ್ಕೆ ನಿರಾಸೆ ಮೂಡಿಸಿತು. ನಂತರ ಆಕ್ರಮಣಕಾರಿ ಆಟಕ್ಕಿಳಿದ ಮೈಸೂರು ಆಟಗಾರರು 15 ನಿಮಿಷದಲ್ಲಿ ವಿನಯ್‌ ಹೊಡೆದ ಗೋಲು ಮುನ್ನಡೆಯನ್ನು ಪಡೆಯಿತು. ನಿರಾಸೆಗೊಳಗಾಗದ ಗದ್ದೆಹಳ್ಳ ತಂಡ ತನ್ನ ನೈಜ ಪ್ರದರ್ಶನವನ್ನು ತೋರಿಸಿತ್ತಾದರೂ 18 ನಿಮಿಷದಲ್ಲಿ ಶರತ್‌ ಹೊಡೆದ ಗೋಲಿನಿಂದ ಇಡೀ ಮೈದಾನವೇ ಸ್ತಬ್ಧಗೊಂಡಿತು. ದ್ವಿತೀಯಾರ್ದದಲ್ಲಿ ಗದ್ದೆಹಳ್ಳದ ತಂಡಕ್ಕೆ ಗೋಲು ಗಳಿಸಲು ಅನೇಕ ಅವಕಾಶವಿದ್ದರೂ ಅದನ್ನು ಕೈಚೆಲ್ಲಿದರ ಪರಿಣಾಮ ಶೀತಲ್‌ ಎಫ್‌ ಸಿ ಮೈಸೂರು ತಂಡ 3-0 ಗೋಲುಗಳಿಂದ ಜಯಗಳಿಸಿ ಮುಂದಿನ ಹಂತಕ್ಕೆ ಪ್ರವೇಶ ಪಡೆದುಕೊಂಡಿತು.
ದ್ವಿತೀಯ ಪಂದ್ಯದಲ್ಲಿ ಹೊಯ್ಸಳ ಎಫ್‌ ಸಿ ಹಾಸನ ತಂಡ ಮೈದಾನಕ್ಕೆ ಆಗಮಿಸಿ ಕಾರಣ ವಾಕ್‌ ಓವರ್‌ ಮೂಲಕ ಸಿಟಿಜನ್‌ ಸ್ಪೋಟ್ಸ್‌ ಕ್ಲಬ್‌ ಉಪ್ಪಳ ತಂಡ ಮುಂದಿನ ಹಂತಕ್ಕೆ ಪ್ರವೇಶ ಪಡೆದುಕೊಂಡಿತು.
ಮತ್ತೊಂದು ಪಂದ್ಯವು ಕುಶಾಲನಗರ ಇಲವೆನ್‌ ಕುಶಾಲನಗರ ಮತ್ತು ಮೈಸೂರು ಬ್ಲೂಸ್‌ ಮೈಸೂರು ತಂಡಗಳ ನಡುವೆ ನಡೆದು ಪಂದ್ಯದ ಮೊದಲಾರ್ಧದ 10 ನೇ ನಿಮಿಷದಲ್ಲಿ ಕುಶಾಲನಗರ ತಂಡದ ಮುನ್ನಡೆ ಆಟಗಾರ ಹರೀಶ್‌ ಹೊಡೆದ ಗೋಲು ತಂಡ ಆಟಗಾರರಲ್ಲಿ ಸಂತೋಷ ಮೂಡಿತು. ಆದರೆ ಕ್ಷ ಣ ಮಾತ್ರದಲ್ಲಿ ಆಕ್ರಮಣಕಾರಿ ಆಟವಾಡಿದ ಮೈಸೂರು ತಂಡ ಅವಿನಾಶ್‌ ಹೊಡೆದ ಗೋಲು ಸಮಬಲ ಸಾಧಿಸಿತು. ಪಂದ್ಯದ ಪ್ರಥಮಾರ್ಥ ವೇಳೆಗೆ 2 ತಂಗಳು 1-1 ಗೋಲಿನ ಸಮಬಲ ಸಾಧಿಸಿದವು.
------------------------------
ಇಂದಿನ ಪಂದ್ಯಗಳು
2ಕ್ಕೆ ಬೆನಕ ಎಫ್‌.ಸಿ.ಮಂಡ್ಯ -ಮೆರೆಡಿಯನ್‌ ಕಾಲೇಜು ಉಲ್ಲಾಲ್‌, ಮಂಗಳೂರು
3ಕ್ಕೆ ಸ್ಪೊರ್ಟಿಂಗ್‌ ಎಫ್‌ ಸಿ ಮಂಗಳೂರು-ಸ್ವರ್ಣ ಎಫ್‌ ಸಿ ಮಂಡ್ಯ
4ಕ್ಕೆ ನಂಜನಗೂಡು ಎಫ್‌ ಸಿ ನಂಜನಗೂಡು-ಜೆಆರ್‌ಟಿ ಮೊಗ್ರಲ್‌ ಬ್ರೋಸ್‌ ಕುಂಬ್ಳ