ಸಾಹಿತ್ಯ ಪರಿಷತ್‌ ಪ್ರವಾಸಕ್ಕೆ ಚಾಲನೆ

ಕುಶಾಲನಗರ

ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ನಿಂದ ಆಯೋಜಿಸಿರುವ ಸಾಹಿತ್ಯ ಪ್ರವಾಸಕ್ಕೆ ಹಿರಿಯ ಸದಸ್ಯ ಬಿ. ಆರ್‌. ನಾಗೇಂದ್ರ ಪ್ರಸಾದ್‌ ಕುಶಾಲನಗರ ಗಣಪತಿ ದೇವಾಲಯದಲ್ಲಿ ಪೂಜೆ ಸಲ್ಲಿಸಿದ ಬಳಿಕ ಚಾಲನೆ ನೀಡಿದರು.

ಕೊಡಗು ಜಿಲ್ಲಾ ಕಸಾಪ, ಶಿವಮೊಗ್ಗ ಜಿಲ್ಲಾ ಕಸಾಪದ ಸಹಕಾರದಲ್ಲಿ ಶಿವಮೊಗ್ಗ ಜಿಲ್ಲೆಯ ತೀರ್ಥಹಳ್ಳಿ ತಾಲೂಕಿನ ಕುಪ್ಪಳಿಯ ಹೇಮಾಂಗಣದಲ್ಲಿ ಆಯೋಜಿಸಲಾಗಿರುವ ಮಲೆನಾಡಿನ ಭಾವಸಂಗಮ ಕವಿಗೋಷ್ಠಿಯಲ್ಲಿ ಭಾಗವಹಿಸಲಿರುವ ಈ 40 ಮಂದಿಯ ಪ್ರವಾಸಿ ತಂಡ ನಂತರ ಧಾರವಾಡದಲ್ಲಿ ನಡೆಯುವ 84ನೇ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಪ್ರತಿನಿಧಿಗಳಾಗಿ ಪಾಲ್ಗೊಳ್ಳಲಿದೆ.

ಕಸಾಪದ ಜಿಲ್ಲಾ ಅಧ್ಯಕ್ಷ ಲೋಕೇಶ್‌ ಸಾಗರ್‌, ಕಾರ್ಯದರ್ಶಿ ಕೆ. ಎಸ್‌. ರಮೇಶ್‌, ಎನ್‌. ಎ. ಅಶ್ವತ್ಥ್‌ಕುಮಾರ್‌, ಕೋಶಾಧ್ಯಕ್ಷ ಎಸ್‌.ಎ. ಮುರಳಿಧರ್‌, ಮಡಿಕೇರಿ ತಾಲೂಕು ಕಸಾಪ ಅಧ್ಯಕ್ಷ ಕುಡೆಕಲ್‌ ಸಂತೋಷ್‌, ಸೋಮವಾರಪೇಟೆ ತಾಲೂಕು ಕಸಾಪ ಅಧ್ಯಕ್ಷ ವಿಜೇತ, ಕುಶಾಲನಗರ ಹೋಬಳಿ ಅಧ್ಯಕ್ಷ ರಂಗಸ್ವಾಮಿ, ಶನಿವಾರ ಸಂತೆ ಹೋಬಳಿ ಅಧ್ಯಕ್ಷ ಸಿ.ಎಂ. ಪುಟ್ಟಸ್ವಾಮಿ ಸೇರಿ ಜಿಲ್ಲೆಯ ಸಾಹಿತ್ಯ ಆಸಕ್ತರು ಪ್ರವಾಸದಲ್ಲಿ ಪಾಲ್ಗೊಂಡಿದ್ದಾರೆ.