ಶಾಟ್‌ಪುಟ್‌: ಮಣಿಕಂಠಗೆ ಚಿನ್ನ

ಕುಶಾಲನಗರ: ದಕ್ಷಿಣ ವಲಯದ ರಾಷ್ಟ್ರೀಯ ಅಂತರ ಪಾಲಿಟೆಕ್ನಿಕ್‌ ಕ್ರೀಡಾ ಸ್ಪರ್ಧೆಯ ಶಾಟ್‌ಪುಟ್‌ನಲ್ಲಿ ಪಟ್ಟಣದ ಸರಕಾರಿ ಪಾಲಿಟೆಕ್ನಿಕ್‌ನ ಎಲೆಕ್ಟ್ರಿಕಲ್‌ ವಿಭಾಗದ 6ನೇ ಸೆಮಿಸ್ಟರ್‌ ವಿದ್ಯಾರ್ಥಿ ಪಿ.ಎಂ.ಮಣಿಕಂಠ ಚಿನ್ನದ ಪದಕ ಗಳಿಸಿದ್ದಾರೆ.

ತಮಿಳುನಾಡಿನ ತಿರುಚಿಯ ಕೊಂಗನಾಡು ಪಾಲಿಟೆಕ್ನಿಕ್‌ ಕಾಲೇಜಿನಲ್ಲಿ ನಡೆದ ದಕ್ಷಿಣ ವಲಯದ ರಾಷ್ಟ್ರೀಯ ಅಂತರ ಪಾಲಿಟೆಕ್ನಿಕ್‌ ಕ್ರೀಡಾಸ್ಪರ್ಧೆಯಲ್ಲಿ 12.33 ಮೀಟರಿನಷ್ಟು ಶಾಟ್‌ಪುಟ್‌ ಎಸೆದು ಹೊಸ ದಾಖಲೆಯನ್ನು ಸೃಷ್ಟಿಸಿ ಚಿನ್ನದ ಪದಕ ಮುಡಿಗೇರಿಸಿಕೊಂಡಿದ್ದಾರೆ.