ಬೀದಿ ನಾಯಿ ದಾಳಿ: ವೃದ್ಧೆಗೆ ಗಾಯ

ಕುಶಾಲನಗರ (ಕೊಡಗು ಜಿಲ್ಲೆ)

ಪಟ್ಟಣ ಸಮೀಪದ ಟಿಬೆಟಿಯನ್‌ ಕ್ಯಾಂಪ್‌ನಲ್ಲಿ ವೃದ್ಧ ಮಹಿಳೆ ಮೇಲೆ ಬೀದಿ ನಾಯಿಗಳು ದಾಳಿ ನಡೆಸಿ ಗಂಭೀರವಾಗಿ ಗಾಯಗೊಳಿಸಿವೆ.

ಕಲ್ಲೂರು ಗ್ರಾಮದ ದೇವಕಿ (60) ಗಾಯಾಳು. ಬುಧವಾರ ಬೆಳಗ್ಗೆ ಟಿಬೆಟಿಯನ್‌ ಕ್ಯಾಂಪ್‌ನಲ್ಲಿರುವ ಆಸ್ಪತ್ರೆಗೆ ಚಿಕಿತ್ಸೆಗೆಂದು ತೆರಳುವ ಸಂದರ್ಭ ರಸ್ತೆಯಲ್ಲಿದ್ದ 5ಕ್ಕೂ ಹೆಚ್ಚು ಬೀದಿ ನಾಯಿಗಳು ಏಕಾಏಕಿ ಅವರ ಮೇಲೆ ಎರಗಿವೆ. ಕೈ, ಕಾಲು ಮತ್ತು ತೊಡೆಯ ಭಾಗಗಳನ್ನು ಕಚ್ಚಿ ಗಂಭೀರವಾಗಿ ಗಾಯಗೊಳಿಸಿವೆ. ಸ್ಥಳೀಯರು ಆಗಮಿಸಿ ನಾಯಿಗಳನ್ನು ಓಡಿಸಿ ಗಾಯಾಳು ವೃದ್ಧೆಯನ್ನು ಕುಶಾಲನಗರ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆತಂದು ಚಿಕಿತ್ಸೆಗೆ ದಾಖಲಿಸಿದರು.