ಮಡಿಕೇರಿಯಲ್ಲಿ ಪೌರ ಕಾರ್ಮಿಕರಿಬ್ಬರ ಆತ್ಮಹತ್ಯೆ

ಮಡಿಕೇರಿ: ನಗರಸಭೆಯಲ್ಲಿ ಪೌರಕಾರ್ಮಿಕರಾಗಿ ದುಡಿಯುತ್ತಿದ್ದ ಇಬ್ಬರು ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಮೈಸೂರಿನ ಅಶೋಕಪುರಂನ ನಿವಾಸಿಗಳಾದ ಸತೀಶ್‌ (40) ಹಾಗೂ ಉಷಾ (35) ಮೃತರು. ಈ ಇಬ್ಬರೂ ಮಡಿಕೇರಿಯ ನಗರಸಭೆಯಲ್ಲಿ ಏಳು ವರ್ಷಗಳಿಂದ ಪೌರ ಕಾರ್ಮಿಕರಾಗಿ ಸೇವೆ ಸಲ್ಲಿಸುತ್ತಿದ್ದರು. ಈ ಇಬ್ಬರಿಗೂ ಹಿಂದೆ ಬೇರೆ ವಿವಾಹವಾಗಿದ್ದು, ಅದನ್ನು ತೊರೆದು ನಗರಕ್ಕೆ ಆಗಮಿಸಿ ಒಟ್ಟಿಗೆ ವಾಸವಿದ್ದರು.

ಎರಡು ದಿನಗಳಿಂದ ಮನೆಯ ಬಾಗಿಲು ತೆರೆದಿರಲಿಲ್ಲ. ಕಿಟಕಿ ಮೂಲಕ ಸ್ಥಳೀಯರು ಗಮನಿಸಿದಾಗ ಆತ್ಮಹತ್ಯೆ ಮಾಡಿಕೊಂಡಿರುವುದು ಕಂಡು ಬಂದಿದೆ. ಕಾರಣ ತಿಳಿದು ಬಂದಿಲ್ಲ. ನಗರ ಠಾಣೆ ಪೊಲೀಸರು ದೂರು ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.