ವೈಯಕ್ತಿಕ ಕಾರಣಕ್ಕೆ ಯುವತಿ ಆತ್ಮಹತ್ಯೆ: ಸ್ಪಷ್ಪನೆ

ಮಡಿಕೇರಿ: ಪ್ರಕೃತಿ ವಿಕೋಪದಿಂದ ಉಂಟಾದ ನಷ್ಟದಿಂದ ಗೌಳಿಬೀದಿಯಲ್ಲಿ ವಾಸವಿದ್ದ ವನಜಾ ಆತ್ಮಹತ್ಯೆ ಮಾಡಿಕೊಂಡಿಲ್ಲ ಎಂದು ಮಡಿಕೇರಿ ತಹಸೀಲ್ದಾರ್‌ ತಿಳಿಸಿದ್ದಾರೆ.

ಪತ್ರಿಕಾ ಹೇಳಿಕೆ ನೀಡಿರುವ ಅವರು, ''ಶುಕ್ರವಾರ ಗೌಳಿಬೀದಿಯಲ್ಲಿರುವ ಪಿಜಿಯಲ್ಲಿ ವನಜಾ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಈ ಬಗ್ಗೆ ಪರಿಶೀಲನೆ ನಡೆಸಿದಾಗ ಇವರ ಕುಟುಂಬ ಕಾಲೂರಿನಲ್ಲಿ ವಾಸವಾಗಿತ್ತು. ಕಳೆದ ವರ್ಷ ಸಂಭವಿಸಿದ ಪ್ರಕೃತಿ ವಿಕೋಪದಿಂದ ಇವರ ವಾಸದ ಮನೆ ಭಾಗಶಃ ಹಾನಿಯಾಗಿದ್ದು, 5,200 ರೂ. ಪರಿಹಾರ ನೀಡಲಾಗಿತ್ತು. ಪ್ರಕೃತಿ ವಿಕೋಪದಲ್ಲಿ ಇವರಿಗೆ ತೀವ್ರವಾದ ಹಾನಿ ಹಾಗೂ ತೀವ್ರ ನಷ್ಟ ಉಂಟಾಗಿಲ್ಲ. ಇವರು ವೈಯಕ್ತಿಕ ಕಾರಣದಿಂದ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ,'' ಎಂದು ಮಡಿಕೇರಿ ತಹಸೀಲ್ದಾರ್‌ ಎ.ಎ.ಕುಸುಮಾ ತಿಳಿಸಿದ್ದಾರೆ.