ಹುಲಿ ದಾಳಿಗೆ ಹಸು, ಕರು ಬಲಿ

ಕುಶಾಲನಗರ

ಸೋಮವಾರಪೇಟೆ ತಾಲೂಕು ಗುಡ್ಡೆಹೊಸೂರು ಗ್ರಾಪಂ ವ್ಯಾಪ್ತಿಯ ಸುಣ್ಣದಕೆರೆಯಲ್ಲಿ ಹುಲಿ ದಾಳಿಗೆ ಗಬ್ಬದ ಹಸು ಮತ್ತು ಕರು ಮೃತಪಟ್ಟಿದೆ.

ಗ್ರಾಮದ ಎಚ್‌.ಎಂ.ಲೋಕೇಶ್‌ ಅವರಿಗೆ ಸೇರಿದ ಹಸು ಮತ್ತು ಕರುವನ್ನು ಕೊಂದು ಹಾಕಿರುವ ಹುಲಿ ಭಾಗಶಃ ತಿಂದು ಹಾಕಿರುವ ಸ್ಥಿತಿಯಲ್ಲಿ ಮೃತದೇಹಗಳು ಪತ್ತೆಯಾಗಿದೆ.

ಸ್ಥಳಕ್ಕೆ ಅರಣ್ಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. 20 ದಿನಗಳ ಹಿಂದೆ ಸಮೀಪದ ಬೆಟಗೇರಿ ಗ್ರಾಮದಲ್ಲಿ ಹುಲಿ ಹಸುವೊಂದನ್ನು ಕೊಂದು ತಿಂದು ಹಾಕಿರುವ ಘಟನೆ ಮಾಸುವ ಮುನ್ನವೇ ಈ ಪ್ರಕರಣ ನಡೆದಿದ್ದು ಸ್ಥಳೀಯ ಗ್ರಾಮಸ್ಥರು ಆತಂಕಗೊಂಡಿದ್ದಾರೆ.