ಸುನಿಲ್ ಪೊನ್ನೇಟಿ
ಮಡಿಕೇರಿ (ಕೊಡಗು): ನಾಗರಹೊಳೆ ರಾಷ್ಟ್ರೀಯ ಉದ್ಯಾನ ವನಕ್ಕೆ ಹೊಂದಿಕೊಂಡಂತಿರುವ ಊರುಗಳಲ್ಲಿ ಪ್ರತಿ ವರ್ಷವೂ ಹೊಸ ವರ್ಷದ ಸಂಭ್ರಮವನ್ನು ಹುಲಿ ಹಾವಳಿಯ ಭೀತಿ ಅಳಿಸಿ ಹಾಕುವುದು ಸಾಮಾನ್ಯ. ಡಿಸೆಂಬರ್ ಬಂತೆಂದರೆ ಸಾಕು, ಜಿಲ್ಲೆಯ ಪೊನ್ನಂಪೇಟೆ ತಾಲೂಕು ಸೇರಿದಂತೆ ನಾಗರಹೊಳೆ ರಾಷ್ಟ್ರೀಯ ಉದ್ಯಾನ ವನ ವ್ಯಾಪ್ತಿಗೆ ಬರುವ ಕಾಡಂಚಿನ ಗ್ರಾಮಸ್ಥರ ಎದೆಯಲ್ಲಿ ಢವ ಢವ ಶುರುವಾಗುತ್ತದೆ. ಕಳೆದ ಕೆಲವು ವರ್ಷಗಳಿಂದ ವರ್ಷದ ಕೊನೆ ಮತ್ತು ಆರಂಭದ 2 ತಿಂಗಳು ಇಲ್ಲಿನವರಿಗೆ ತಮ್ಮ ಜಾನುವಾರುಗಳನ್ನು ಕಾಪಾಡಿಕೊಳ್ಳುವುದೇ ದೊಡ್ಡ ಸವಾಲು. ರಾತ್ರೋರಾತ್ರಿ ಊರೊಳಗೆ ನುಗ್ಗುವ ಹೆಬ್ಬುಲಿ ಕೊಟ್ಟಿಗೆಯಲ್ಲಿ ಕಟ್ಟಿರುವ ಹಸುಗಳನ್ನು ಸದ್ದಿಲ್ಲದೆ ತಿಂದು ಮುಗಿಸಿರುತ್ತದೆ.
ವರ್ಷ ಪೂರ್ತಿ ಸದ್ದು ಮಾಡದ ವ್ಯಾಘ್ರಗಳು ಡಿಸೆಂಬರ್ - ಮಾರ್ಚ್ ಮಧ್ಯೆ ಮಾತ್ರ ಜನವಸತಿ ಪ್ರದೇಶಗಳಲ್ಲಿ ಹೆಚ್ಚು ಕಾಣಿಸಿಕೊಳ್ಳುವುದು ಯಾಕೆ..? ಇದಕ್ಕೆ ಸಿಗುವ ಉತ್ತರ ಕುತೂಹಲಕಾರಿಯಾಗಿದೆ. ನವೆಂಬರ್ನಿಂದ ಏಪ್ರಿಲ್ ಅವಧಿ ಹುಲಿಗಳ ಸಂತಾನೋತ್ಪತ್ತಿಗೆ ಒಳ್ಳೆಯ ಸಮಯ.
ಈ ವೇಳೆ ಹೆಣ್ಣು ಹುಲಿಗಳ ಮೇಲೆ ಅಧಿಪತ್ಯ ಸ್ಥಾಪಿಸುವ ಸಲುವಾಗಿ ಗಂಡು ಹುಲಿಗಳ ನಡುವೆ ಕಾಳಗ ನಡೆಯುತ್ತದೆ. ಬಲಿಷ್ಠ ಹುಲಿ ಸಹಜವಾಗಿ ಗೆಲುವು ಸಾಧಿಸಿ ತನ್ನ ಸರಹದ್ದು ಗುರುತಿಸಿಕೊಂಡರೆ, ದುರ್ಬಲ ಹುಲಿ ಅಲ್ಲಿಂದ ಹೊರ ಬೀಳಬೇಕಾಗುತ್ತದೆ. ಹಾಗಾಗಿ ತನಗೆ ಸುರಕ್ಷಿತ ಮತ್ತು ಸುಲಭವಾಗಿ ಆಹಾರ ಸಿಗುವ ಕಾಡಂಚಿನ ಗ್ರಾಮಗಳ ಕಡೆಗೆ ಇಂತಹ ಹುಲಿಗಳು ಹೆಜ್ಜೆ ಹಾಕುತ್ತವೆ ಎನ್ನುತ್ತಾರೆ ತಜ್ಞರು.
ದೊರೆಯುವ ಬೇಟೆ ಆಧಾರದಲ್ಲಿ ಹೆಣ್ಣು ಹುಲಿಗಳು ಸುಮಾರು 20 ಚ. ಕಿ. ಮೀ. ಪ್ರದೇಶವನ್ನು ತಮ್ಮ ಸರಹದ್ದು ನಿಗದಿ ಮಾಡಿಕೊಂಡರೆ, ತನ್ನ ಸಂಗಾತಿ ಹೆಣ್ಣು ಹುಲಿಗಳು ಇರುವ ವ್ಯಾಪ್ತಿಯಲ್ಲಿ ಸುಮಾರು 60 - 100 ಚ. ಕಿ. ಮೀ. ಪ್ರದೇಶವನ್ನು ಗಂಡು ಹುಲಿಗಳು ತಮ್ಮ ಸರಹದ್ದು ಮಾಡಿಕೊಳ್ಳುತ್ತವೆ. ಸರಹದ್ದು ಕಾಪಾಡಿಕೊಳ್ಳಲು ಅಥವಾ ಸಂಗಾತಿಗಾಗಿ ಗಂಡು ಹುಲಿಗಳ ಮಧ್ಯೆ ಕಾದಾಟ ನಡೆಯುತ್ತದೆ. ಸಾಮರ್ಥ್ಯ ಇಲ್ಲದ ಹುಲಿ ಸಾಯುತ್ತದೆ. ಇಲ್ಲವೇ ಸರಹದ್ದು ದಾಟಿ ಜನವಸತಿ ಪ್ರದೇಶಗಳಿಗೆ ಬರುತ್ತದೆ.
ಮಡಿಕೇರಿ (ಕೊಡಗು): ನಾಗರಹೊಳೆ ರಾಷ್ಟ್ರೀಯ ಉದ್ಯಾನ ವನಕ್ಕೆ ಹೊಂದಿಕೊಂಡಂತಿರುವ ಊರುಗಳಲ್ಲಿ ಪ್ರತಿ ವರ್ಷವೂ ಹೊಸ ವರ್ಷದ ಸಂಭ್ರಮವನ್ನು ಹುಲಿ ಹಾವಳಿಯ ಭೀತಿ ಅಳಿಸಿ ಹಾಕುವುದು ಸಾಮಾನ್ಯ. ಡಿಸೆಂಬರ್ ಬಂತೆಂದರೆ ಸಾಕು, ಜಿಲ್ಲೆಯ ಪೊನ್ನಂಪೇಟೆ ತಾಲೂಕು ಸೇರಿದಂತೆ ನಾಗರಹೊಳೆ ರಾಷ್ಟ್ರೀಯ ಉದ್ಯಾನ ವನ ವ್ಯಾಪ್ತಿಗೆ ಬರುವ ಕಾಡಂಚಿನ ಗ್ರಾಮಸ್ಥರ ಎದೆಯಲ್ಲಿ ಢವ ಢವ ಶುರುವಾಗುತ್ತದೆ.
ವರ್ಷ ಪೂರ್ತಿ ಸದ್ದು ಮಾಡದ ವ್ಯಾಘ್ರಗಳು ಡಿಸೆಂಬರ್ - ಮಾರ್ಚ್ ಮಧ್ಯೆ ಮಾತ್ರ ಜನವಸತಿ ಪ್ರದೇಶಗಳಲ್ಲಿ ಹೆಚ್ಚು ಕಾಣಿಸಿಕೊಳ್ಳುವುದು ಯಾಕೆ..? ಇದಕ್ಕೆ ಸಿಗುವ ಉತ್ತರ ಕುತೂಹಲಕಾರಿಯಾಗಿದೆ. ನವೆಂಬರ್ನಿಂದ ಏಪ್ರಿಲ್ ಅವಧಿ ಹುಲಿಗಳ ಸಂತಾನೋತ್ಪತ್ತಿಗೆ ಒಳ್ಳೆಯ ಸಮಯ.
ಈ ವೇಳೆ ಹೆಣ್ಣು ಹುಲಿಗಳ ಮೇಲೆ ಅಧಿಪತ್ಯ ಸ್ಥಾಪಿಸುವ ಸಲುವಾಗಿ ಗಂಡು ಹುಲಿಗಳ ನಡುವೆ ಕಾಳಗ ನಡೆಯುತ್ತದೆ. ಬಲಿಷ್ಠ ಹುಲಿ ಸಹಜವಾಗಿ ಗೆಲುವು ಸಾಧಿಸಿ ತನ್ನ ಸರಹದ್ದು ಗುರುತಿಸಿಕೊಂಡರೆ, ದುರ್ಬಲ ಹುಲಿ ಅಲ್ಲಿಂದ ಹೊರ ಬೀಳಬೇಕಾಗುತ್ತದೆ. ಹಾಗಾಗಿ ತನಗೆ ಸುರಕ್ಷಿತ ಮತ್ತು ಸುಲಭವಾಗಿ ಆಹಾರ ಸಿಗುವ ಕಾಡಂಚಿನ ಗ್ರಾಮಗಳ ಕಡೆಗೆ ಇಂತಹ ಹುಲಿಗಳು ಹೆಜ್ಜೆ ಹಾಕುತ್ತವೆ ಎನ್ನುತ್ತಾರೆ ತಜ್ಞರು.
ದೊರೆಯುವ ಬೇಟೆ ಆಧಾರದಲ್ಲಿ ಹೆಣ್ಣು ಹುಲಿಗಳು ಸುಮಾರು 20 ಚ. ಕಿ. ಮೀ. ಪ್ರದೇಶವನ್ನು ತಮ್ಮ ಸರಹದ್ದು ನಿಗದಿ ಮಾಡಿಕೊಂಡರೆ, ತನ್ನ ಸಂಗಾತಿ ಹೆಣ್ಣು ಹುಲಿಗಳು ಇರುವ ವ್ಯಾಪ್ತಿಯಲ್ಲಿ ಸುಮಾರು 60 - 100 ಚ. ಕಿ. ಮೀ. ಪ್ರದೇಶವನ್ನು ಗಂಡು ಹುಲಿಗಳು ತಮ್ಮ ಸರಹದ್ದು ಮಾಡಿಕೊಳ್ಳುತ್ತವೆ. ಸರಹದ್ದು ಕಾಪಾಡಿಕೊಳ್ಳಲು ಅಥವಾ ಸಂಗಾತಿಗಾಗಿ ಗಂಡು ಹುಲಿಗಳ ಮಧ್ಯೆ ಕಾದಾಟ ನಡೆಯುತ್ತದೆ. ಸಾಮರ್ಥ್ಯ ಇಲ್ಲದ ಹುಲಿ ಸಾಯುತ್ತದೆ. ಇಲ್ಲವೇ ಸರಹದ್ದು ದಾಟಿ ಜನವಸತಿ ಪ್ರದೇಶಗಳಿಗೆ ಬರುತ್ತದೆ.