ಮಲ್ಲಳ್ಳಿ ಜಲಪಾತ ವೀಕ್ಷಣೆಗೆ ಬಂದಿದ್ದ ಪ್ರವಾಸಿ ನೀರುಪಾಲು

ಸೋಮವಾರಪೇಟೆ (ಕೊಡಗು ಜಿಲ್ಲೆ): ಮಲ್ಲಳ್ಳಿ ಜಲಪಾತ ವೀಕ್ಷ ಣೆಗೆ ಬಂದಿದ್ದ ಪ್ರವಾಸಿಗರೊಬ್ಬರು ಮಂಗಳವಾರ ಸಂಜೆ ನೀರುಪಾಲಾಗಿದ್ದಾರೆ.

ಸಕಲೇಶಪುರ ತಾಲೂಕಿನ ಅರೆಹಳ್ಳಿ ಗ್ರಾಮದ ನಿವಾಸಿ ಜಾವೇದ್‌ (29) ನೀರಿನಲ್ಲಿ ಕೊಚ್ಚಿಹೋದವರು. ನೀರಿನ ಮಧ್ಯೆ ಕಲ್ಲುಬಂಡೆಯ ಮೇಲೆ ಸಿಲುಕಿ ಪ್ರಾಣಾಪಾಯದಲ್ಲಿದ್ದ ಫಾಜಿಲ್‌ ಎಂಬುವವರನ್ನು ಗ್ರಾಮದ ದೇಶ್‌ ಮತ್ತು ಯುವಕರ ತಂಡ ತಂಡ ರಕ್ಷಿಸಿದೆ.

ಅರೆಹಳ್ಳಿ ಗ್ರಾಮದ ಐವರು ಯುವಕರು ಜಲಪಾತ ವೀಕ್ಷ ಣೆಗೆ ಬಂದಿದ್ದರು. ಸಂಜೆ 6ರಲ್ಲಿ ಜಲಪಾತದ ಕೆಳಗೆ ತಂತಿಬೇಲಿಯನ್ನು ದಾಟಿದ ಇಬ್ಬರು ನೀರು ಹರಿಯುವ ಹೊಳೆಯ ಕಲ್ಲುಬಂಡೆ ಮೇಲೆ ಕುಳಿತಿದ್ದರು. ಜಲಪಾತದ ಸ್ವಲ್ಪ ದೂರದಲ್ಲಿರುವ ಮಿನಿ ಜಲವಿದ್ಯುತ್‌ ಘಟಕದಿಂದ ಏಕಾಏಕಿ ನೀರು ಬಿಟ್ಟಿದ್ದರಿಂದ ಹರಿವು ಜಾಸ್ತಿಯಾಗಿ, ಜಾವೇದ್‌ ಕೊಚ್ಚಿ ಹೋದರು ಎಂದು ಅವರ ಸ್ನೇಹಿತರು ಗ್ರಾಮಸ್ಥರಿಗೆ ಮಾಹಿತಿ ನೀಡಿದ್ದಾರೆ.

ಸೋಮವಾರಪೇಟೆ ಪೊಲೀಸ್‌ ಠಾಣೆಗೆ ದೂರವಾಣಿ ಕರೆ ಮಾಡಿ ಮಾಹಿತಿ ನೀಡಲಾಗಿದ್ದು, ಜಲಪಾತದ ಸ್ಥಳದಲ್ಲಿ ನೆಟ್‌ವರ್ಕ್‌ ಇಲ್ಲದಿರುವುದು ಹಾಗೂ ಕತ್ತಲೆಯಾಗಿ ಮಳೆ ಸುರಿಯುತ್ತಿರುವುದರಿಂದ ಕಾರ್ಯಾಚರಣೆಗೆ ತೊಡಕಾಗಿದೆ.