ಕುಶಾಲನಗರದಲ್ಲಿ ಟ್ರಾಫಿಕ್‌ ಬೂತ್‌ ಉದ್ಘಾಟನೆ

ಕುಶಾಲನಗರ

ಸಂಚಾರ ಸುವ್ಯವಸ್ಥೆಗಾಗಿ ಹಲವು ರೀತಿಯ ಪರಿಣಾಮಕಾರಿ ಯೋಜನೆಗಳನ್ನು ಜಾರಿಗೊಳಿಸಲು ಕ್ರಮಕೈಗೊಳ್ಳಲಾಗಿದೆ ಎಂದು ಕೊಡಗು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಡಿ.ಪಿ.ಸುಮನಾ ಹೇಳಿದರು.

ಕುಶಾಲನಗರ ರೋಟರಿ ಸಂಸ್ಥೆಯಿಂದ ಕೊಡುಗೆಯಾಗಿ ನೀಡಿರುವ ಟ್ರಾಫಿಕ್‌ ಬೂತ್‌ಗಳನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಸಮಾಜದಲ್ಲಿ ಶಾಂತಿ, ಸುವ್ಯವಸ್ಥೆ ಕಾಪಾಡುವಲ್ಲಿ ಪೊಲೀಸ್‌ ಇಲಾಖೆ ಶಕ್ತಿ ಮೀರಿ ಪ್ರಯತ್ನಿಸುತ್ತಿದೆ. ಸಂಘಸಂಸ್ಥೆಗಳು ಕೂಡ ಇಲಾಖೆಯೊಂದಿಗೆ ಕೈಜೋಡಿಸಿವಲ್ಲಿ ಹಲವು ಸುಧಾರಣೆಗಳನ್ನು ಕಾಣಲು ಸಾಧ್ಯ ಎಂದರು.

ಈ ಸಂದರ್ಭ ರೋಟರಿ ಅಧ್ಯಕ್ಷ ಜೇಕಬ್‌, ಡಿವೈಎಸ್ಪಿ ದಿನಕರ ಶೆಟ್ಟಿ, ವೃತ್ತ ನಿರೀಕ್ಷ ಕ ಬಿ.ಎಸ್‌.ದಿನೇಶ್‌ ಕುಮಾರ್‌, ರೋಟರಿ ಸಂಸ್ಥೆ ಪ್ರಮುಖರಾದ ಮಹೇಶ್‌ ನಾಲ್ವಡೆ, ಪ್ರೇಮ್‌ಚಂದ್ರನ್‌, ಎಸ್‌.ಕೆ.ಸತೀಶ್‌, ಕ್ರಿಜ್ವಲ್‌ ಕೋಟ್ಸ್‌, ನವೀನ್‌ ಮತ್ತಿತರರು ಇದ್ದರು.