ಹೊನ್ನೇನಹಳ್ಳಿ ಬಳಿ 8.64ಲೀ. ಮದ್ಯ ವಶ

ಕೋಲಾರ : ತಾಲೂಕಿನ ಹೊನ್ನೇನಹಳ್ಳಿ ಗೇಟ್‌ ಬಳಿ ಅಕ್ರಮವಾಗಿ ಬೈಕ್‌ನಲ್ಲಿ ಮದ್ಯ ಸಾಗಾಣಿಕೆ ಮಾಡುತ್ತಿದ್ದ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿ, ಬೈಕ್‌ ಮತ್ತು ಮದ್ಯವನ್ನು ಅಬಕಾರಿ ಸಿಬ್ಬಂದಿ ಶನಿವಾರ ವಶಕ್ಕೆ ಪಡೆದುಕೊಂಡಿದ್ದಾರೆ.

ಬೇತಮಂಗಲ ರಸ್ತೆಯ ಹೊನ್ನೇನಹಳ್ಳಿ ಬಳಿ ದಾಳಿ ನಡೆಸುತ್ತಿದ್ದಂತೆಯೇ 8.64ಲೀಟರ್‌ ಮದ್ಯ ಸಮೇತ ಬೈಕ್‌ ಬಿಟ್ಟು ಸವಾರ ಪರಾರಿಯಾಗಿದ್ದಾನೆ. 3060 ರೂ. ಮೌಲ್ಯದ ಮದ್ಯ ಹಾಗೂ 35 ಸಾವಿರರೂ ಬೆಲೆಯ ಡಿಸ್ಕವರ್‌ ಬೈಕ್‌ ಅನ್ನು ಅಬಕಾರಿ ಸಿಬ್ಬಂದಿ ವಶಕ್ಕೆ ಪಡೆದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.