ಎಸಿಬಿ ಬಲೆಗೆ ಬಿದ್ದ ಬೆಸ್ಕಾಂ ಎಇ

ಕೋಲಾರ: ಗ್ರಾಹಕರೊಬ್ಬರಿಂದ 5 ಸಾವಿರರೂ.ಲಂಚ ಸ್ವೀಕರಿಸುತ್ತಿದ್ದ ವೇಳೆ ಬೆಸ್ಕಾಂ ಸಹಾಯಕ ಎಂಜಿನಿಯರ್‌ (ಎಇ) ಎಸಿಬಿ ಬಲೆಗೆ ಬಿದ್ದಿರುವ ಘಟನೆ ಕೋಲಾರದಲ್ಲಿಶನಿವಾರ ನಡೆದಿದೆ.

ಬೆಸ್ಕಾಂ ಸಹಾಯಕ ಎಂಜಿನಿಯರ್‌ ಏಳುಮಲೈ ಎಸಿಬಿ ಬಲೆಗೆ ಬಿದ್ದವರಾಗಿದ್ದು, ಗೋಪಾಲಗೌಡ ಎಂಬುವರ ಮನೆಗೆ ಮೀಟರ್‌ ಅಳವಡಿಸುವ ಸಂಬಂಧ 5 ಸಾವಿರ ಲಂಚ ಸ್ವೀಕರಿಸುತ್ತಿದ್ದ ವೇಳೆ ಸಿಕ್ಕಿಬಿದ್ದಿದ್ದಾರೆ ಎಂದು ತಿಳಿದುಬಂದಿದೆ.

ಎಸಿಬಿ ಇನ್ಸ್‌ಪೆಕ್ಟರ್‌ ವೆಂಕಟಾಚಲಪತಿ ನೇತೃತ್ವದಲ್ಲಿದಾಳಿ ನಡೆಸಲಾಗಿದ್ದು, ಸದ್ಯ ಸಹಾಯಕ ಎಂಜಿನಿಯರ್‌ ಏಳುಮಲೈರನ್ನು ವಶಕ್ಕೆ ಪಡೆದು ತೀವ್ರ ವಿಚಾರಣೆಗೆ ಒಳಪಡಿಸಲಾಗಿದೆ.