ಪುಣ್ಯಕ್ಷೇತ್ರಕ್ಕೆ ತೆರಳುವವರಿಗೆ ಬಸ್‌ ಸೌಲಭ್ಯ

ವಿಕ ಸುದ್ದಿಲೋಕ ಮುಳಬಾಗಲು : ತಾಲೂಕಿನ ಜಮ್ಮನಹಳ್ಳಿ ಗೇಟ್‌ ಬಳಿಯ ಓಂ ಶಕ್ತಿ ದೇವಸ್ಥಾನದಿಂದ ಮಾಜಿ ಶಾಸಕ ಕೊತ್ತೂರು ಜಿ ಮಂಜುನಾಥ್‌ ಪ್ರಾಯೋಜಕತ್ವದಲ್ಲಿ ತಮಿಳುನಾಡಿನಲ್ಲಿ ಮೇಲ್‌ ಮರವತ್ತೂರು ಓಂ ಶಕ್ತಿ ದೇವಸ್ಥಾನಕ್ಕೆ ಹಾಗೂ ಕಂಚಿ ತಿರುವಣ್ಣಾಮಲೈ, ಗೋಲ್ಡನ್‌ ಟೆಂಪಲ್‌, ಕಾಣಿಪಾಕಂ ಇತರೆ ಪುಣ್ಯಕ್ಷೇತ್ರಗಳಿಗೆ ಪ್ರವಾಸ ಕೈಗೊಳ್ಳುವ ಭಕ್ತರಿಗೆ ಉಚಿತ ಬಸ್‌ ವ್ಯವಸ್ಥೆಮಾಡಲಾಗಿತ್ತು.

ದೇವರಾಯಸಮುದ್ರ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಜಮ್ಮನಹಳ್ಳಿ ಕೃಷ್ಣ ಭಕ್ತರ ಪ್ರಯಾಣಕ್ಕೆ ಶುಭಕೋರಿ ಮಾತನಾಡಿ ಮಾಜಿ ಶಾಸಕ ಕೊತ್ತೂರು ಜಿ.ಮಂಜುನಾಥ್‌ ಬಡವರ್ಗದವರು ಪುಣ್ಯಕ್ಷೇತ್ರಗಳಿಗೆ ತೆರಳಲು 15 ವರ್ಷಗಳಿಂದ ಬಸ್‌ ಸೌಲಭ್ಯವನ್ನು ಕಲ್ಪಿಸುತ್ತಾ ಬಂದಿದ್ದಾರೆ ಇದೇ ರೀತಿ ಇವರ ಸೇವೆ ಮುಂದುವರಿಯಲು ಎಂದು ತಿಳಿಸಿದರು.