ಮಾಲೂರಿನಲ್ಲಿ ವಿಜಯೋತ್ಸವ

ಮಾಲೂರು: ಜಮ್ಮು-ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡಿದ್ದ 370 ಕಾಯಿದೆಯನ್ನು ಕೇಂದ್ರ ಸರಕಾರ ಸೋಮವಾರ ರದ್ದುಪಡಿಸಿದ ಹಿನ್ನೆಲೆಯಲ್ಲಿ ತಾಲೂಕು ಬಿಜೆಪಿ ವತಿಯಿಂದ ಪಟ್ಟಣದ ಮಾರಿಕಾಂಬ ದ್ವಾರದ ಮುಂಭಾಗದಲ್ಲಿ ಸಿಹಿ ಹಂಚಿ ವಿಜಯೋತ್ಸವ ಆಚರಿಸಲಾಯಿತು.

ಪಟ್ಟಣದ ಮಾರಿಕಾಂಬ ದ್ವಾರದ ಮುಂಭಾಗದಲ್ಲಿ ತಾಲೂಕು ಬಿಜೆಪಿ ಪದಾಧಿಕಾರಿಗಳು ಜಮಾಯಿಸಿ, ಜಮ್ಮು-ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡಿದ್ದ 370 ಕಾಯ್ದೆಯನ್ನು ಕೇಂದ್ರ ಸರಕಾರ ರದ್ದು ಪಡಿಸಿದ ಹಿನ್ನೆಲೆಯಲ್ಲಿ ಸಿಹಿ ಹಂಚಿ ವಿಜಯೋತ್ಸವ ಆಚರಿಸಲಾಯಿತು.

ಈ ಸಂದರ್ಭದಲ್ಲಿ ತಾಲೂಕು ಬಿಜೆಪಿ ಸದಸ್ಯತ್ವ ಅಭಿಯಾನ ಸಂಚಾಲಕ ಪುರ ನಾರಾಯಣಸ್ವಾಮಿ, ಉಪಸಂಚಾಲಕ ರಾಮಕೃಷ್ಣೇಗೌಡ, ತಾಲೂಕು ಅಧ್ಯಕ್ಷ ವೆಂಕಟೇಶ್‌, ನಗರಾಧ್ಯಕ್ಷ ಎಂ.ಸಿ.ರವಿ, ಪುರಸಭೆ ಸದಸ್ಯರಾದ ಎಂ.ರಾಮಮೂರ್ತಿ, ಎಂ.ವಿ.ವೇಮನ, ಭಾನುತೇಜ, ವೆಂಕಟೇಶ್‌, ಅನಿತಾನಾಗರಾಜ್‌, ಮುಖಂಡರಾದ ಸುರೇಶ್‌, ನೋಸಗೆರೆ ಮುನಿರಾಜು, ರೇಣುಕಾಪ್ರಸಾದ್‌, ಬಿಜೆಪಿ ಹನುಮಪ್ಪ, ಉಮಾಶಂಕರ್‌, ಶೇಷಗಿರಿ ಇತರರು ಹಾಜರಿದ್ದರು.