ಬೆಳ್ಳಂಬೆಳಗ್ಗೆ ಮದ್ಯ ಮಾರಾಟ; ನೀತಿ ಸಂಹಿತೆ ಗಾಳಿಗೆ!

ಕೋಲಾರ: ಚುನಾವಣೆ ಹಿನ್ನೆಲೆಯಲ್ಲಿ ಮಾದರಿ ನೀತಿ ಸಂಹಿತೆ ಜಾರಿಯಲ್ಲಿದ್ದರೂ ನಗರದಲ್ಲಿ ಬಾರ್‌ಗಳ ಮುಂದೆ ಬೆಳ್ಳಂಬೆಳಿಗ್ಗೆಯೇ ಮದ್ಯ ಮಾರಾಟ ರಾಜರೋಷವಾಗಿ ನಡೆಯುತ್ತಿದೆ.

ನೀತಿ ಸಂಹಿತೆ ಜಾರಿಯಲ್ಲಿರುವ ಹಿನ್ನೆಲೆಯಲ್ಲಿ ಅಕ್ರಮ ಮದ್ಯ ಮಾರಾಟ ನಿಯಂತ್ರಿಸಲು ಚುನಾವಣಾ ಅಯೋಗವೂ ಜಾಗೃತ ತಂಡಗಳನ್ನು ರಚನೆ ಮಾಡಿದೆ. ಗ್ರಾಮೀಣ ಭಾಗದ ಅಂಗಡಿಗಳವರು ನಗರ, ಪಟ್ಟಣ ಪ್ರದೇಶದಿಂದ ಮದ್ಯ ಸಾಗಣೆ ಮಾಡುವಾಗ ಹಿಡಿದು ದೂರು ದಾಖಲಿಸುತ್ತಿದ್ದಾರೆ.

ಆದರೆ ಬಾರ್‌, ವೈನ್ಸ್‌ ಅಂಗಡಿಗಳ ಮುಂದೆ ಮುಂಜಾನೆಯಿಂದ ರಾತ್ರಿಯತನಕ ರಾಜರೋಷವಾಗಿ ನಡೆಯುತ್ತಿದ್ದು, ಅಬಕಾರಿ ಇಲಾಖೆಯ ಅಧಿಕಾರಿಗಳು ನಮಕಾವಸ್ತೆಗೆ ಸಂಚಾರ ಮಾಡುತ್ತಿದು, ಇದ್ಯಾವೂದು ಗಮನಕ್ಕೆ ಬಾರದ ಹಾಗೆ ಸುಮ್ಮನಿದ್ದಾರೆ.

ಬೆಳಿಗ್ಗೆ ವಿವಿಧ ಕೂಲಿ ಕಾರ್ಮಿಕರು ಮದ್ಯ ಸೇವೆ ಮಾಡಿ ಕೆಲಸಕ್ಕೆ ಹೋಗುವ ಅಭ್ಯಾಸ ಮಾಡಿಕೊಂಡಿದ್ದಾರೆ. ಕಾರ್ಮಿಕರ ಗುಂಪು ಬಾರ್‌ ಮುಂದೆಗೆ ಬರುತ್ತಿದ್ದಂತೆ ಡಿಕ್ಕಿ ಎತ್ತುಕೊಡುತ್ತಿದ್ದ.

ಇತ್ತೀಚಿಗೆ ಬಾರ್‌ಗಳವರು ಬೆಳಗ್ಗೆ ತೆಗೆಯಲು ಮತ್ತು ರಾತ್ರಿ ಮುಚ್ಚಲು ಸಮಯವೇ ಇಲ್ಲದಂತಾಗಿದೆ. ಅಬಕಾರಿ ಇಲಾಖೆಯ ನಿಯಮಗಳನ್ನು ಉಲ್ಲಂಘಿಸಿ ಕೆಲಸ ಮಾಡುತ್ತಿದ್ದಾರೆ. ಇದರಿಂದ ಸಾರ್ವಜನಿಕರಿಗೂ ತೊಂದರೆಯಾಗುತ್ತಿದ್ದು, ಬಾರ್‌ಗಳ ಮೇಲೆ ನಿಯಂತ್ರಣಾ ಹೇರ ಬೇಕು ಎಂದು ಸಾರ್ವಜನಿಕರ ಒತ್ತಾಯವಾಗಿದೆ.