ಬಾಲಕಿಯನ್ನು ಅಪಹರಿಸಿದ್ದವನಿಗೆ ನ್ಯಾಯಾಂಗ ಬಂಧನ

ಮಾಲೂರು: ಬಾಲಕಿಯನ್ನು ಆಟೋದಲ್ಲಿ ಅಪಹರಿಸಿ ಆಂಧ್ರಪ್ರದೇಶದ ರಾಮಸಂದ್ರ ಗ್ರಾಮದಲ್ಲಿ ಬಲತ್ಕಾರ ಮಾಡಿ ಕೂಡಿಟ್ಟಿದ್ದ ಪ್ರಕರಣವನ್ನು ಬೇದಿಸಿರುವ ಪಟ್ಟಣದ ಪೊಲೀಸರು, ಆರೋಪಿಯನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ತಾಲೂಕಿನ ಲಕ್ಕೂರು ಗ್ರಾಮದ ಬರಕತ್‌ (20) ಬಂಧಿತ ಆರೋಪಿ. ಆಟೋ ಚಾಲಕನಾಗಿ ಜೀವನ ನಡೆಸುತ್ತಿದ್ದ ಈತ, ಗ್ರಾಮದ 16 ವರ್ಷದ ಬಾಲಕಿ ಜೂ. 25ರಂದು ಸಂಜೆ ಪಟ್ಟಣದ ಬಸ್‌ ನಿಲ್ದಾಣದಲ್ಲಿ ಇದ್ದಾಗ ಆಟೋದಲ್ಲಿ ಅಪಹರಿಸಿ ಆಂಧ್ರಪ್ರದೇಶದ ರಾಮಸಂದ್ರ ಗ್ರಾಮದಲ್ಲಿ ಬಲತ್ಕಾರ ಮಾಡಿರುವುದಾಗಿ, ಬಾಲಕಿಯ ತಾಯಿ ಪಟ್ಟಣದ ಪೋಲಿಸ್‌ ಠಾಣೆಯಲ್ಲಿ ದೂರು ನೀಡಿದ್ದರು.

ಈ ಪ್ರಕರಣಕ್ಕೆ ಸಂಬಂದಿಸಿದಂತೆ ಪಟ್ಟಣದ ಪೋಲಿಸರು ಪ್ರಕರಣ ದಾಖಲಿಸಿಕೊಂಡು ಆರೋಪಿ ಬರಕತ್‌ನನ್ನು ಬಾಲಕಿಯೊಂದಿಗೆ ಕೋಲಾರ ಬಸ್‌ ನಿಲ್ದಾಣದಲ್ಲಿ ಇದ್ದಾಗ ದಿಡೀರ್‌ ದಾಳಿ ನಡೆಸಿ ಬಂಧಿಸಿದ್ದು, ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿ, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ. ಬಾಲಕಿಯನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಲಾಗಿದೆ.