ಕಸರಗೆರೆ ಹಾಲ ಸಂಘದ ಅಧ್ಯಕ್ಷರ ಅವಿರೋಧ ಆಯ್ಕೆ

ಲಕ್ಕೂರು: ಮಾಸ್ತಿ ಗ್ರಾಪಂ ವ್ಯಾಪ್ತಿಯ ಕೆಸರಗೆರೆ ಗ್ರಾಮದ ಹಾಲು ಉತ್ಪಾದಕರ ಸಹಕಾರ ಸಂಘದ ನೂತನ ಅಧ್ಯಕ್ಷ ರಾಗಿ ಕೆ.ಎ.ರಘುನಾಥ್‌ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಮಾಸ್ತಿ ಗ್ರಾ.ಪಂ.ವ್ಯಾಪ್ತಿಯ ಕೆಸರಗೆರೆ ಗ್ರಾಮದ ಹಾಲು ಉತ್ಪಾದಕರ ಸಹಕಾರ ಸಂಘಕ್ಕೆ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಕೆ.ಎ. ರಘುನಾಥ್‌ ಅವರು ಒಬ್ಬರೇ ನಾಮಪತ್ರ ಸಲ್ಲಿಸಿದ್ದ ಹಿನ್ನೆಲೆಯಲ್ಲಿ ಕೆ.ಎ.ರಘುನಾಥ್‌ ಅವರು ಅಧ್ಯಕ್ಷ ರಾಗಿ ಅವಿರೋಧವಾಗಿ ಆಯ್ಕೆಯಾದರು.

ಸಂಘದ ನಿರ್ದೇಶಕರಾಗಿ ರಾಮಚಂದ್ರೇಗೌಡ, ಕೆ.ಎಂ.ಕೃಷ್ಣಪ್ಪ, ಕೆ.ಎನ್‌.ಅಶ್ವಥಪ್ಪ, ಕೆ.ಎನ್‌.ನಾಗರಾಜ್‌, ಕೆ.ರಾಜಣ್ಣ, ಕೆ.ವಿ.ನಾಗರಾಜ್‌, ಕೆ.ಎಂ.ನಾರಾಯಣಪ್ಪ, ಶಿವಪ್ಪ, ಅಕ್ಕಮ್ಮ, ರಾಜಮ್ಮ, ಯಲ್ಲಮ್ಮ, ರಾಮದಾಸರಿ ಅವಿರೋಧವಾಗಿ ಆಯ್ಕೆ ಆಗಿದ್ದು, ಅಧ್ಯಕ್ಷ ಸ್ಥಾನಕ್ಕೆ ಕೆ.ಎ. ರಘುನಾಥ್‌ ಅವರು ಒಬ್ಬರೇ ನಾಮಪತ್ರವನ್ನು ಸಲ್ಲಿಸಿದ್ದ ಪರಿಣಾಮ ಅವರನ್ನು ಅಧ್ಯಕ್ಷ ರನ್ನಾಗಿ ಆಯ್ಕೆ ಮಾಡಲಾಗಿದೆ ಎಂದು ಚುನಾವಣಾಧಿಕಾರಿ ಕೋದಂಡರಾಮಯ್ಯ ಘೋಷಿಸಿದರು.

ಈ ಸಂದರ್ಭದಲ್ಲಿ ಎಪಿಎಂಸಿ ಮಾಜಿ ಅಧ್ಯಕ್ಷ ಕೆ.ಎಚ್‌.ಕೃಷ್ಣಕುಮಾರ್‌, ಗ್ರಾಪಂ ಸದಸ್ಯ ರಘುಪತಿ, ಮಾಜಿ ಮಂಡಲ್‌ ಪ್ರಧಾನ ಕೆ.ಆರ್‌.ಕೃಷ್ಣೇಗೌಡ, ಕೆ.ಆರ್‌.ಆಂಜನೇಗೌಡ, ಹಾಲು ಉತ್ಪಾದಕರ ಸಹಕಾರ ಸಂಘದ ಕಾರ್ಯದರ್ಶಿ ಸಂದೇಶ್‌, ಹಾಲು ಉತ್ಪಾದಕರು, ಇನ್ನಿತರರು ಹಾಜರಿದ್ದರು.