ಕೆಸಿ ವ್ಯಾಲಿ ತಡೆಯಾಜ್ಞೆ ತೆರವಿಗೆ ಸಂತಸ

ಶ್ರೀನಿವಾಸಪುರ ಗ್ರಾಮಾಂತರ:ನೀರಿನ ಸಮಸ್ಯೆಗಳಿಂದ ಪಾರಾಗಲು, ಜಿಲ್ಲೆಯ ರೈತರನ್ನು ಉಳಿಸಲು ಜಾರಿಗೊಳಿಸಿದ್ದ ಕೆಸಿ ವ್ಯಾಲಿ ನೀರಾವರಿ ಯೋಜನೆಯನ್ನು ಮುಂದುವರಿಸಬಹುದು ಎಂದು ಸುಪ್ರೀಂಕೋರ್ಟ್‌ ತೀರ್ಪು ನೀಡಿರುವುದು ಸಂತಸ ತಂದಿದೆ ಎಂದು ಗೌನಿಪಲ್ಲಿ ಗ್ರಾಮ ಪಂಚಾಯಿತಿ ಸದಸ್ಯ ಜಿ.ಟಿ.ರಮೇಶ್‌ ಬಾಬು ಸಂತಸ ವ್ಯಕ್ತಪಡಿಸಿದರು.

ಗೌನಿಪಲ್ಲಿ ಕಾಂಗ್ರೆಸ್‌ ಕಾರ್ಯಕರ್ತರು ಕೆಸಿ ವ್ಯಾಲಿ ನೀರಾವರಿ ಯೋಜನೆ ಮೂಲಕ ಕೋಲಾರ ಜಿಲ್ಲೆಗೆ ನೀರು ಹರಿಸಬಹುದು ಎಂದು ತೀರ್ಪು ನೀಡಿದ ತಕ್ಷ ಣ ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಾಚರಣೆ ಆಚರಿಸಿ ಮಾತಾನಾಡಿದರು. ಕೆಲವರು ತಮ್ಮ ಸ್ವಾರ್ಥಕ್ಕಾಗಿ ಕೋರ್ಟ್‌ ಮೆಟ್ಟಿಲೇರಿ ತಡೆಯಾಜ್ಞೆ ಮಾಡಲಾಗಿತ್ತು. ಆದರೆ ಸ್ಪೀಕರ್‌ ರಮೇಶ್‌ಕುಮಾರ್‌ ಅವರ ಸತತ ಪ್ರಯತ್ನದಿಂದ ಹಾಗೂ ಉತ್ತಮ ಕಾನೂನು ಪಂಡಿತರಿಂದ ಯೋಜನೆಯ ಉದ್ದೇಶವನ್ನು ತಿಳಿಸಿ ರೈತರ ನೆರವಿಗೆ ಬಂದಿದ್ದಾರೆಂದು ವಿವರಿಸಿದರು.

ಈ ಸಂದರ್ಭದಲ್ಲಿ ಸತ್ಯನಾರಯಣ, ಎಚ್‌.ರಹಮತ್ತುಲ್ಲ, ಎಂ.ನಾರಾಯಣಸ್ವಾಮಿ, ಅಮೀರ್‌ ಖಾನ್‌, ಮಂಜುನಾಥ್‌, ನಯಾಜ್‌ಖಾನ್‌, ಅಜಾಂಖಾನ್‌, ಸೋಮಶೇಖರ್‌, ಮಧು ಇತರರು ಇದ್ದರು.