ಕೋಲಾರ: ಸರಕಾರಿ ಶಾಲೆಗಳಿಗೆ ಅಭಿವೃದ್ದಿಯ ಟಚ್‌ ನೀಡಲಿದೆ ನರೇಗಾ

ಕೋಲಾರ: ಗ್ರಾಮೀಣ ಪ್ರದೇಶಗಳಲ್ಲಿ ರಸ್ತೆ, ಚರಂಡಿ, ಮನೆ ನಿರ್ಮಾಣಕ್ಕೆ ಸಹಕಾರಿಯಾಗಿದ್ದ ನರೇಗಾ ಯೋಜನೆ, ಇದೀಗ ಸರ್ಕಾರಿ ಶಾಲೆಗಳಿಗೂ ಹೈಟೆಕ್ ಟಚ್ ನೀಡಲು ಮುಂದಾಗಿದೆ.

ಕೋಲಾರ ಜಿಲ್ಲೆಯ ಬಹುತೇಕ ಗ್ರಾಮಗಳು ನರೇಗಾ ಯೋಜನೆ ಅಡಿ ಅಬಿವೃದ್ದಿಗೊಂಡು ಸುದಾರಿತ ಗ್ರಾಮಗಳಾಗಿ ಮಾರ್ಪಟ್ಟಿವೆ. ಗ್ರಾಮಗಳ ಅಬಿವೃದ್ದಿಗೆ ಹೆಸರು ಪಡೆದಿದ್ದ ನರೇಗಾ ಯೋಜನೆಯ ಮೂಲಕ ಗ್ರಾಮೀಣ ಶಾಲೆಗಳ ಉನ್ನತೀಕರಣಕ್ಕೆ ಮುಂದಾಗಿದ್ದು ಯೋಜನೆಯ ಸಮರ್ಪಕ ಬಳಕೆ ಯಾದಲ್ಲಿ ಮುಂದಿನ ದಿನಗಳಲ್ಲಿ ಗ್ರಾಮೀಣ ಸರಕಾರಿ ಶಾಲೆಗಳ ಮೆರಗು ಮತ್ತಷ್ಟು ಹೆಚ್ಚಲಿದೆ.

ಕೋಲಾರ ಜಿಲ್ಲೆಯಲ್ಲಿ ಸರ್ಕಾರಿ ಶಾಲೆಗಳ ಸ್ವರೂಪ ಬದಲಾಯಿಸುತ್ತಿದೆ ನರೇಗಾ!

ಇದೇ ಮೊದಲ ಬಾರಿಗೆ ಕೋಲಾರದಲ್ಲಿ ಸರಕಾರಿ ಪ್ರೌಡ ಶಾಲೆಗಳ ಆವರಣದಲ್ಲಿ ನರೇಗಾ ಯೋಜನೆಯಿಂದ ಹಲವು ಅಭಿವೃದ್ದಿ ಕಾಮಗಾರಿಗಳನ್ನ ಕೈಗೆತ್ತಿಕೊಂಡಿದ್ದು, ವಾಕಿಂಗ್ ಪಾತ್, ಬಾಸ್ಕೆಟ್ ಬಾಲ್ ಗ್ರೌಂಡ್, ಕಬಡ್ಡಿ ಕ್ರೀಡಾಂಗಣ, ಅಡುಗೆ ಕೋಣೆ, ಶಾಲಾ ಕಾಂಪೌಂಡ್, ಹಾಗೂ ಶಾಲಾ ಆವರಣದಲ್ಲೇ ಪಾರ್ಕ್‍ಗಳನ್ನ ನಿರ್ಮಾಣ ಮಾಡಲು ಜಿಲ್ಲಾ ಪಂಚಾಯಿತಿ ಮುಂದಾಗಿದೆ. ಕೋಲಾರ ತಾಲೂಕಿನ ಹುತ್ತೂರು ಗ್ರಾಮದ ಸರಕಾರಿ ಪ್ರೌಢಶಾಲೆ ಆವರಣದಲ್ಲಿ ನರೇಗಾ ಯೋಜನೆಯಿಂದ ಕಾಮಗಾರಿ ಆರಂಭಿಸಿದ್ದು, ಬಾಸ್ಕೆಟ್ ಬಾಲ್ ಗ್ರೌಂಡ್, ವಾಕಿಂಗ್ ಪಾತ್ ಸೇರಿದಂತೆ ಹಲವು ಕೆಲಸಗಳು ಬರದಿಂದ ಸಾಗಿದೆ.

ಸಾಮಾಜಿಕ ಮೂಲ ಸೌಕರ್ಯಗಳನ್ನ ಒದಗಿಸುವ ದೃಷ್ಟಿಯಿಂದ ಶಾಲಾ ಆವರಣಗಳಲ್ಲೆ ಎಲ್ಲಾ ಕ್ರೀಡೆಗಳ ವ್ಯವಸ್ತೆಯನ್ನ ಒದಗಿಸುವ ಉದ್ದೇಶವನ್ನ ನರೇಗಾ ಯೋಜನೆ ಮೂಲಕ ಜಾರಿ ಮಾಡಲು ಸರಕಾರ ಒಪ್ಪಿಗೆ ಸೂಚಿಸಿದೆ.

ಕೋಲಾರದ ಕ್ಲಾಕ್‌ ಟವರ್‌ನಲ್ಲಿ ರಾಷ್ಟ್ರಧ್ವಜ ಹಾರಿಸಿದ ಪ್ರಕರಣ: ಸಂಸದ ಮುನಿಸ್ವಾಮಿಗೆ ಕೊಲೆ ಬೆದರಿಕೆ

ಈ ಕುರಿತು ಮಾತನಾಡಿರುವ ಕೋಲಾರ ಜಿಲ್ಲಾ ಪಂಚಾಯಿತಿ ಸಿಇಒ ಯುಕೇಶ್‍ ಕುಮಾರ್, ಸರಕಾರಿ ಶಾಲೆಗಳಲ್ಲಿ ಆಟದ ಮೈಧಾನ ಲಭ್ಯವಿದ್ದಲ್ಲಿ ಎಲ್ಲೆಡೆ ನರೇಗಾ ಯೋಜನೆಯಡಿ ಅಭಿವೃದ್ದಿ ಮಾಡಲಾಗುವುದು. ಇದರಿಂದ ಸರಕಾರಿ ಶಾಲೆಗಳು ಮಕ್ಕಳ ನೆಚ್ಚಿನ ತಾಣವಾಗಲು ಅನುಕೂಲ ಆಗಲಿದೆ ಎಂದಿದ್ದಾರೆ.

ಈ ಕುರಿತು ಮಾತನಾಡಿರುವ ಗ್ರಾಮ ಪಂಚಾಯಿತಿ ಸದಸ್ಯರು ನರೇಗಾ ಯೋಜನೆಯಡಿ ಶಾಲೆಗಳ ಅಭಿವೃದ್ದಿ ಆದಲ್ಲಿ ವಿಧ್ಯಾರ್ಥಿಗಳನ್ನು ಶಾಲೆಗಳತ್ತ ಹೆಚ್ಚು ಆಕರ್ಷಣೆ ಮಾಡಬಹುದು ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.