ಹೊಸ ವರ್ಷಾಚರಣೆ: ಪೊಲೀಸ್‌ ಇಲಾಖೆ ಕ್ರಮ

ಕೋಲಾರ : ಹೊಸ ವರ್ಷಾಚರಣೆ ಸಂಭ್ರಮದಲ್ಲಿ ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಮುಂಜಾಗ್ರತಾ ಕ್ರಮವಾಗಿ ಪೊಲೀಸ್‌ ಇಲಾಖೆ ಎಚ್ಚರವಹಿಸಿ, ಹಲವು ಕ್ರಮಗಳನ್ನು ಕೈಗೊಂಡಿರುವುದಾಗಿ ಎಸ್ಪಿ ಡಾ.ರೋಹಿಣಿ ಕಟೋಚ್‌ ಸಫೆಟ್‌ ತಿಳಿಸಿದ್ದಾರೆ.

95 ಕಡೆ ಹೊಸ ವರ್ಷಾಚರಣೆ ಮಾಡುವ ಸಾಧ್ಯತೆಯಿದ್ದು, ವಲಯಗಳೆಂದು ಗುರುತಿಸಿ ಎಲ್ಲೆಡೆ ಬಂದೋಬಸ್ತ್‌ ಮಾಡಲಾಗಿದೆ. ಅದನ್ನು ಹೊರತುಪಡಿಸಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ 18 ಕಡೆ ತಪಾಸಣೆ ನಡೆಸಲು ಕ್ರಮಕೈಗೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.

ಲಿಕ್ಕರ್‌ಪಾರ್ಟಿ ಸಂಬಂಧ ಯಾರೂ ಸಹ ಅನುಮತಿಯನ್ನು ತಮ್ಮ ಬಳಿ ಕೇಳಿಲ್ಲ. ಡಾಬಾಗಳಿಗೂ ಠಾಣೆವಾರು ನೋಟಿಸ್‌ ನೀಡಲಾಗಿದೆ. ಮದ್ಯಸೇವಿಸಿ ಬರುವವರನ್ನು ರಾಷ್ಟ್ರೀಯ ಹೆದ್ದಾರಿಗೆ ಬಿಡದಂತೆ ಕ್ರಮವಹಿಸಲಾಗಿದೆ. ಒಟ್ಟಾರೆ ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಕ್ರಮವಹಿಸಲಾಗಿದೆ ಎಂದು ಹೇಳಿದ್ದಾರೆ.