ಪ್ರಾಥಮಿಕ ಶಾಲಾ ಶಿಕ್ಷ ಕರ ವರ್ಗಾವಣಾ ಕೌನ್ಸೆಲಿಂಗ್‌ ಇಂದಿನಿಂದ

ಕೋಲಾರ ಸರಕಾರಿ ಪ್ರಾಥಮಿಕ ಶಾಲಾ ಶಿಕ್ಷ ಕರ 2018-19ನೇ ಸಾಲಿನ ಕೋರಿಕೆ, ಕಡ್ಡಾಯ ವರ್ಗಾವಣೆ ಮತ್ತು ಪರಸ್ಪರ ಘಟಕದೊಳಗಿನ ವರ್ಗಾವಣೆ ಕೌನ್ಸೆಲಿಂಗ್‌ ಜು.30ರಿಂದ ಡಿಡಿಪಿಐ ಕಚೇರಿಯ ಎಸ್‌ಎಸ್‌ಎ (ಸರ್ವಶಿಕ್ಷ ಣ ಅಭಿಯಾನ)ದ ಕಚೇರಿಯಲ್ಲಿ ನಡೆಸಲಾಗುತ್ತಿದೆ ಎಂದು ಡಿಡಿಪಿಐ ಕೆ.ರತ್ನಯ್ಯ ತಿಳಿಸಿದ್ದಾರೆ.

ವರ್ಗಾವಣೆ ಪ್ರಕ್ರಿಯೆ ಸುಗಮವಾಗಿ ನಡೆಸಲು ಕ್ಷೇತ್ರ ಸಂಪನ್ಮೂಲ ಕಚೇರಿಯ ಸಿಬ್ಬಂದಿಯನ್ನು ಕಡ್ಡಾಯವಾಗಿ ನಿಯೋಜಿಸಲು ಸೂಚಿಸಿದ್ದು, ಈ ಸಂಬಂಧ ಕ್ಷೇತ್ರ ಶಿಕ್ಷ ಣಾಧಿಕಾರಿಗಳು ಮತ್ತು ಸಂಬಂಧಿಸಿದ ಶಾಖಾ ಅಧೀಕ್ವರು, ವಿಷಯ ನಿರ್ವಾಹಕರು ಕಡ್ಡಾಯವಾಗಿ ಅಗತ್ಯ ದಾಖಲೆಗಳೊಂದಿಗೆ ಹಾಜರಿರಲು ಸೂಚಿಸಿದ್ದಾರೆ.

ಘಟಕದೊಳಗಿನ ಕೋರಿಕೆ ವರ್ಗಾವಣೆ: ಜು.30ರಂದು ಈಗಾಗಲೇ ಪಟ್ಟಿಯಲ್ಲಿ ಪ್ರಕಟಿಸಿರುವಂತೆ ಕ್ರಮ ಸಂಖ್ಯೆ1 ರಿಂದ 300 ರವರೆಗಿನ 300 ಶಿಕ್ಷ ಕರು ಕೌನ್ಸೆಲಿಂಗ್‌ನಲ್ಲಿ ಹಾಜರಿರಲು ಸೂಚಿಸಿದ್ದಾರೆ.

ಜು.31 ರಂದು ಕ್ರಮಸಂಖ್ಯೆ 301 ರಿಂದ 800 ವರೆಗಿನ ಶಿಕ್ಷ ಕರು, ಆ.1 ರಂದು ಗುರುವಾರ 801 ರಿಂದ 1300 ಕ್ರಮಸಂಖ್ಯೆವರೆಗಿನ ಶಿಕ್ಷ ಕರು ಹಾಗೂ ಆ.2 ರ ಶುಕ್ರವಾರ ಕ್ರಮಸಂಖ್ಯೆ 1300 ರಿಂದ ಆದ್ಯತಾ ಪಟ್ಟಿಯಲ್ಲಿನ ಅಂತ್ಯದವರೆಗೂ ಇರುವ ಶಿಕ್ಷ ಕರು ಪಾಲ್ಗೊಳ್ಳಬಹುದಾಗಿದೆ ಎಂದು ತಿಳಿಸಿದ್ದಾರೆ.

ಮುಖ್ಯ ಶಿಕ್ಷ ಕರು ಹಾಗೂ ವಿಶೇಷ ಶಿಕ್ಷ ಕರ ವೃಂದದವರು ಆ.5ರ ಸೋಮವಾರ ಪಟ್ಟಿಯಲ್ಲಿರುವಂತೆ ಕ್ರಮ ಸಂಖ್ಯೆ 1 ರಿಂದ ಆದ್ಯತಾ ಪಟ್ಟಿಯ ಅಂತ್ಯದವರೆಗೂ ಪಾಲ್ಗೊಳ್ಳಲು ಸೂಚಿಸಲಾಗಿದೆ.

ಕಡ್ಡಾಯವರ್ಗಾವಣೆ ನಿಯಮ21(4)ರಡಿ ಆ.8 ಮತ್ತು ಆ.9 ರಂದು ಕಡ್ಡಾಯ ವರ್ಗಾವಣೆ ನಿಯಮದಡಿ ಎ.ವಲಯದಿಂದ ಬಿ ವಲಯಕ್ಕೆ ಮತ್ತು ಎ ವಲಯದಿಂದ ಸಿ ವಲಯಕ್ಕೆ ಅಂತಿಮ ಆದ್ಯತಾ ಪಟ್ಟಿಯಂತೆ ಪೂರ್ಣಗೊಳ್ಳುವವರೆಗೂ ಎಲ್ಲಾ ಶಿಕ್ಷ ಕರು ಕೌನ್ಸೆಲಿಂಗ್‌ನಲ್ಲಿ ಭಾಗವಹಿಸಬಹುದಾಗಿದೆ.

ಆ.13 ರಂದು ಪರಸ್ಪರ ವರ್ಗಾವಣೆ ಬಯಸಿರುವ ಶಿಕ್ಷ ಕರು ಅಂತಿಮ ಆದ್ಯತಾ ಪಟ್ಟಿಯಂತೆ ಪೂರ್ಣಗೊಳ್ಳುವವರೆಗೂ ಭಾಗವಹಿಸಬಹುದಾಗಿದೆ ಎಂದು ಡಿಡಿಪಿಐ ತಿಳಿಸಿದ್ದಾರೆ.

ಶಿಕ್ಷ ಕರಿಗೆ ಕೌನ್ಸೆಲಿಂಗ್‌ ದಿನಾಂಕಗಳ ಕುರಿತು ತಿಳಿಸಿದ್ದು, ಆನ್‌ಲೈನ್‌ ಕೌನ್ಸೆಲಿಂಗ್‌ ಆಗಿರುವುದರಿಂದ ತಾಂತ್ರಿಕ ಸಮಸ್ಯೆಯಾದಲ್ಲಿ ಪ್ರತಿ ದಿನಕ್ಕೆ ನಿಲ್ಲಿಸಿದ ಕ್ರಮ ಸಂಖ್ಯೆಯಿಂದ ಮುಂದಿನ ದಿನ ಮುಂದುವರಿಸಲಾಗುವುದು. ಕೋರಿಕೆ ವರ್ಗಾವಣೆಯ ಅಂತಿಮ ಪಟ್ಟಿಯಲ್ಲಿರುವ ಶಿಕ್ಷ ಕರು ಪ್ರತಿ ದಿನ ಬೆಳಗ್ಗೆ 10 ಗಂಟೆಗೆ ಅಂತಿಮ ಆದ್ಯತಾ ಪಟ್ಟಿಯಲ್ಲಿನ ಕ್ರಮಸಂಖ್ಯೆ ಪ್ರಕಾರ ಕೌನ್ಸೆಲಿಂಗ್‌ಗೆ ಹಾಜರಾಗಿ ಸ್ಥಳ ಆಯ್ಕೆ ಮಾಡಿಕೊಳ್ಳಲು ಡಿಡಿಪಿ ತಿಳಿಸಿದ್ದಾರೆ.

ಕೌನ್ಸೆಲಿಂಗ್‌ಗೆ ಹಾಜರಾಗುವ ಶಿಕ್ಷ ಕರು ಮತ್ತು ಸಂಘದ ಅಧ್ಯಕ್ಷ ರು, ಕಾರ್ಯದರ್ಶಿಗಳನ್ನು ಹೊರತುಪಡಿಸಿ ಬೇರೆ ಯಾವುದೇ ಶಿಕ್ಷ ಕರು ಕೌನ್ಸೆಲಿಂಗ್‌ ವೇಳೆ ಹಾಜರಾಗದಂತೆ ಡಿಡಿಪಿಐ ಸೂಚಿಸಿದ್ದಾರೆ.