ಐಎಂಎಗೆ ಸೇರಿದ ಆಸ್ತಿ ವಶ

ಮಾಲೂರು: ಐಎಂಎ ಬಹುಕೋಟಿ ವಂಚನೆ ಹಗರಣ ಹಿನ್ನೆಲೆಯಲ್ಲಿ ಸರಕಾರದ ಆದೇಶದ ಮೇರೆಗೆ ಮನ್ಸೂರ್‌ ಖಾನ್‌ ಒಡೆತನದ ಐಎಂಎ ಸಂಸ್ಥೆಗೆ ಸೇರಿದ ತಾಲೂಕಿನ ಭೈರತ್ನಹಳ್ಳಿ ಪುರದ ಸರ್ವೇ ನಂ 6/2ಎ1 ರಲ್ಲಿನ 20 ಗುಂಟೆ ಜಮೀನಿನಲ್ಲಿ ಸಿಮೆಂಟ್‌ ಇಟ್ಟಿಗೆ ಕಾರ್ಖಾನೆಗಾಗಿ ನಿರ್ಮಿಸಿರುವ ಶೆಡ್‌, ಹಾಗೂ ಕಾರ್ಖಾನೆ, ಭೈರತ್ನಹಳ್ಳಿ ಪುರದ ಸರ್ವೇ ನಂ.5ರ 30ಗುಂಟೆಯ ಜಮೀನಿನಲ್ಲಿ ವಾಸದ ಮನೆ, ಮತ್ತು ಪಾರ್ಕ್‌, 2 ಸರ್ವೆ ನಂಬರ್‌ಗಳಲ್ಲಿನ ಜಮೀನುಗಳನ್ನು ವಶಕ್ಕೆ ಪಡೆಯಲಾಗಿದೆ.

ಜಿಲ್ಲಾಧಿಕಾರಿ ಜೆ.ಮಂಜುನಾಥ್‌, ಸಹಾಯಕ ಆಯುಕ್ತ ವಿ.ಸೋಮಶೇಖರ್‌, ತಹಸೀಲ್ದಾರ್‌ ವಿ.ನಾಗರಾಜ್‌ ನೇತೃತ್ವದಲ್ಲಿ ತಾಲೂಕಿನ ಭೈರತ್ನಹಳ್ಳಿ ಪುರದ ಐಎಂಎ ಸಂಸ್ಥೆಗೆ ಸೇರಿದ ಆಸ್ತಿಯನ್ನು ಸರಕಾರದ ಆದೇಶದ ಮೇರೆಗೆ ವಶಕ್ಕೆ ಸೋಮವಾರ ಸಂಜೆ ಪಡೆಯಲಾಗಿದೆ.