ಅತ್ಯಾಚಾರಿಗಳಿಬ್ಬರಿಗೆ ತಲಾ 20 ವರ್ಷ ಕಾರಾಗೃಹ ಶಿಕ್ಷೆ !

ಕೋಲಾರ: ಯುವತಿಯನ್ನು ಅಪಹರಿಸಿ ಅತ್ಯಾಚಾರವೆಸಗಿದ್ದ ಇಬ್ಬರು ಆರೋಪಿಗಳಿಗೆ ತಲಾ 20 ವರ್ಷ ಕಾರಾಗೃಹ ಶಿಕ್ಷೆ ಹಾಗೂ 35 ಸಾವಿರ ದಂಡ ವಿಧಿಸಿ ಕೋಲಾರದ 1ನೇ ಜಿಲ್ಲಾಮತ್ತು ಸತ್ರ ನ್ಯಾಯಾಲಯವು ಶನಿವಾರ ತೀರ್ಪು ನೀಡಿದೆ.

ಕೋಲಾರದ ಸಾಬೀರ್‌ ಅಹಮದ್‌, ಇಂತಿಯಾಜ್‌ಪಾಷ ಶಿಕ್ಷೆಗೆ ಗುರಿಯಾದ ಆರೋಪಿಗಳಾಗಿದ್ದಾರೆ. 2016 ಸೆ.24ರಂದು ಗಲ್‌ಪೇಟೆಯ ಯುವತಿಯನ್ನು ಆಧಾರ್‌ ಕಾರ್ಡ್‌ ಮಾಡಿಸಿಕೊಡುವ ನೆಪದಲ್ಲಿತಹಸೀಲ್ದಾರ್‌ ಕಚೇರಿಗೆ ಕರೆಯಿಸಿಕೊಂಡಿದ್ದ ಸಾಬೀರ್‌ ಅಹಮದ್‌ ಆ ನಂತರ ದ್ವಿಚಕ್ರ ವಾಹನದಲ್ಲಿಅಪಹರಿಸಿಕೊಂಡು ವುಡ್ಡೀಸ್‌ ಹೋಟೆಲ್‌ಗೆ ತೆರಳಿದ್ದ.

ಅಲ್ಲಿಸ್ನೇಹಿತ ಇಂತಿಯಾಜ್‌ಪಾಷ ಜತೆ ಸೇರಿ ಮತ್ತು ಬರುವ ಔಷಧಿಯನ್ನು ಯುವತಿಗೆ ನೀಡಿ ಅತ್ಯಾಚಾರವೆಸಗಿದ್ದರು. ಈ ಸಂಬಂಧ ಗಲ್‌ಪೇಟೆ ಪೊಲೀಸ್‌ ಠಾಣೆಯಲ್ಲಿಯುವತಿ ಪೋಕ್ಸೋ ಕಾಯಿದೆಯಡಿ ದೂರು ನೀಡಿದ್ದಳು. ಪ್ರಕರಣದ ತನಿಖೆ ನಡೆಸಿ ಪೊಲೀಸರು ದೋಷಾರೋಪಣ ಪಟ್ಟಿಯನ್ನು ನ್ಯಾಯಾಲಯಕ್ಕೆ ಸಲ್ಲಿಸಿದ್ದರು.

ಆರೋಪ ಸಾಭಿತಾದ ಹಿನ್ನೆಲೆಯಲ್ಲಿಇಬ್ಬರು ಆರೋಪಿಗಳಿಗೆ ತಲಾ 20 ವರ್ಷ ಕಾರಾಗೃಹ ಶಿಕ್ಷೆ, 35 ಸಾವಿರ ದಂಡ ವಿಧಿಸಿ 1ನೆ ಜಿಲ್ಲಾಮತ್ತು ಸತ್ರ ನ್ಯಾಯಾಧೀಶರಾದ ಸಂತೋಷ್‌ ಗಜಾನನಭಟ್‌ ತೀರ್ಪು ನೀಡಿದ್ದಾರೆ. ಸಂತ್ರಸ್ತೆಯ ಪರವಾಗಿ ಸರಕಾರಿ ಅಭಿಯೋಜಕಿ ಸುಮತಿ ಶಾಂತಮೇರಿ ವಾದ ಮಂಡಿಸಿದ್ದರು.

ಮತ್ತೋರ್ವ ಅತ್ಯಾಚಾರಿಗೆ 10 ವರ್ಷ ಶಿಕ್ಷೆ: ಮತ್ತೊಂದು ಪ್ರಕರಣದಲ್ಲಿಅಪ್ರಾಪ್ತ ಬಾಲಕಿಯನ್ನು ಅಪಹರಿಸಿ, ಅತ್ಯಾಚಾರವೆಸಗಿದ್ದ ಆರೋಪಿಗೆ 2ನೇ ಜಿಲ್ಲಾಮತ್ತು ಸತ್ರ ನ್ಯಾಯಾಲಯವು 10 ವರ್ಷ ಕಾರಾಗೃಹ ಶಿಕ್ಷೆ, 20 ಸಾವಿರ ದಂಡ ವಿಧಿಸಿ ಆದೇಶ ಹೊರಡಿಸಿದೆ.

ಮುಳಬಾಗಿಲಿನ ಆರೋಪಿ ಅಲ್ತಾಫ್‌ ಶಿಕ್ಷೆಗೆ ಗುರಿಯಾದವನಾಗಿದ್ದಾನೆ. 2018ರ ಅ.26ರಂದು ಮುಳಬಾಗಿಲಿನ ಅಪ್ರಾಪ್ತ ಬಾಲಕಿಯನ್ನು ಅಪಹರಿಸಿ ಚಿಂತಾಮಣಿಯ ಮುರುಗಮಲ್ಲ, ಚಾಮರಾಜನಗರ, ಶಿವನಸಮುದ್ರ ಬಳಿಗೆ ಕರೆದುಕೊಂಡು ಹೋಗಿ ಅತ್ಯಾಚಾರವೆಸಗಿದ್ದನು.

ಈ ಸಂಬಂಧ ಮುಳಬಾಗಿಲು ಠಾಣೆಯಲ್ಲಿಪೋಕ್ಸೋ ಕಾಯಿದೆಯಡಿ ಪ್ರಕರಣ ದಾಖಲಾಗಿತ್ತು. ಅಂದಿನ ಸಿಪಿಐ ಮಾರ್ಕೊಂಡಯ್ಯ ತನಿಖೆ ನಡೆಸಿ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದರು. ಆರೋಪ ಸಾಭೀತಾದ ಹಿನ್ನೆಲೆಯಲ್ಲಿ2ನೇ ಜಿಲ್ಲಾಮತ್ತು ಸತ್ರ ನ್ಯಾಯಾಧೀಶರಾದ ಬಿ.ಎಸ್‌.ರೇಖಾ ಇಬ್ಬರಿಗೂ ತಲಾ 10 ವರ್ಷ ಕಾರಾಗೃಹ ಶಿಕ್ಷೆ, 20 ಸಾವಿರ ದಂಡ ವಿಧಿಸಿ ಆದೇಶ ಹೊರಡಿಸಿದ್ದಾರೆ. ಸರಕಾರದ ಪರ ವಿಶೇಷ ಸರಕಾರಿ ಅಭಿಯೋಜಕ ಎಸ್‌.ಮುನಿಸ್ವಾಮಿಗೌಡ ವಾದ ಮಂಡಿಸಿದ್ದಾರೆ.