ಎಸ್ಸೆಸ್ಸೆಲ್ಸಿ ಸಮಾಜ ವಿಜ್ಞಾನ ಪರೀಕ್ಷೆಗೆ 562 ಮಂದಿ ಗೈರುಹಾಜರಿ

ಕೋಲಾರ: ಜಿಲ್ಲಾದ್ಯಂತ 71 ಕೇಂದ್ರಗಳಲ್ಲಿ ಎಸ್ಸೆಸ್ಸೆಲ್ಸಿ ಸಮಾಜವಿಜ್ಞಾನ ಪರೀಕ್ಷೆ ನಡೆದಿದ್ದು, 19,637 ಮಂದಿ ಹಾಜರಾಗಿದ್ದು, 562 ಮಂದಿ ಗೈರುಹಾಜರಾಗಿದ್ದಾರೆ ಎಂದು ಪರೀಕ್ಷಾ ನೋಡಲ್‌ ಅಧಿಕಾರಿ ಎ.ಎನ್‌.ನಾಗೇಂದ್ರಪ್ರಸಾದ್‌ ತಿಳಿಸಿದ್ದಾರೆ.

ಪರೀಕ್ಷೆಗೆ ಹೆಸರು ನೊಂದಾಯಿಸಿದ್ದ 19,637 ಮಂದಿ ಪೈಕಿ 19,075 ಮಂದಿ ಹಾಜರಾಗಿದ್ದು, ಪರೀಕ್ಷೆ ಯಾವುದೇ ಗೊಂದಲಗಳಿಲ್ಲದೇ ಸುಗಮವಾಗಿ ನಡೆದಿದೆ.

ಬಂಗಾರಪೇಟೆ ತಾಲೂಕಿನಲ್ಲಿ 10 ಕೇಂದ್ರಗಳಲ್ಲಿ 2,982 ಮಂದಿ ನೋಂದಾಯಿಸಿದ್ದು, 2,903 ಮಂದಿ ಹಾಜರಾಗಿ 79 ಮಂದಿ ಗೈರುಹಾಜರಾಗಿದ್ದಾರೆ. ಕೆಜಿಎಫ್‌ ವಲಯದ 10 ಕ್ಷೇತ್ರಗಳಲ್ಲಿ 2,641 ಮಕ್ಕಳು ಹೆಸರು ನೋಂದಾಯಿಸಿದ್ದು, 2,604 ಮಂದಿ ಹಾಜರಾಗಿ 37 ಮಂದಿ ಗೈರುಹಾಜರಾಗಿದ್ದಾರೆ.

ಕೋಲಾರ ತಾಲೂಕಿನ 17 ಕೇಂದ್ರಗಳಲ್ಲಿ 5,451 ಮಂದಿ ಹೆಸರು ನೋಂದಾಯಿಸಿದ್ದು, 5,264 ಮಂದಿ ಹಾಜರಾಗಿ 187 ಮಂದಿ ಗೈರುಹಾಜರಾಗಿದ್ದಾರೆ. ಮಾಲೂರು ತಾಲೂಕಿನ 10 ಕೇಂದ್ರಗಳಲ್ಲಿ 2,897 ಮಂದಿ ಹೆಸರು ನೋಂದಾಯಿಸಿದ್ದು, 2793 ಮಂದಿ ಹಾಜರಾಗಿದ್ದು, 104 ಮಂದಿ ಗೈರುಹಾಜರಾಗಿದ್ದಾರೆ.

ಮುಳಬಾಗಲು ತಾಲೂಕಿನ 11 ಕೇಂದ್ರಗಳಲ್ಲಿ ಒಟ್ಟು 3,007 ಮಂದಿ ನೋಂದಾಯಿಸಿದ್ದು, 2,915 ಮಂದಿ ಹಾಜರಾಗಿದ್ದು, 92 ಮಂದಿ ಗೈರುಹಾಜರಾಗಿದ್ದಾರೆ. ಶ್ರೀನಿವಾಸಪುರ ತಾಲೂಕಿನ 13 ಕೇಂದ್ರಗಳಲ್ಲಿ ಒಟ್ಟು 2,659 ಮಂದಿ ಹೆಸರು ನೋಂದಾಯಿಸಿದ್ದು, 2,596 ಮಂದಿ ಹಾಜರಾಗಿದ್ದು, 63 ಮಂದಿ ಗೈರುಹಾಜರಾಗಿದ್ದಾರೆ ಎಂದು ಹೇಳಿದ್ದಾರೆ.