ಬಂಗಾರಪೇಟೆಗೆ ಬಂದ ಹುಲಿರಾಯ

ಬಂಗಾರಪೇಟೆ: ತಾಲೂಕಿನ ಬಿಇಎಂಎಲ್ ನಗರ ವ್ಯಾಪ್ತಿಯ ರೈಲು ನಿಲ್ದಾಣದ ಸಮೀಪ ಮಂಗಳವಾರ ಬೆಳಗ್ಗೆ ಹುಲಿ ಪ್ರತ್ಯಕ್ಷವಾಗಿದೆ.

ಕೆಜಿಎಫ್‌, ಬಂಗಾರಪೇಟೆ ನಡುವಿನ ರೈಲು ಹಳಿ ಬಳಿ ಕಂಡು ಬಂದಿರುವ ಹುಲಿ ಆಸುಪಾಸಿನ ಅರಣ್ಯ ಪ್ರದೇಶದಲ್ಲಿ ಸಂಚರಿಸುತ್ತಿದ್ದು, ಸದ್ಯ ಬೇಲಿಯಲ್ಲಿ ಅವಿತುಕೊಂಡಿದೆ.

ಕೃಷ್ಣಮೃಗಗಳು, ಜಿಂಕೆಗಳನ್ನಷ್ಟೇ ಕಂಡಿರುವ ಈ ಭಾಗದ ಜನತೆಗೆ ಹುಲಿ ಪ್ರತ್ಯಕ್ಷವಾಗಿರುವುದರಿಂದ ಆತಂಕ, ಭಯ ಶುರುವಾಗಿದೆ. ಅರಣ್ಯಾಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.