ವಾಚ್‌ಮನ್ ಮೇಲೆ ಹಲ್ಲೆ: ಹೋರಿಗಳ ಕಳ್ಳತನ

ಕೊಪ್ಪಳ ; ಇಲ್ಲಿನ ಅರಣ್ಯ ಇಲಾಖೆ ಕಚೇರಿ ಬಳಿಯ ಜಿತೇಂದ್ರ ತಾಲೇಡ್ ಅವರ ಡೈರಿ ಫಾರ್ಮ್‌ನಲ್ಲಿದ್ದ ವಾಚ್‌ಮನ್ ಮೇಲೆ ಹಲ್ಲೆ ಮಾಡಿದ ಉತ್ತರ ಪ್ರದೇಶ ಮೂಲದ ದರೋಡೆಕೋರರು, ಶನಿವಾರ ರಾತ್ರಿ ಎರಡು ಹೋರಿಗಳನ್ನು ಕದ್ದು ಪರಾರಿಯಾಗಿದ್ದಾರೆ.

ಹಲ್ಲೆಯಲ್ಲಿ ವಾಚಮನ್ ಗವಿಸಿದ್ದಯ್ಯ ಹಿರೇಮಠ (55) ತೀವ್ರ ಗಾಯಗೊಂಡಿದ್ದು, ಹುಬ್ಬಳ್ಳಿಯ ಕಿಮ್ಸ್‌ಗೆ ದಾಖಲಿಸಲಾಗಿದೆ. ಕದ್ದ ಹೋರಿಗಳನ್ನು ದರೋಡೆಕೋರರು ಲಾರಿಯಲ್ಲಿ ಸಾಗಿಸಿದ್ದಾರೆ ಎನ್ನಲಾಗಿದೆ. ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.