ಕಿರುಕುಳಕ್ಕೆ ಬೇಸತ್ತು ಗೃಹಿಣಿ ಆತ್ಮಹತ್ಯೆ

ಗಂಗಾವತಿ: ಪತಿಯ ಕಿರುಕುಳಕ್ಕೆ ಬೇಸತ್ತ ತಾಲೂಕಿನ ಶ್ರೀರಾಮನಗರ ಬಳಿಯ ಗುಂತಕಲ್‌ಕ್ಯಾಂಪ್‌ನ ಗೃಹಿಣಿಯೊಬ್ಬರು, ಬುಧವಾರ ನೇಣುಬಿಗಿದುಕೊಂಡು ಆತ್ಮಹತ್ಯೆಮಾಡಿಕೊಂಡಿದ್ದಾರೆ.

ಲಕ್ಷ್ಮಿ ತುಳಸಿ (21) ಮೃತರು. ಎರಡು ವರ್ಷಗಳ ಹಿಂದೆ ಹೊಸಪೇಟೆ ತಾಲೂಕಿನ ಸುಗ್ನಳ್ಳಿ ಕೊಟ್ಯಾಳ್ ನಿವಾಸಿ ನಾಗರಾಜ ಜತೆ ಲಕ್ಷ್ಮಿ ತುಳಸಿ ಮದುವೆಯಾಗಿದ್ದರು. ಪತಿಯ ಕಿರುಕುಳ ತಾಳದ ಅವರು, ಕೆಲವು ದಿನಗಳ ಹಿಂದೆಯಷ್ಟೇ ತವರು ಮನೆಗೆ ಬಂದಿದ್ದರು. ಮನೆಯಲ್ಲಿ ಯಾರೂ ಇಲ್ಲದ ಸಂದರ್ಭದಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಗೃಹಿಣಿಯ ಪಾಲಕರು ಗ್ರಾಮೀಣ ಠಾಣೆಗೆ ದೂರು ನೀಡಿದ್ದಾರೆ. ಈ ದೂರು ಆಧರಿಸಿ, ಪತಿ ನಾಗರಾಜ ಅವರನ್ನು ವಶಕ್ಕೆ ಪಡೆದ ಪೊಲೀಸರು, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.