ಸಾಲಬಾಧೆ: ರೈತ ಆತ್ಮಹತ್ಯೆ

ಕಾರಟಗಿ (ಕೊಪ್ಪಳ): ಸಾಲಬಾಧೆ ತಾಳದ, ಜಮಾಪುರ ಗ್ರಾಮದ ರೈತ ಅನ್ನದಾನಗೌಡ ಕಲ್ಮಂಗಿ (32), ಮೈಮೇಲೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಅನ್ನದಾನಗೌಡ ಸೇರಿ ಒಟ್ಟು ಮೂವರು ಸೋದರರ ಹೆಸರಿಗೆ 23ಎಕರೆ ಕಷಿ ಜಮೀನಿದೆ. ಅವರು ಕಷಿ ಚಟುವಟಿಕೆಗೆ ಗಂಗಾವತಿಯ ಎಡಿಬಿ ಬ್ಯಾಂಕಿನಲ್ಲಿ 12ಲಕ್ಷ ರೂ. ಹಾಗೂ ಐಸಿಐಸಿಐ ಬ್ಯಾಂಕಿನಲ್ಲಿ 11ಲಕ್ಷ ರೂ. ಸಾಲಮಾಡಿದ್ದಾರೆ. ಅಪಾರ ಪ್ರಮಾಣದ ಸಾಲದ ಹೊರೆಯಿಂದ ಚಿಂತೆಗೀಡಾಗಿದ್ದ ಅನ್ನದಾನಗೌಡ, ರವಿನಗರ-ಜಮಾಪುರ ಮಧ್ಯದ ಉಪನಾಲೆಯ ಮೇಲೆ ಶನಿವಾರ ತಡರಾತ್ರಿ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ದರು. ತೀವ್ರ ಗಾಯಗೊಂಡಿದ್ದ ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ಬಳ್ಳಾರಿಯ ವಿಮ್ಸ್‌ಗೆ ದಾಖಲಿಸಲಾಗಿತ್ತು. ಆದರೆ, ಅವರು ಚಿಕಿತ್ಸೆಗೆ ಸ್ಪಂದಿಸದೇ ಭಾನುವಾರ ರಾತ್ರಿ ಮತಪಟ್ಟರು.

ಅವರಿಗೆ ಪತ್ನಿ ಹಾಗೂ ಇಬ್ಬರು ಮಕ್ಕಳಿದ್ದಾರೆ. ಅವರ ತಂದೆ ಶರಣಪ್ಪ ಕಲ್ಮಂಗಿ ನೀಡಿದ ದೂರು ಆಧರಿಸಿ, ಸ್ಥಳೀಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.