ಮುದೇನೂರು; ಸಮೀಪದ ನಾರಿನಾಳ ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಮೂಲ ಸೌಲಭ್ಯ ಇಲ್ಲವಾಗಿದ್ದು, ಶಿಕ್ಷಣ ಇಲಾಖೆ ಅಧಿಕಾರಿಗಳು ಸಮಸ್ಯೆ ಅರಿತು ಸೌಲಭ್ಯ ಕಲ್ಪಿಸಲು ಮುಂದಾಗಬೇಕು ಎಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.
ಶಾಲೆಯು ಕಿಲಾರಹಟ್ಟಿ ಸಿಆರ್ಸಿ ವ್ಯಾಪ್ತಿಗೆ ಒಳಪಡುತ್ತದೆ. 1 ರಿಂದ 7 ನೇ ತರಗತಿವರೆಗೆ ಶಾಲೆ ಇದ್ದು, 170 ವಿದ್ಯಾರ್ಥಿಗಳು ಇದ್ದಾರೆ. ಗ್ರಾಮದ ಹೊರವಲಯದಲ್ಲಿ ಶಾಲೆ ನಿರ್ಮಿಸಲಾಗಿದ್ದು, ಆದರೆ, ವಿದ್ಯಾರ್ಥಿಗಳಿಗೆ ಕುಡಿವ ನೀರಿನ ಸವಲತ್ತು ಹಾಗೂ ಆಟ ವಾಡಲು ಮೈದಾನವಿಲ್ಲ. ಶಾಲೆಯಲ್ಲಿ ಕುಡಿವ ನೀರಿನ ವ್ಯವಸ್ಥೆ ಇಲ್ಲದ ಕಾರಣ ವಿದ್ಯಾರ್ಥಿಗಳು ಪರಿತಪಿಸುತ್ತಿದ್ದಾರೆ. ಬಿಸಿಯೂಟದ ನಂತರ ಕುಡಿವ ನೀರಿಗಾಗಿ ಮನೆಗೆ ತೆರಳುತ್ತಾರೆ.
ವಿದ್ಯಾರ್ಥಿಗಳಿಗೆ ಬಿಸಿಯೂಟ ಮಾಡಲು ಕಳೆದ 6 ತಿಂಗಳಿಂದ ಸಿಲಿಂಡರ್ ಪೂರೈಕೆ ಮಾಡಿಲ್ಲ. ಸಿಬ್ಬಂದಿ ಕಟ್ಟಿಗೆ ಮೇಲೆಯೇ ಅಡುಗೆ ಮಾಡುತ್ತಿದ್ದಾರೆ. ಅಡುಗೆ ಮಾಡಲು ಬಿಸಿಯೂಟದ ಕೋಣೆ ಇಲ್ಲದ ಕಾರಣ ಸಿಬ್ಬಂದಿ ಶಾಲೆಯ ಮೂಲೆಯ ಬದಿ ಅಡುಗೆ ಮಾಡುತ್ತಿದ್ದಾರೆ. ಬಿಸಿಯೂಟ ಅಡುಗೆಗೆ ಸಿಲಿಂಡರ್ ಪೂರೈಸಿ ಎಂದು ಶಾಲೆಯ ಮುಖ್ಯ ಗುರುಗಳು, ತಾಲೂಕು ಅಧಿಕಾರಿಗಳಿಗೆ ತಿಳಿಸಿದರೂ ಪ್ರಯೋಜನವಿಲ್ಲದಂತಾಗಿದೆ ಎಂದು ಶಿಕ್ಷಕ ಮಾಧವರಾವ್ ಆರೋಪಿಸಿದ್ದಾರೆ.
ಸಿಆರ್ಪಿ ಸಂಗಪ್ಪ ಬೆಲ್ಲದ್ ಪ್ರತಿಕ್ರಿಯಿಸಿ, ಶಾಲೆಯಲ್ಲಿ ಸಿಲಿಂಡರ್ ಇಲ್ಲದಿರುವುದು ಗಮನಕ್ಕೆ ಬಂದಿದೆ. ಆದರೆ, ಮೊದಲಿನ ಗ್ಯಾಸ್ ವಿತರಕರ ಬದಲಾವಣೆಯಿಂದ ಸಿಲಿಂಡರ್ಗಳ ಪೂರೈಕೆ ಸ್ಥಗಿತವಾಗಿದೆ. ಇದನ್ನು ಸರಿಪಡಿಸುವಂತೆ ಬಿಸಿಯೂಟದ ಅಧಿಕಾರಿಗಳಿಗೆ ಹಾಗೂ ಮೇಲಧಿಕಾರಿಗಳಿಗೆ ತಿಳಿಸಲಾಗುವುದು ಎಂದರು.
---
ಶಾಲೆಯು ಕಿಲಾರಹಟ್ಟಿ ಸಿಆರ್ಸಿ ವ್ಯಾಪ್ತಿಗೆ ಒಳಪಡುತ್ತದೆ. 1 ರಿಂದ 7 ನೇ ತರಗತಿವರೆಗೆ ಶಾಲೆ ಇದ್ದು, 170 ವಿದ್ಯಾರ್ಥಿಗಳು ಇದ್ದಾರೆ. ಗ್ರಾಮದ ಹೊರವಲಯದಲ್ಲಿ ಶಾಲೆ ನಿರ್ಮಿಸಲಾಗಿದ್ದು, ಆದರೆ, ವಿದ್ಯಾರ್ಥಿಗಳಿಗೆ ಕುಡಿವ ನೀರಿನ ಸವಲತ್ತು ಹಾಗೂ ಆಟ ವಾಡಲು ಮೈದಾನವಿಲ್ಲ. ಶಾಲೆಯಲ್ಲಿ ಕುಡಿವ ನೀರಿನ ವ್ಯವಸ್ಥೆ ಇಲ್ಲದ ಕಾರಣ ವಿದ್ಯಾರ್ಥಿಗಳು ಪರಿತಪಿಸುತ್ತಿದ್ದಾರೆ. ಬಿಸಿಯೂಟದ ನಂತರ ಕುಡಿವ ನೀರಿಗಾಗಿ ಮನೆಗೆ ತೆರಳುತ್ತಾರೆ.
ವಿದ್ಯಾರ್ಥಿಗಳಿಗೆ ಬಿಸಿಯೂಟ ಮಾಡಲು ಕಳೆದ 6 ತಿಂಗಳಿಂದ ಸಿಲಿಂಡರ್ ಪೂರೈಕೆ ಮಾಡಿಲ್ಲ. ಸಿಬ್ಬಂದಿ ಕಟ್ಟಿಗೆ ಮೇಲೆಯೇ ಅಡುಗೆ ಮಾಡುತ್ತಿದ್ದಾರೆ. ಅಡುಗೆ ಮಾಡಲು ಬಿಸಿಯೂಟದ ಕೋಣೆ ಇಲ್ಲದ ಕಾರಣ ಸಿಬ್ಬಂದಿ ಶಾಲೆಯ ಮೂಲೆಯ ಬದಿ ಅಡುಗೆ ಮಾಡುತ್ತಿದ್ದಾರೆ. ಬಿಸಿಯೂಟ ಅಡುಗೆಗೆ ಸಿಲಿಂಡರ್ ಪೂರೈಸಿ ಎಂದು ಶಾಲೆಯ ಮುಖ್ಯ ಗುರುಗಳು, ತಾಲೂಕು ಅಧಿಕಾರಿಗಳಿಗೆ ತಿಳಿಸಿದರೂ ಪ್ರಯೋಜನವಿಲ್ಲದಂತಾಗಿದೆ ಎಂದು ಶಿಕ್ಷಕ ಮಾಧವರಾವ್ ಆರೋಪಿಸಿದ್ದಾರೆ.
ಸಿಆರ್ಪಿ ಸಂಗಪ್ಪ ಬೆಲ್ಲದ್ ಪ್ರತಿಕ್ರಿಯಿಸಿ, ಶಾಲೆಯಲ್ಲಿ ಸಿಲಿಂಡರ್ ಇಲ್ಲದಿರುವುದು ಗಮನಕ್ಕೆ ಬಂದಿದೆ. ಆದರೆ, ಮೊದಲಿನ ಗ್ಯಾಸ್ ವಿತರಕರ ಬದಲಾವಣೆಯಿಂದ ಸಿಲಿಂಡರ್ಗಳ ಪೂರೈಕೆ ಸ್ಥಗಿತವಾಗಿದೆ. ಇದನ್ನು ಸರಿಪಡಿಸುವಂತೆ ಬಿಸಿಯೂಟದ ಅಧಿಕಾರಿಗಳಿಗೆ ಹಾಗೂ ಮೇಲಧಿಕಾರಿಗಳಿಗೆ ತಿಳಿಸಲಾಗುವುದು ಎಂದರು.
---