ಕೊಪ್ಪಳ: ರಾಮ ಭಕ್ತ ಹನುಮ ಜನ್ಮ ಸ್ಥಳ ಈಗ ವಿಶ್ವ ವಿಖ್ಯಾತಿ ಹೊಂದಲಿದೆ. ಇದೇ ಸಂದರ್ಭದಲ್ಲಿ ಹನುಮನ ಸ್ಥಳದ ಅಭಿವೃದ್ದಿ ವಿಚಾರವನ್ನೇ ಇಟ್ಟುಕೊಂಡು ರಾಜಕೀಯ ಆರಂಭವಾಗಿದೆ. ಅಂಜನಾದ್ರಿ ಅಭಿವೃದ್ದಿಗೆ ರಾಜ್ಯ ಬಿಜೆಪಿ ಸರ್ಕಾರ 100 ಕೋಟಿ ರೂಪಾಯಿ ಘೋಷಣೆ ಮಾಡಿದೆ. ಇನ್ನೊಂದೆಡೆ ಕಾಂಗ್ರೆಸ್ ಸಹ ರಾಷ್ಟ್ರೀಯ ನಾಯಕರಾದ ಪ್ರಿಯಾಂಕಾ ಗಾಂಧಿ ಹಾಗೂ ರಾಹುಲ್ ಗಾಂಧಿ ಅವರನ್ನು ಅಂಜನಾದ್ರಿಗೆ ಕರೆಸಲು ಸಜ್ಜಾಗಿದೆ..!
ರಾಜ್ಯ ಬಿಜೆಪಿ ಸರಕಾರ ಅಂಜನಾದ್ರಿಯನ್ನು ಅಯೋಧ್ಯೆ ಮಾದರಿಯಲ್ಲಿ ಅಭಿವೃದ್ದಿ ಮಾಡುತ್ತೇವೆ ಎಂದು ಹೇಳಿದೆ. ಅಯೋಧ್ಯೆಯ ನಂತರ ಹಿಂದೂಗಳ ಪವಿತ್ರ ಸ್ಥಳವೆಂದು ಖ್ಯಾತಿ ಹೊಂದಿರುವ ಅಂಜನಾದ್ರಿಯನ್ನು ಅಭಿವೃದ್ದಿ ಮಾಡಲಾಗುವುದು ಎಂದು ಸರ್ಕಾರ ಹೇಳಿದೆ. ಈ ಹಿಂದೆ ಯಡಿಯೂರಪ್ಪ ಸರಕಾರದ ಬಜೆಟ್‌ನಲ್ಲಿ ಅಂಜನಾದ್ರಿಗೆ 20 ಕೋಟಿ ರೂಪಾಯಿ, ಬೊಮ್ಮಾಯಿ ಸರಕಾರದಲ್ಲಿ 100 ಕೋಟಿ ರೂಪಾಯಿ ಯೋಜನೆ ಘೋಷಣೆಯಾಗಿದೆ. ಇದರೊಂದಿಗೆ ಸ್ವದೇಶಿ ದರ್ಶನ ಯೋಜನೆಯಲ್ಲಿ 100 ಕೋಟಿ ರೂಪಾಯಿ ಹಾಗು ರಾಮಾ ಸರ್ಕ್ಯೂಟ್‌ ಯೋಜನೆ ಅಡಿಯಲ್ಲೂ ಅನುದಾನ ನೀಡಲು ಮುಂದಾಗಿದೆ.
ಈ ಮೊದಲು ಅಷ್ಟಾಗಿ ಪ್ರಚಾರವಿಲ್ಲದ ಅಂಜನಾದ್ರಿಗೆ ನಿತ್ಯ ಈಗ ಸಾವಿರಾರು ಜನರು ಬರುತ್ತಿದ್ದಾರೆ. ರಾಜಕೀಯ ವಲಯದಲ್ಲಿಯೂ ಅಂಜನಾದ್ರಿ ಕುರಿತು ಚರ್ಚೆ ನಡೆಯುತ್ತಿದೆ. ಅಂಜನಾದ್ರಿಯ ಅಭಿವೃದ್ದಿಗಾಗಿ ಇತ್ತೀಚಿಗೆ ಸಿಎಂ ಸಭೆ ನಡೆಸಿ ಎರಡು ತಿಂಗಳಲ್ಲಿ ಅಂಜನಾದ್ರಿಯ ಅಭಿವೃದ್ದಿ ಕೆಲಸಕ್ಕೆ ಚಾಲನೆ ಸಿಗಲಿದೆ ಎಂದು ಹೇಳಿದ್ದರು. ಆದರೆ ಈಗಿನ ಸರಕಾರದ ಅವಧಿಯಲ್ಲಿ ಅಂಜನಾದ್ರಿ ಅಭಿವೃದ್ದಿ ಆಗುವುದಿಲ್ಲ. ಇದು ಕೇವಲ ಕಣ್ಣೊರೆಸುವ ತಂತ್ರ ಎನ್ನುತ್ತಿರುವ ಕಾಂಗ್ರೆಸ್ ನಾಯಕರು, ಅಂಜನಾದ್ರಿಯನ್ನು ಬಿಜೆಪಿಯವರು ಹೈಜಾಕ್ ಮಾಡ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.
ಕಳೆದ ವರ್ಷ ಘೋಷಣೆ ಮಾಡಿದ 20 ಕೋಟಿ ರೂಪಾಯಿಯೇ ಈವರೆಗೂ ಖರ್ಚಾಗಿಲ್ಲ. ಪರಿಸ್ಥಿತಿ ಹೀಗಿರುವಾಗ ಚುನಾವಣೆ ಸಂದರ್ಭದಲ್ಲಿ ಮಾತ್ರ ಅಭಿವೃದ್ಧಿ ಕಾರ್ಯಗಳಿಗೆ ಚಾಲನೆ ನೀಡುತ್ತಾರೆ. ಹೀಗಾಗಿ, ಬಿಜೆಪಿಯವರು ಅಂಜನಾದ್ರಿಯನ್ನು ಅಭಿವೃದ್ದಿ ಮಾಡೋದಿಲ್ಲ ಎಂದು ಮಾಜಿ ಸಚಿವ, ಕೊಪ್ಪಳ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಶಿವರಾಜ ತಂಗಡಗಿ ಹೇಳಿದ್ದಾರೆ.
ಡಿಸೆಂಬರ್ ತಿಂಗಳೊಳಗಾಗಿ ಅಂಜನಾದ್ರಿಗೆ ಕಾಂಗ್ರೆಸ್ ರಾಷ್ಟ್ರೀಯ ನಾಯಕರಾದ ಪ್ರಿಯಾಂಕಾ ಗಾಂಧಿ, ರಾಹುಲ್ ಗಾಂಧಿ ಹಾಗೂ ರಾಜ್ಯದ ಕಾಂಗ್ರೆಸ್ ಮುಖಂಡರು ಭೇಟಿ ಕೊಡಲಿದ್ದಾರೆ ಎಂದಿರುವ ಕೊಪ್ಪಳ ಜಿಲ್ಲಾ ಕಾಂಗ್ರೆಸ್ ನಾಯಕರು, ಹನುಮ ಮಾಲಾ ಸಂದರ್ಭದಲ್ಲಿ ನಮ್ಮ ಮುಖಂಡರು ಅಂಜನಾದ್ರಿಗೆ ಭೇಟಿ ಕೊಡಲಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ. ಮುಂದೆ ಕಾಂಗ್ರೆಸ್ ಪಕ್ಷ ಸರ್ಕಾರ ರಚಿಸಿದರೆ ಅಂಜನಾದ್ರಿಗೆ 500 ಕೋಟಿ ರೂಪಾಯಿ ಬಿಡುಗಡೆ ಮಾಡಲಾಗುವುದು ಎಂದೂ ಕಾಂಗ್ರೆಸ್ ನಾಯಕರು ಭರವಸೆ ನೀಡಿದ್ದಾರೆ.
ಇದಕ್ಕೆ ಪ್ರತಿಕ್ರಿಯಿಸಿ ಜಿಲ್ಲಾ ಬಿಜೆಪಿ ಅಧ್ಯಕ್ಷರೂ ಆಗಿರುವ ಮಾಜಿ ಶಾಸಕ ದೊಡ್ಡನಗೌಡ ಪಾಟೀಲ, ನಾವು ಕಣ್ಣೊರೆಸುವ ತಂತ್ರ ಮಾಡ್ತಿಲ್ಲ ಎಂದಿದ್ದಾರೆ. ಈ ಯೋಜನೆ ಘೋಷಣೆ ಮಾಡಿದ್ದು ನಾವು.. ಅಭಿವೃದ್ಧಿ ಕಾರ್ಯವನ್ನೂ ನಾವೇ ಮಾಡ್ತೀವಿ ಎಂದು ಹೇಳಿದ್ದಾರೆ.
ಒಟ್ಟಿನಲ್ಲಿ 2023 ರ ಚುನಾವಣೆಗೂ ಮುನ್ನ ಹನುಮನ ಜನ್ಮ ಸ್ಥಳವು ರಾಜಕೀಯ ದಾಳವಾಗುವುದು ಸ್ಪಷ್ಟವಾಗುತ್ತಿದೆ. ರಾಜಕೀಯ ಹೊರತು ಪಡಿಸಿ ಪೌರಾಣಿಕ ಹಿನ್ನೆಲೆಯ ಹನುಮನ ಸ್ಥಳ ಅಭಿವೃದ್ದಿ ಹೊಂದಲಿ ಎಂದು ಜನತೆ ಆಶಿಸಿದ್ದಾರೆ.
ರಾಜ್ಯ ಬಿಜೆಪಿ ಸರಕಾರ ಅಂಜನಾದ್ರಿಯನ್ನು ಅಯೋಧ್ಯೆ ಮಾದರಿಯಲ್ಲಿ ಅಭಿವೃದ್ದಿ ಮಾಡುತ್ತೇವೆ ಎಂದು ಹೇಳಿದೆ. ಅಯೋಧ್ಯೆಯ ನಂತರ ಹಿಂದೂಗಳ ಪವಿತ್ರ ಸ್ಥಳವೆಂದು ಖ್ಯಾತಿ ಹೊಂದಿರುವ ಅಂಜನಾದ್ರಿಯನ್ನು ಅಭಿವೃದ್ದಿ ಮಾಡಲಾಗುವುದು ಎಂದು ಸರ್ಕಾರ ಹೇಳಿದೆ. ಈ ಹಿಂದೆ ಯಡಿಯೂರಪ್ಪ ಸರಕಾರದ ಬಜೆಟ್‌ನಲ್ಲಿ ಅಂಜನಾದ್ರಿಗೆ 20 ಕೋಟಿ ರೂಪಾಯಿ, ಬೊಮ್ಮಾಯಿ ಸರಕಾರದಲ್ಲಿ 100 ಕೋಟಿ ರೂಪಾಯಿ ಯೋಜನೆ ಘೋಷಣೆಯಾಗಿದೆ. ಇದರೊಂದಿಗೆ ಸ್ವದೇಶಿ ದರ್ಶನ ಯೋಜನೆಯಲ್ಲಿ 100 ಕೋಟಿ ರೂಪಾಯಿ ಹಾಗು ರಾಮಾ ಸರ್ಕ್ಯೂಟ್‌ ಯೋಜನೆ ಅಡಿಯಲ್ಲೂ ಅನುದಾನ ನೀಡಲು ಮುಂದಾಗಿದೆ.
ಈ ಮೊದಲು ಅಷ್ಟಾಗಿ ಪ್ರಚಾರವಿಲ್ಲದ ಅಂಜನಾದ್ರಿಗೆ ನಿತ್ಯ ಈಗ ಸಾವಿರಾರು ಜನರು ಬರುತ್ತಿದ್ದಾರೆ. ರಾಜಕೀಯ ವಲಯದಲ್ಲಿಯೂ ಅಂಜನಾದ್ರಿ ಕುರಿತು ಚರ್ಚೆ ನಡೆಯುತ್ತಿದೆ. ಅಂಜನಾದ್ರಿಯ ಅಭಿವೃದ್ದಿಗಾಗಿ ಇತ್ತೀಚಿಗೆ ಸಿಎಂ ಸಭೆ ನಡೆಸಿ ಎರಡು ತಿಂಗಳಲ್ಲಿ ಅಂಜನಾದ್ರಿಯ ಅಭಿವೃದ್ದಿ ಕೆಲಸಕ್ಕೆ ಚಾಲನೆ ಸಿಗಲಿದೆ ಎಂದು ಹೇಳಿದ್ದರು. ಆದರೆ ಈಗಿನ ಸರಕಾರದ ಅವಧಿಯಲ್ಲಿ ಅಂಜನಾದ್ರಿ ಅಭಿವೃದ್ದಿ ಆಗುವುದಿಲ್ಲ. ಇದು ಕೇವಲ ಕಣ್ಣೊರೆಸುವ ತಂತ್ರ ಎನ್ನುತ್ತಿರುವ ಕಾಂಗ್ರೆಸ್ ನಾಯಕರು, ಅಂಜನಾದ್ರಿಯನ್ನು ಬಿಜೆಪಿಯವರು ಹೈಜಾಕ್ ಮಾಡ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.
ಕಳೆದ ವರ್ಷ ಘೋಷಣೆ ಮಾಡಿದ 20 ಕೋಟಿ ರೂಪಾಯಿಯೇ ಈವರೆಗೂ ಖರ್ಚಾಗಿಲ್ಲ. ಪರಿಸ್ಥಿತಿ ಹೀಗಿರುವಾಗ ಚುನಾವಣೆ ಸಂದರ್ಭದಲ್ಲಿ ಮಾತ್ರ ಅಭಿವೃದ್ಧಿ ಕಾರ್ಯಗಳಿಗೆ ಚಾಲನೆ ನೀಡುತ್ತಾರೆ. ಹೀಗಾಗಿ, ಬಿಜೆಪಿಯವರು ಅಂಜನಾದ್ರಿಯನ್ನು ಅಭಿವೃದ್ದಿ ಮಾಡೋದಿಲ್ಲ ಎಂದು ಮಾಜಿ ಸಚಿವ, ಕೊಪ್ಪಳ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಶಿವರಾಜ ತಂಗಡಗಿ ಹೇಳಿದ್ದಾರೆ.
ಡಿಸೆಂಬರ್ ತಿಂಗಳೊಳಗಾಗಿ ಅಂಜನಾದ್ರಿಗೆ ಕಾಂಗ್ರೆಸ್ ರಾಷ್ಟ್ರೀಯ ನಾಯಕರಾದ ಪ್ರಿಯಾಂಕಾ ಗಾಂಧಿ, ರಾಹುಲ್ ಗಾಂಧಿ ಹಾಗೂ ರಾಜ್ಯದ ಕಾಂಗ್ರೆಸ್ ಮುಖಂಡರು ಭೇಟಿ ಕೊಡಲಿದ್ದಾರೆ ಎಂದಿರುವ ಕೊಪ್ಪಳ ಜಿಲ್ಲಾ ಕಾಂಗ್ರೆಸ್ ನಾಯಕರು, ಹನುಮ ಮಾಲಾ ಸಂದರ್ಭದಲ್ಲಿ ನಮ್ಮ ಮುಖಂಡರು ಅಂಜನಾದ್ರಿಗೆ ಭೇಟಿ ಕೊಡಲಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ. ಮುಂದೆ ಕಾಂಗ್ರೆಸ್ ಪಕ್ಷ ಸರ್ಕಾರ ರಚಿಸಿದರೆ ಅಂಜನಾದ್ರಿಗೆ 500 ಕೋಟಿ ರೂಪಾಯಿ ಬಿಡುಗಡೆ ಮಾಡಲಾಗುವುದು ಎಂದೂ ಕಾಂಗ್ರೆಸ್ ನಾಯಕರು ಭರವಸೆ ನೀಡಿದ್ದಾರೆ.
ಇದಕ್ಕೆ ಪ್ರತಿಕ್ರಿಯಿಸಿ ಜಿಲ್ಲಾ ಬಿಜೆಪಿ ಅಧ್ಯಕ್ಷರೂ ಆಗಿರುವ ಮಾಜಿ ಶಾಸಕ ದೊಡ್ಡನಗೌಡ ಪಾಟೀಲ, ನಾವು ಕಣ್ಣೊರೆಸುವ ತಂತ್ರ ಮಾಡ್ತಿಲ್ಲ ಎಂದಿದ್ದಾರೆ. ಈ ಯೋಜನೆ ಘೋಷಣೆ ಮಾಡಿದ್ದು ನಾವು.. ಅಭಿವೃದ್ಧಿ ಕಾರ್ಯವನ್ನೂ ನಾವೇ ಮಾಡ್ತೀವಿ ಎಂದು ಹೇಳಿದ್ದಾರೆ.
ಒಟ್ಟಿನಲ್ಲಿ 2023 ರ ಚುನಾವಣೆಗೂ ಮುನ್ನ ಹನುಮನ ಜನ್ಮ ಸ್ಥಳವು ರಾಜಕೀಯ ದಾಳವಾಗುವುದು ಸ್ಪಷ್ಟವಾಗುತ್ತಿದೆ. ರಾಜಕೀಯ ಹೊರತು ಪಡಿಸಿ ಪೌರಾಣಿಕ ಹಿನ್ನೆಲೆಯ ಹನುಮನ ಸ್ಥಳ ಅಭಿವೃದ್ದಿ ಹೊಂದಲಿ ಎಂದು ಜನತೆ ಆಶಿಸಿದ್ದಾರೆ.