ಬಿಸಿ ಸಾಂಬಾರಲ್ಲಿ ಬಿದ್ದು ಬಾಲಕ ಸಾವು

ಕೊಪ್ಪಳ: ತಾಲೂಕಿನ ಹುಲಿಗಿ ಗ್ರಾಮದಲ್ಲಿ ಬಾಲಕನೊಬ್ಬ ಬಿಸಿ ಸಾಂಬಾರಲ್ಲಿ ಬಿದ್ದು ಸಾವನ್ನಪ್ಪಿದ ಘಟನೆ ಮಂಗಳವಾರ ನಡೆದಿದೆ.

ಆಂಧ್ರ ಪ್ರದೇಶದ ಕರ್ನೂಲ್ ಜಿಲ್ಲೆಯ ಹೊಳೆಗುಂದಿ ಗ್ರಾಮದ ರಾಜು ಮಂಜುನಾಥ (3)ಮೃತ ಬಾಲಕ.

ಕುಟುಂಬ ಸದಸ್ಯರ ಸಮೇತರಾಗಿ ಹುಲಿಗಿ ಗ್ರಾಮಕ್ಕೆ ಶ್ರೀ ಹುಲಿಗೆಮ್ಮ ದೇವಿ ದರ್ಶನಕ್ಕೆ ಆಗಮಿಸಿದ್ದರು.

ದೇವಾಲಯದ ಹೊರ ಭಾಗದಲ್ಲಿ ಅಡುಗೆ ತಯಾರಿಸುತ್ತಿದ್ದು, ಆ ಸಂದರ್ಭದಲ್ಲಿ ಬಾಲಕ ಆಡುತ್ತ ಹೋಗಿ ಕುದಿಯುತ್ತಿರುವ ಬಿಸಿ ಸಾಂಬಾರಲ್ಲಿ ಬಿದ್ದಿದ್ದಾನೆ.

ತೀವ್ರ ಗಾಯಗೊಂಡ ಬಾಲನನ್ನು ತಕ್ಷಣ ಹೊಸಪೇಟೆಯ ಸರಕಾರಿ ಆಸ್ಪತ್ರೆಗೆ ದಾಖಲಿಸಲು ತೆರಳುವ ವೇಳೆಯಲ್ಲಿ ಸಾವನ್ನಪ್ಪಿದ್ದಾನೆ ಎಂದು ಮೂಲ ತಿಳಿಸಿವೆ. ಈ ಕುರಿತು ತನಿಖೆ ನಡೆಯುತ್ತಿದ್ದು, ಮುನಿರಾಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.