ಗಂಗಾಧರ ಬಂಡಿಹಾಳ, ಕೊಪ್ಪಳ : ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಅಧೀನದ ಸರಕಾರಿ ಆಸ್ಪತ್ರೆಗಳಲ್ಲಿ ಕ್ಲಿನಿಕಲ್ ಸೌಲಭ್ಯದ ಶುಲ್ಕವನ್ನು ಶೇ.50ರಷ್ಟು ಹೆಚ್ಚಿಸಿದ್ದು, ಖಾಸಗಿ ಸಂಸ್ಥೆಯ ವಿದ್ಯಾರ್ಥಿಗಳು ಇನ್ಮುಂದೆ ಹೆಚ್ಚಿನ ಆರ್ಥಿಕ ಹೊರೆ ಹೊರುವುದು ಅನಿವಾರ್ಯವಾಗಿದೆ.
ಏಳು ವರ್ಷಗಳ ಬಳಿಕ ಈ ಶುಲ್ಕವನ್ನು ಪರಿಷ್ಕರಿಸಲಾಗಿದೆ. ಸರಕಾರಿ ಆಸ್ಪತ್ರೆಗಳಲ್ಲಿ ಕ್ಲಿನಿಕಲ್ ಸೌಲಭ್ಯ ಪಡೆಯುವ ಖಾಸಗಿ ನರ್ಸಿಂಗ್ ಮತ್ತು ಫಾರ್ಮಸಿ ಸಂಸ್ಥೆಗಳ ವಿದ್ಯಾರ್ಥಿಗಳಿಗೆ ಸರಕಾರಿ ಆಸ್ಪತ್ರೆಗಳಲ್ಲಿ ಒದಗಿಸುವ ಕ್ಲಿನಿಕಲ್ ಸೌಲಭ್ಯಗಳಿಗೆ ವಾರ್ಷಿಕ ಶುಲ್ಕ ನಿಗದಿಪಡಿಸಲಾಗಿದೆ. ಹಿಂದಿನ ಶುಲ್ಕದಂತೆ ಎಂಎಸ್ಸಿ ನರ್ಸಿಂಗ್ ವಿದ್ಯಾರ್ಥಿ 10 ಸಾವಿರ ರೂ., ಬೇಸಿಕ್ ಬಿಎಸ್ಸಿ ನರ್ಸಿಂಗ್ ಮತ್ತು ಪಿಬಿಬಿಎಸ್ಸಿ ನರ್ಸಿಂಗ್ 6 ಸಾವಿರ ರೂ., ಡಿಪ್ಲೊಮಾ ಇನ್ ನರ್ಸಿಂಗ್ 3 ಸಾವಿರ ರೂ., ಡಿ ಫಾರ್ಮ್ ಪದವಿ 10 ಸಾವಿರ ರೂ., ಎಂಫಾರ್ಮ್ ಪದವಿ 10 ಸಾವಿರ ರೂ., ಬಿ ಫಾರ್ಮ್ ಪದವಿ 6 ಸಾವಿರ ರೂ., ಡಿ ಫಾರ್ಮ್ ಕೋರ್ಸ್ 3 ಸಾವಿರ ರೂ., ಎಂಬಿಬಿಎಸ್ 18 ಸಾವಿರ ರೂ., ಎಲ್ಲ ಸೂಪರ್ ಸ್ಪೆಷಾಲಿಟಿ ಕೋರ್ಸ್ ವಿದ್ಯಾರ್ಥಿ 1.20ಲಕ್ಷ ರೂ. ಭರಿಸಬೇಕಿತ್ತು. 2011ರಿಂದ ಇಲ್ಲಿಯವರೆಗೆ ಈ ಶುಲ್ಕ ಪದ್ಧತಿ ಜಾರಿಯಲ್ಲಿತ್ತು. ಪರಿಷ್ಕೃತ ದರ ಪ್ರಸಕ್ತ ಶೈಕ್ಷಣಿಕ ವರ್ಷದಿಂದಲೇ ಜಾರಿಗೆ ಬರಲಿದೆ.
ಹೆಚ್ಚಿದ ನಿರ್ವಹಣಾ ವೆಚ್ಚ: ಸರಕಾರಿ ಆಸ್ಪತ್ರೆಗಳ ಕಾರ್ಯಾಚರಣೆ ಮತ್ತು ನಿರ್ವಹಣಾ ವೆಚ್ಚಗಳು ಗಮನಾರ್ಹವಾಗಿ ಹೆಚ್ಚಿದ್ದನ್ನು ಪರಿಗಣಿಸಿದ ಇಲಾಖೆ ಶುಲ್ಕ ಪರಿಷ್ಕರಿಸಿ ಆದೇಶಿಸಿದೆ. ಖಾಸಗಿ ಸಂಸ್ಥೆಗಳು ಇನ್ಮುಂದೆ ತಮ್ಮ ವಿದ್ಯಾರ್ಥಿಗಳಿಗೆ ಸರಕಾರಿ ಆಸ್ಪತ್ರೆಗಳಲ್ಲಿ ಕ್ಲಿನಿಕಲ್ ಸೌಲಭ್ಯ ಪಡೆಯಲು ಹೆಚ್ಚುವರಿ ವೆಚ್ಚ ಭರಿಸುವುದು ಅನಿವಾರ್ಯವಾಗಿದೆ. ತೆರಿಗೆಯೇತರ ಆದಾಯದ ದರ ಪರಿಷ್ಕರಿಸುವಂತೆ ಆರ್ಥಿಕ ಇಲಾಖೆ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಗೆ ಇತ್ತೀಚೆಗೆ ಸಲಹೆ ನೀಡಿತ್ತು. ಆಡಳಿತಾತ್ಮಕ ಹಿತದೃಷ್ಟಿಯಿಂದ ಕ್ಲಿನಿಕಲ್ ಶುಲ್ಕದ ದರವನ್ನು ಶೇ.50 ರಷ್ಟು ಹೆಚ್ಚಿಸಲು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ನಿರ್ಧರಿಸಿದೆ.
ಈ ಸಂಸ್ಥೆಗಳಿಗೆ ಅನ್ವಯ : ಸರಕಾರಿ ಆಸ್ಪತ್ರೆಯ ಮುಖ್ಯಸ್ಥರು ಖಾಸಗಿ ಶಿಕ್ಷಣ ಸಂಸ್ಥೆಯಿಂದ ಕ್ಲಿನಿಕಲ್ ಶುಲ್ಕವನ್ನು ಪ್ರತಿ ವರ್ಷ ಮುಂಗಡವಾಗಿ ಪಡೆದು ಕ್ಲಿನಿಕಲ್ ಸೌಲಭ್ಯ ಒದಗಿಸಲಾಗುತ್ತದೆ. ಸರಕಾರಿ ಆಸ್ಪತ್ರೆಗಳಲ್ಲಿ ಸೌಲಭ್ಯ ಪಡೆಯುತ್ತಿರುವ ಖಾಸಗಿ ಸಂಸ್ಥೆಗಳು, 2018-19ನೇ ಸಾಲಿನಿಂದ ಜಾರಿಗೆ ಬರುವಂತೆ ಪರಿಷ್ಕೃತ ಶುಲ್ಕ ಪಾವತಿಸಬೇಕಿದೆ. ಹೊಸದಾಗಿ ಅನುಮತಿ ಪಡೆಯುವ ಸಂಸ್ಥೆಗಳು ಅಥವಾ 2017-18ನೇ ಸಾಲಿನಿಂದ ನವೀಕರಣ ಮಾಡಿಕೊಳ್ಳುವ ಸಂಸ್ಥೆಗಳು 2017-18ನೇ ಸಾಲಿನಿಂದಲೇ ಪರಿಷ್ಕೃತ ದರದಂತೆ ಕ್ಲಿನಿಕಲ್ ಶುಲ್ಕ ಪಾವತಿಸಬೇಕು ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಅಧೀನ ಕಾರ್ಯದರ್ಶಿ ಪದ್ಮಾ ವಿ. ಅವರು ಮೇ 22ರಂದು ಆದೇಶ ಹೊರಡಿಸಿದ್ದಾರೆ.
ಪರಿಷ್ಕೃತ ದರದ ವಿವರ
ಎಂಎಸ್ಸಿ ನರ್ಸಿಂಗ್ ವಿದ್ಯಾರ್ಥಿಗೆ 15 ಸಾವಿರ ರೂ., ಬೇಸಿಕ್ ಬಿಎಸ್ಸಿ ನರ್ಸಿಂಗ್ಗೆ 9 ಸಾವಿರ ರೂ., ಡಿಪ್ಲೊಮಾ ಇನ್ ನರ್ಸಿಂಗ್ ಕೋರ್ಸ್ 4,500ರೂ., ಡಿಫಾರ್ಮ್ ಪದವಿ, ಎಂಫಾರ್ಮ್ ಪದವಿಗೆ ತಲಾ 15 ಸಾವಿರ ರೂ., ಬಿ ಫಾರ್ಮ್ ಪದವಿಗೆ 9 ಸಾವಿರ ರೂ., ಡಿಫಾರ್ಮ್ ಕೋರ್ಸ್ಗೆ 4,500 ರೂ., ಎಂಬಿಬಿಎಸ್ ಗೆ 50 ಸಾವಿರ ರೂ. ಶುಲ್ಕ ನಿಗದಿಯಾಗಿದೆ.
ವೈದ್ಯಕೀಯ ಸೌಲಭ್ಯ ಹೊಂದಿರದ ಖಾಸಗಿ ಶಿಕ್ಷಣ ಸಂಸ್ಥೆಯ ವಿದ್ಯಾರ್ಥಿಗಳು, ಸರಕಾರಿ ಆಸ್ಪತ್ರೆಯ ಸೌಲಭ್ಯ ಪಡೆಯುತ್ತಾರೆ. ಇಲ್ಲಿನ ಸಾಮಗ್ರಿ ಹಾಗೂ ಇತರ ಸೌಲಭ್ಯಕ್ಕಾಗಿ ಶುಲ್ಕ ನಿಗದಿಗೊಳಿಸಲಾಗಿದೆ. ಕ್ಲಿನಿಕಲ್ ಶುಲ್ಕ ದರವನ್ನು ಸರಕಾರ ಪರಿಷ್ಕರಿಸಿದೆ. ಇಲಾಖೆಯ ಆದೇಶದಂತೆ ಖಾಸಗಿ ಶಿಕ್ಷಣ ಸಂಸ್ಥೆಗಳಿಂದ ಪ್ರತಿ ವಿದ್ಯಾರ್ಥಿಗೆ ಲೆಕ್ಕ ಹಾಕಿ ಪರಿಷ್ಕೃತ ಶುಲ್ಕ ಪಡೆಯಲಾಗುವುದು.
-ಡಾ.ದಾನರಡ್ಡಿ, ಜಿಲ್ಲಾ ಶಸ್ತ್ರ ಚಿಕಿತ್ಸಕ, ಜಿಲ್ಲಾಸ್ಪತ್ರೆ, ಕೊಪ್ಪಳ
ಏಳು ವರ್ಷಗಳ ಬಳಿಕ ಈ ಶುಲ್ಕವನ್ನು ಪರಿಷ್ಕರಿಸಲಾಗಿದೆ. ಸರಕಾರಿ ಆಸ್ಪತ್ರೆಗಳಲ್ಲಿ ಕ್ಲಿನಿಕಲ್ ಸೌಲಭ್ಯ ಪಡೆಯುವ ಖಾಸಗಿ ನರ್ಸಿಂಗ್ ಮತ್ತು ಫಾರ್ಮಸಿ ಸಂಸ್ಥೆಗಳ ವಿದ್ಯಾರ್ಥಿಗಳಿಗೆ ಸರಕಾರಿ ಆಸ್ಪತ್ರೆಗಳಲ್ಲಿ ಒದಗಿಸುವ ಕ್ಲಿನಿಕಲ್ ಸೌಲಭ್ಯಗಳಿಗೆ ವಾರ್ಷಿಕ ಶುಲ್ಕ ನಿಗದಿಪಡಿಸಲಾಗಿದೆ. ಹಿಂದಿನ ಶುಲ್ಕದಂತೆ ಎಂಎಸ್ಸಿ ನರ್ಸಿಂಗ್ ವಿದ್ಯಾರ್ಥಿ 10 ಸಾವಿರ ರೂ., ಬೇಸಿಕ್ ಬಿಎಸ್ಸಿ ನರ್ಸಿಂಗ್ ಮತ್ತು ಪಿಬಿಬಿಎಸ್ಸಿ ನರ್ಸಿಂಗ್ 6 ಸಾವಿರ ರೂ., ಡಿಪ್ಲೊಮಾ ಇನ್ ನರ್ಸಿಂಗ್ 3 ಸಾವಿರ ರೂ., ಡಿ ಫಾರ್ಮ್ ಪದವಿ 10 ಸಾವಿರ ರೂ., ಎಂಫಾರ್ಮ್ ಪದವಿ 10 ಸಾವಿರ ರೂ., ಬಿ ಫಾರ್ಮ್ ಪದವಿ 6 ಸಾವಿರ ರೂ., ಡಿ ಫಾರ್ಮ್ ಕೋರ್ಸ್ 3 ಸಾವಿರ ರೂ., ಎಂಬಿಬಿಎಸ್ 18 ಸಾವಿರ ರೂ., ಎಲ್ಲ ಸೂಪರ್ ಸ್ಪೆಷಾಲಿಟಿ ಕೋರ್ಸ್ ವಿದ್ಯಾರ್ಥಿ 1.20ಲಕ್ಷ ರೂ. ಭರಿಸಬೇಕಿತ್ತು. 2011ರಿಂದ ಇಲ್ಲಿಯವರೆಗೆ ಈ ಶುಲ್ಕ ಪದ್ಧತಿ ಜಾರಿಯಲ್ಲಿತ್ತು. ಪರಿಷ್ಕೃತ ದರ ಪ್ರಸಕ್ತ ಶೈಕ್ಷಣಿಕ ವರ್ಷದಿಂದಲೇ ಜಾರಿಗೆ ಬರಲಿದೆ.
ಹೆಚ್ಚಿದ ನಿರ್ವಹಣಾ ವೆಚ್ಚ: ಸರಕಾರಿ ಆಸ್ಪತ್ರೆಗಳ ಕಾರ್ಯಾಚರಣೆ ಮತ್ತು ನಿರ್ವಹಣಾ ವೆಚ್ಚಗಳು ಗಮನಾರ್ಹವಾಗಿ ಹೆಚ್ಚಿದ್ದನ್ನು ಪರಿಗಣಿಸಿದ ಇಲಾಖೆ ಶುಲ್ಕ ಪರಿಷ್ಕರಿಸಿ ಆದೇಶಿಸಿದೆ. ಖಾಸಗಿ ಸಂಸ್ಥೆಗಳು ಇನ್ಮುಂದೆ ತಮ್ಮ ವಿದ್ಯಾರ್ಥಿಗಳಿಗೆ ಸರಕಾರಿ ಆಸ್ಪತ್ರೆಗಳಲ್ಲಿ ಕ್ಲಿನಿಕಲ್ ಸೌಲಭ್ಯ ಪಡೆಯಲು ಹೆಚ್ಚುವರಿ ವೆಚ್ಚ ಭರಿಸುವುದು ಅನಿವಾರ್ಯವಾಗಿದೆ. ತೆರಿಗೆಯೇತರ ಆದಾಯದ ದರ ಪರಿಷ್ಕರಿಸುವಂತೆ ಆರ್ಥಿಕ ಇಲಾಖೆ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಗೆ ಇತ್ತೀಚೆಗೆ ಸಲಹೆ ನೀಡಿತ್ತು. ಆಡಳಿತಾತ್ಮಕ ಹಿತದೃಷ್ಟಿಯಿಂದ ಕ್ಲಿನಿಕಲ್ ಶುಲ್ಕದ ದರವನ್ನು ಶೇ.50 ರಷ್ಟು ಹೆಚ್ಚಿಸಲು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ನಿರ್ಧರಿಸಿದೆ.
ಈ ಸಂಸ್ಥೆಗಳಿಗೆ ಅನ್ವಯ : ಸರಕಾರಿ ಆಸ್ಪತ್ರೆಯ ಮುಖ್ಯಸ್ಥರು ಖಾಸಗಿ ಶಿಕ್ಷಣ ಸಂಸ್ಥೆಯಿಂದ ಕ್ಲಿನಿಕಲ್ ಶುಲ್ಕವನ್ನು ಪ್ರತಿ ವರ್ಷ ಮುಂಗಡವಾಗಿ ಪಡೆದು ಕ್ಲಿನಿಕಲ್ ಸೌಲಭ್ಯ ಒದಗಿಸಲಾಗುತ್ತದೆ. ಸರಕಾರಿ ಆಸ್ಪತ್ರೆಗಳಲ್ಲಿ ಸೌಲಭ್ಯ ಪಡೆಯುತ್ತಿರುವ ಖಾಸಗಿ ಸಂಸ್ಥೆಗಳು, 2018-19ನೇ ಸಾಲಿನಿಂದ ಜಾರಿಗೆ ಬರುವಂತೆ ಪರಿಷ್ಕೃತ ಶುಲ್ಕ ಪಾವತಿಸಬೇಕಿದೆ. ಹೊಸದಾಗಿ ಅನುಮತಿ ಪಡೆಯುವ ಸಂಸ್ಥೆಗಳು ಅಥವಾ 2017-18ನೇ ಸಾಲಿನಿಂದ ನವೀಕರಣ ಮಾಡಿಕೊಳ್ಳುವ ಸಂಸ್ಥೆಗಳು 2017-18ನೇ ಸಾಲಿನಿಂದಲೇ ಪರಿಷ್ಕೃತ ದರದಂತೆ ಕ್ಲಿನಿಕಲ್ ಶುಲ್ಕ ಪಾವತಿಸಬೇಕು ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಅಧೀನ ಕಾರ್ಯದರ್ಶಿ ಪದ್ಮಾ ವಿ. ಅವರು ಮೇ 22ರಂದು ಆದೇಶ ಹೊರಡಿಸಿದ್ದಾರೆ.
ಪರಿಷ್ಕೃತ ದರದ ವಿವರ
ಎಂಎಸ್ಸಿ ನರ್ಸಿಂಗ್ ವಿದ್ಯಾರ್ಥಿಗೆ 15 ಸಾವಿರ ರೂ., ಬೇಸಿಕ್ ಬಿಎಸ್ಸಿ ನರ್ಸಿಂಗ್ಗೆ 9 ಸಾವಿರ ರೂ., ಡಿಪ್ಲೊಮಾ ಇನ್ ನರ್ಸಿಂಗ್ ಕೋರ್ಸ್ 4,500ರೂ., ಡಿಫಾರ್ಮ್ ಪದವಿ, ಎಂಫಾರ್ಮ್ ಪದವಿಗೆ ತಲಾ 15 ಸಾವಿರ ರೂ., ಬಿ ಫಾರ್ಮ್ ಪದವಿಗೆ 9 ಸಾವಿರ ರೂ., ಡಿಫಾರ್ಮ್ ಕೋರ್ಸ್ಗೆ 4,500 ರೂ., ಎಂಬಿಬಿಎಸ್ ಗೆ 50 ಸಾವಿರ ರೂ. ಶುಲ್ಕ ನಿಗದಿಯಾಗಿದೆ.
ವೈದ್ಯಕೀಯ ಸೌಲಭ್ಯ ಹೊಂದಿರದ ಖಾಸಗಿ ಶಿಕ್ಷಣ ಸಂಸ್ಥೆಯ ವಿದ್ಯಾರ್ಥಿಗಳು, ಸರಕಾರಿ ಆಸ್ಪತ್ರೆಯ ಸೌಲಭ್ಯ ಪಡೆಯುತ್ತಾರೆ. ಇಲ್ಲಿನ ಸಾಮಗ್ರಿ ಹಾಗೂ ಇತರ ಸೌಲಭ್ಯಕ್ಕಾಗಿ ಶುಲ್ಕ ನಿಗದಿಗೊಳಿಸಲಾಗಿದೆ. ಕ್ಲಿನಿಕಲ್ ಶುಲ್ಕ ದರವನ್ನು ಸರಕಾರ ಪರಿಷ್ಕರಿಸಿದೆ. ಇಲಾಖೆಯ ಆದೇಶದಂತೆ ಖಾಸಗಿ ಶಿಕ್ಷಣ ಸಂಸ್ಥೆಗಳಿಂದ ಪ್ರತಿ ವಿದ್ಯಾರ್ಥಿಗೆ ಲೆಕ್ಕ ಹಾಕಿ ಪರಿಷ್ಕೃತ ಶುಲ್ಕ ಪಡೆಯಲಾಗುವುದು.
-ಡಾ.ದಾನರಡ್ಡಿ, ಜಿಲ್ಲಾ ಶಸ್ತ್ರ ಚಿಕಿತ್ಸಕ, ಜಿಲ್ಲಾಸ್ಪತ್ರೆ, ಕೊಪ್ಪಳ