ಕೊಪ್ಪಳದಲ್ಲಿ ಮುಂದುವರೆದ ಕೊರೊನಾ ಅಬ್ಬರ..! ಒಂದೇ ದಿನ ದಾಖಲೆಯ 215 ಪಾಸಿಟಿವ್ ಕೇಸ್‌‌

ಕೊಪ್ಪಳ: ಜಿಲ್ಲೆಯಲ್ಲಿ ಕೊರೊನಾ ವೈರಸ್‌ ಆರ್ಭಟ ಮುಂದುವರೆದಿದೆ. ಭಾನುವಾರ ಒಂದೇ ದಿನ 215 ಪಾಸಿಟಿವ್‌ ಪ್ರಕರಣ ಕಂಡುಬಂದಿವೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಕ್ಯೆ 1,493 ಕ್ಕೆ ಏರಿಕೆಯಾಗಿದೆ. ದಿನೇ ದಿನೇ ಪಾಸಿಟಿವ್‌ ಪ್ರಕರಣಗಳು ಏರುತ್ತಿರುವುದು ಜನರ ಆತಂಕಕ್ಕೆ ಕಾರಣವಾಗಿದೆ.

ಗಂಗಾವತಿ ತಾಲೂಕಿನಲ್ಲಿ ಅತಿ ಹೆಚ್ಚು ಎನ್ನುವಂತೆ ಪ್ರಕರಣಗಳು ಕಂಡುಬಂದಿದ್ದು, ಸೋಂಕಿನ ತೀವ್ರತೆ ಹೆಚ್ಚಿದೆ. ಗಂಗಾವತಿಯಲ್ಲಿ 110, ಕೊಪ್ಪಳ 53, ಕುಷ್ಟಗಿ 24, ಯಲಬುರ್ಗಾ ತಾಲೂಕಿನಲ್ಲಿ 28 ಪ್ರಕರಣ ಪತ್ತೆಯಾಗಿದೆ.

ಜಿಲ್ಲೆಯಲ್ಲಿ ಈವರೆಗೂ ಒಂದೇ ದಿನ ಕಂಡುಬಂದಿರುವ ಅತಿಹೆಚ್ಚು ಪ್ರಕರಣಗಳ ಸಂಖ್ಯೆ ಇದಾಗಿದೆ. ಇದುವರೆಗೂ ಗಂಗಾವತಿ ತಾಲೂಕಿನಲ್ಲಿ 814 ಪ್ರಕರಣಗಳು‌ ಕಂಡುಬಂದಿವೆ. ಕೊಪ್ಪಳದಲ್ಲಿ 353, ಕುಷ್ಟಗಿ 181, ಯಲಬುರ್ಗಾ ತಾಲೂಕಿನಲ್ಲಿ 145 ಪ್ರಕರಣ ಪತ್ತೆಯಾಗಿದೆ.

ಕೊಪ್ಪಳ: ಒಂದೇ ದಿನ ಶತಕದ ಸನಿಹ ಕೊರೊನಾ‌..! 98 ಹೊಸ ಪಾಸಿಟಿವ್‌ ಕೇಸ್‌ ಪತ್ತೆ

ಸೋಂಕಿತರಲ್ಲಿ ಕೊರೊನಾ ಗುಣ ಲಕ್ಷಣ ಹೊಂದಿದವರಿಗೆ ಜಿಲ್ಲಾ ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಿಸಲಾಗಿದೆ. ಸೋಂಕಿತರ ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕಿತರ ಪತ್ತೆಗೆ ತನಿಖೆ ಕೈಗೊಂಡಿದೆ. ಜಿಲ್ಲೆಯಲ್ಲಿ ಈವರೆಗೆ 829 ಸೋಂಕಿತರು ಗುಣಮುಖರಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಸುರಳ್ಕರ್ ವಿಕಾಸ್ ಕಿಶೋರ್ ಅವರು ತಿಳಿಸಿದ್ದಾರೆ.

ಕೊಪ್ಪಳ: ಗಂಗಾವತಿ ಸೇರಿ 11 ಸ್ಥಳಗಳಲ್ಲಿ ಜಾರಿಗೊಳಿಸಿದ್ದ ಲಾಕ್‌ಡೌನ್‌ ಹಿಂಪಡೆದ ಜಿಲ್ಲಾಡಳಿತ