ಕೊಪ್ಪಳ: ಕೊರೊನಾಗೆ ಮತ್ತೆ ಇಬ್ಬರು ಸಾವು; ಮತ್ತೆರಡು ಪಾಸಿಟಿವ್‌ ಪ್ರಕರಣ ಪತ್ತೆ

ಕೊಪ್ಪಳ: ಜಿಲ್ಲೆಯಲ್ಲಿ ಕೊರೊನಾ ಸಾವಿನ ಸರಣಿ ಮುಂದುವರೆದಿದೆ. ಗುರುವಾರ ಒಂದೇ ದಿನ ಇಬ್ಬರು ಕೊರೊನಾ ಸೋಂಕಿತರು ಮೃತಪಟ್ಟಿರುವುದು ಕೊಪ್ಪಳದ ಜನತೆಯ ಆತಂಕಕ್ಕೆ ಕಾರಣವಾಗಿದೆ. ಇದರೊಂದಿಗೆ ಜಿಲ್ಲೆಯಲ್ಲಿ ಕೊರೊನಾಗೆ ಬಲಿಯಾದವರ ಸಂಖ್ಯೆ 4ಕ್ಕೆ ಏರಿಕೆಯಾಗಿದೆ.

ಗಂಗಾವತಿ ತಾಲೂಕಿನ ಚಿಕ್ಕಜಂತಕಲ್‌ ಗ್ರಾಮದ 51 ವರ್ಷದ ರೋಗಿ ಸಂಖ್ಯೆ- 24,910 ಹಾಗೂ ಕೊಪ್ಪಳ‌ ತಾಲೂಕಿನ ಮುನಿರಾಬಾದಿನ 65 ವರ್ಷದ ರೋಗಿ ಸಂಖ್ಯೆ - 28,568 ಸಾವನ್ನಪ್ಪಿರುವವರು. ಇಬ್ಬರು ಜುಲೈ 7ರಂದು ಜಿಲ್ಲಾ ನಿಗದಿತ ಕೋವಿಡ್‌ ಆಸ್ಪತ್ರೆಗೆ ದಾಖಲಾಗಿದ್ದರು.

ಇಬ್ಬರು ಕೂಡ ತೀವ್ರ ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದರು ಎಂದು ಜಿಲ್ಲಾಧಿಕಾರಿ ಸುರಳ್ಕರ್ ವಿಕಾಸ ಕಿಶೋರ್ ತಿಳಿಸಿದ್ದಾರೆ. ಇನ್ನು, ಗುರುವಾರ ಮತ್ತೆ 2 ಪಾಸಿಟಿವ್‌ ಪ್ರಕರಣಗಳು ಜಿಲ್ಲೆಯಲ್ಲಿ ಕಂಡುಬಂದಿವೆ.

ಕೊಪ್ಪಳದಲ್ಲಿ ಕೊರೊನಾ 'ಟೆಸ್ಟ್‌' ನಿಧಾನ: ತಲೆನೋವಾಗ್ತಿದೆ 'ಪೂಲ್ಡ್‌' ಪರೀಕ್ಷಾ ವಿಧಾನ..!

ಇದುವರೆಗೂ ಕೊಪ್ಪಳದಲ್ಲಿ 157 ಪಾಸಿಟಿವ್‌ ಪ್ರಕರಣಗಳು ಕಂಡುಬಂದಿವೆ. ಇದರಲ್ಲಿ 86 ಜನ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದರೆ, 69 ಪ್ರಕರಣಗಳು ಸಕ್ರಿಯವಾಗಿದ್ದು, ನಾಲ್ಕು ಜನ ಕೊರೊನಾ ಕಾರಣದಿಂದ ಮೃತಪಟ್ಟಿದ್ದಾರೆ.

ಕೊಪ್ಪಳ: ಪೊಲೀಸ್ ಪೇದೆಗೆ ಕೊರೊನಾ, ಠಾಣೆ ಸೀಲ್ ಡೌನ್